حبيبه من نوع اخر

ال13

ال13

(بعد كلام ماجد حست فيروز بالخوف انه فعلا يمشي ويسيبها وما تقدرش تتكلم معاه ثاني ولا تشوفه بصلها ماجد وقرب منها

ماجد: احنا فعلا يا مؤمن هنمشي من هنا بس الاول قبل ما اتحرك من هنا خطوه واحده لازم افهم كل حاجه هي مش هتستغفلني كل الفتره دي وفي الاخر انا امشي واكمل غباء وما اعرفش الحكايه ايه

فيروز: انت عايز تعرف ايه وانا اعرفهولك انا مش هخبي عنك اي حاجه تاني اسالني وانا هجاوب

ماجد: تمام قوي انا عاوزك تحكي لي بقى عرفتيني ازاي ومن امتى وحبيتيني امتى انا عايز اعرف كل حاجه ومن غير ما اسالك عايزك تحكي كل التفاصيل

فيروز: حاضر هحكيلك كل حاجه ومش هخبي عنك صدقني... الحكايه كلها بدات من 20 سنه كنت بعوم في الترعه دي احنا في حالنا والبشر في حالهم وعمرنا ما اذينا حد ولا عمر حد شافنا كانوا بس بيسمعوا عننا وقتها لمحت على جنب الترعه ولد زي القمر ومعاه بنوته صغيره جدا وجميله وهي اول ما بصت في الترعه شافتني وفضلت تقول في عو في الميه وما سكتتش ابدا وكانت مصممه على موقفها الولد ده استغرب جدا من كلامها وفضل يقرب من الترعه علشان يحاول يشوف اخته بتتكلم عن ايه علشان يحاول ان هو يطمنها ويقول لها ان ما فيش حاجه لكن هو نفسه كان خايف من كلامها عشان كده قرر انه يقرب اكثر عشان يثبت لنفسه ان ما فيش حاجه ويرجع يطمن اخته فضل بيقرب من الترعه يقرب لحد ما رجله اتزحلقت في الطين ووقع في الميه جنبي... وقع جنبي بالظبط وبعد دقيقه واحده اكتشفت انه ما بيعرفش يعوم فضل يصرخ ويخبط في الميه برجليه و اديه وما كانش شايفني اصلا واخته قعدت تعيط كثير جدا صعب عليا وهي كمان لان انا مش مؤذيه برغم ان انا ما كنتش مسلمه ابدا ايامها على فكره.

ماجد: هو انت ما كنتيش مسلمه

فيروز: ايوه ما كنتش مسلمه خليني اكملك... انا وقتها لما شفت المنظر كده رحت جري شلته وخرجته بره الميه وحطيته على جنب الترعه ما تعرفش انا كنت يومها مبسوطه قد ايه مش علشان الولد وقع في الميه ولا حاجه لا علشان الولد ده هو حب حياتي.

( كلهم كانوا مستغربين جدا وبيبصوا لفيروز بذهول وهي بتحكي قصة حب دامت لمده 20 سنه قرب منها ماجد وهو بيسالها

ماجد: مين الولد ده وليه هو ما شافكيش والبنت شافتك انا مش فاهم اي حاجه وضحي علشان خاطري يا فيروز

نجمه: انا فهمت هي تجصد ايه يا ماجد الولد ده يبجى انت والبت تبجى ود الحكايه دي ليها زمن بعيد جوي انا سمعتها من ابوي وجتها استغربت جدا للي حصل لكن ما فهمتوش زي ما فهمته دلوك.

فيروز: ده صحيح انت الولد ده اليوم ده كانت اول مره اشوفك واول مره اتكلم مع حد من البني ادمين اصلا.... ودى كانت ود اللي اتكلمت معاها يومها كانت بتقولي هو اخويا ماجد مات يا عو قلت لها انا مش عو ما تقوليش كده علشان انا بزعل ردت عليا وقالت لي طيب انا اسفه اقول لك ايه قلت لها قوليلي يا فيروز قالت لي ماشي يا فريوز وهي مش عارفه تنطق اسمي كويس... قلت لها ما تخافيش هو كويس وزي الفل وكمان شويه هيصحى لقتها بصت وراها وقالتلي طيب لازم تمشي دلوقتي يا فريوز.. علشان بابا وعمى جايين فانا قلت لها كنت لسه هقول لك انى لازم امشي وقلتلها خلي بالك منه وبصيت عليك بصه سريعه ونزلت الترعه تاني وانا كان نفسي افضل جنبك العمر كله بس ما كانش ينفع انهم يشوفوني بعدها جه عمك ووالدك لحقوك وخدوك بعيد وخدوا قلبي معاك فضلت انا واقفه اسمع صوت خطواتكم لحد ما بعدتوا ومن يومها وانا بسمع صوت افكارك وانت بعيد حتى بعد ما رجعت مصر كنت دايما متابعاك من بعيد وانت بتكبر سنه ورا سنه بس ولا مره جيت عند الترعه تاني من يوم وقوعك فيها و ود ما قالتش لحد حاجه غير لعمك ويومها عرف ان الترعه فيها حاجه فنشر في البلد ان الترعه مسكونه لحد ما خلى ما فيش اي مخلوق بيجي ناحيه الترعه وحتى انت لما بتيجي زيارات كنت تيجي تقرب ان انت هتلعب الناحيه دي كان عمك يمنعك وده خلاني اتحرمت من اني اشوفك.