حبيبه من نوع اخر

ال10

ال10

(استغرب ماجد قوي من خوف فيروز اللي مش مبرر من فكرة انه هياخدها في حضنه ولو مره واحده لو هي بتحبه وهو بيحبها ومتفقين على الجواز يبقى فين الضرر من حضن واحد بس.

ماجد: اهدي اهدي انا اكيد مش هحضنك غصب عنك انا حتى قلت لك تسمحيلي ولو انتى مش عايزه مش مهم بس انا عايز اعرف ايه سبب رعبك ده كله انا حتى لسه ما قربتلكيش.

( فيروز حست ان الموضوع هيكبر ولازم توضح ايه سبب تصرفها ده لماجد.

فيروز: رعب ايه ما فيش حاجه من دي انا بس بتكسف قوي وبخاف على نفسي جدا يا ماجد وانا بحبك قوي والله بجد وعايزه كل احساس احسه وانا معاك اكون حاسه انه من حقي وانا مراتك.

ماجد: ايوه فهمت يا قلبي انا اسف لو كنت ضايقتك صدقيني ما كانش قصدي انا بس استغربت من طلب ود للحاجه دي كذا مره وانا اصلا كنت حاسس اني عايز ابقى قريب منك مش اكثر بس لو انتى مش حابه مش مشكله.

فيروز: اوعى تقول كده ابدا انت تضايقني ازاي ده عمره ما يحصل ده انا خايفه لا اكون انا اللي ضايقتك مني والله معلش اعذرني انا بس اللي ما بعرفش اسيطر على انفعلاتي يمكن خضتي دي هي اللي خلتك تفكر اني اتضايقت او حاجه انا اسفه.

ماجد: بالعكس ده انتى عليتي في نظري اكثر واكثر بس انا بردو مش عارف ايه السر في طلب ود مني اني احضنك مش شايفه انها غريبه وكمان كانت بتكلمك كانك مخبيه عني حاجه ولو انا عرفتها هزعل او هتضايق والله الموضوع كله بس مربك وموترني..

فيروز: انت اللي شاغل بالك بس بود وبيه اكثر من اللازم حاول تبطل تفكير ويلا بقى عشان ننزل نفطر معاهم احسن يزعلوا وكمان نبارك لمؤمن ونجمه دول هيتجوزوا خلاص زي ما ود قالت هو طلبها وابوها وافق وكلهم فرحانين خلينا نشاركهم فرحتهم علشان هما كمان يشركونا فرحتنا ولا احنا مش هنتجوز..

ماجد: مؤمن هو بجد عملها الاهبل ده قبلي... اهو انا مش مفرحني ومخليني مرتاح للجوازه دي غير ان ود هي اللي قالت انهم لبعض وانهم هيبقوا مرتاحين مع بعض ومبسوطين خصوصا انها قالت لي ما تخليش حد يفرقهم علشان كده انا هفضل في ظهرهم على طول وبعدين هو ايه اللي مش هنتجوز ما احنا مش بعيد نتجوز في نفس اليوم كمان هو انا هستنى.

فيروز: الصراحه ود ما كانش في منها ابدا.. مخلصه وهي عايشه ومخلصه وهي ميته لو بس ترتاح شويه.. اقصد يعني انها تديني فرصه ان انا اسعدك واتصرف في كل حاجه.... هو انت يا ماجد ممكن تسيبني لاي سبب من الاسباب.

ماجد: انتى بتقولي ايه انا مستحيل ابعد عنك ابدا.

فيروز: انا بس خايفه ان الاختلاف اللي ما بيني وما بينك يخليك تبعد عني.

ماجد: هو ايه اللي مختلف ما بيني وما بينك ولا تكوني فاكره يعني عشان احنا من طبقتين مختلفين في المجتمع انا هاخد بالكلام ده انا ما ببصش خالص للحاجات دي انتى ليا مهما حصل.