حبيبه من نوع اخر

ال9

ال9

(فضلت فيروز جنب ماجد لحد ما نام من كثر التعب قامت غطيته كويس ودخلت البلكونه بتاعة اوضته وهي زعلانه قوي وبتعيط

فيروز: روحتى ليه دلوقتي يا ود ما كنتيش عارفه تستني شويه كنت هكسب منك الشجاعه انى اتكلم مع ماجد انما دلوقتي انا خايفه اقوله حاجه خايفه اخسره اعمل ايه انا بقى دلوقتي حاسه اني مش هقدر افضل اكدب عليه كده كتير بس خايفه اتكلم معاه او اقوله حقيقتي يسيبني وانا ما اقدرش ابعد عنه...

( غمضت عينيها بتعب نفسي فتحتها فجاه لقت قدامها الرخم اللي اسمه حارس..

حارس: اهي ماتت اللي كانت بتساعدك وما حدش هينفعك غيري ولو هي ما قالتش وعمها كمان ما قالش وانتى مغمياه بتعويذه من بتوعك انا هقول وبكل بساطه... ما يهمنيش بقى هيحصل معاكي ايه ولا هو هيشوفك ازاي انا اخر همي علاقتكم هتوصل لفين لاني عايزك ليا زي ما انتى عارفه يبقى نعقل ولا نكمل في الجنان ده.

فيروز: برغم انك للمره المليون بتتطفل على حياتي بس انا هسالك سؤال.. انت ايه اللي خلاك واثق كده انه لو عرف كل حاجه هيبعد عني ويسيبني!؟؟؟ اللي بيحب حد بيحب كل جوانبه يعني ما بيحبش فيه حاجه معينه وانا اعتقد ان علاقتي بماجد اكبر من ما انت متخيل يعني انت ما تقدرش تهدها بالبساطه دي.

حارس: انا متاكد انه لو عرف مش هيكمل معاكي يوم واحد كمان وهيسيبك بمنتهى البساطه هو الجنس البشري كده ما بيستحملش يشوف حد مختلف عنه واول ما بيحس ان فيه حد غريب دخل حياته بيقرر انه يتخلص منه بمنتهى البساطه وانتى زيك زي اي حاجه غريبه في حياه اللي اسمه ماجد اول ما يعرف حقيقتك ويشوفك هيتخلى عنك على طول.

فيروز: طيب ايه رايك.. تحدي ما بيني وما بينك انه حتى لو عرف انا ابقى ايه وحقيقتي ايه هيستمر معايا وهيفضل يحبني مهما حصل موافق ولا خايف ان انا اكسب التحدي زي كل مره.

( وقف حارس يبصلها وهو كله ثقه من كلامه لانه عاش كثير في وسط الجنس البشري وعارف طبعهم.

حارس: موافق علشان متاكد ان ده مش هيحصل ابدا بس عندي شرط..!! لو رفضك في حياته لازم ترجعيلي ثاني موافقه ولا لا اصل انا مش هعمل التحدي على ذوقك وخلاص لازم يبقالي فيه شرط محدد وده شرطي لو وافقتى عليه انا موافق ولو ما وافقتيش يبقى كاننا ما قلناش حاجه.

فيروز بثقه: موافقه لو وافقت انت كمان على شرطي في التحدي...! انه لو قبلني في حياته انت هتخرج من حياتنا نهائي وما عدتش اشوفك تاني مهما حصل وما تاذيش اي حد من طرفي ولا تاذي ماجد ايه رايك.

حارس: وانا كمان موافق وقسم بقسمه على نفسي انه لو قبل بيكى في حياته انا هبعد عنك نهائيا وهختفي من حياتكم لابد الابدين ولا هأذيه.. لا هو ولا اي حد يخصه ولا يخصك.

(بعد ما مشى حارس فضلت فيروز واقفه في البلكونه لحد ما الشمس طلعت وعدى شهر على موت ود وقتها كان عز قاعد على ترابيزه السفره مستنيهم يجوا عشان يفطروا بس ما جاش غير صفيه وبس.