ليتك قدري الاول

آلبارت 1

آنا آلكاتبه. مروه‍ مٱجد

قصه منقوله ل الكاتبه رفل الكناني

يمه هبه هباوي كومي حبيبيه طلابج ينتضروج الساعه 4بنيتي

اي يمه كايمه شبساع صارت بلاربعه توني نمت

لا يمه  صار فتره نايمه بس سوده عليه تعبانه من التدريس ودوخه الطلاب هل نمتني وماحسيتي

اي والله يمه تعبانه البارحه للوحده بليل واني اسويلهم الاسئله ومن الصبح كعدت دققتهه وهسه نمت مادري بروحي
شتسوين يبنيتي هذا هم حضج مكتوب عليج شلعان الكلب وله انتي خلصتي من الدراسه انوب رجعتي درسين من وره هاي العيشه الطايح حضه
الحمدالله عل كل حال يمه
عافتني امي وطلعت كمت غسلت وجهي ولميت شعري وشلت صبورتي ودخلت عل طلابي سلمت عليهم وبديت ادرس لحد مانسبت نفسي وعاني صوت اذان المغرب توقف كتلهم اليوم حيل اخذنه الواهس مدام هيج باجر اووف عل عكبه ان شالله لمو كتبهم وبدو يطلعون واحد من الطلاب اسمه وائل شال 25 ألف ونطاني كال ست هاي مال بدايه الشهر تشكرت منه وطلع هذا الطالب الوحيد لمريحني وينطيني بداية الشهر اما البقيه شكلهم مثل حالي حالتهم بس من لاجاره أهلهم مخليلهم مدرس بحيث يشلعون كلبي ال ينطون فلوس الماده ويوميه عذر يوم ابويه ممستلم الراتب يوم امي دكول فد يومين وعل هل حال اني اعذرهم لن اشوف نفسي بس بنفس الوكت اني حالي مو احسن منهم وداتعب ورجليه اليل كله يونن من الوكفه بل ساعات واني ادرسهم طلعووو واني لملمت الهول ورحت للغرفه اجه ورايه حذام اخويه

هااا هباوي شلونج
هلوو حذومي حبيبي

احجي واضم بل اقلام من وره جهال عصام لتفتت شفته مبتسم ويحك بحاجبه مبين اكو حجي بحلكه بس مستحي

كول حذام اشو حاير مبين عندك سالفه

شوفي هبه ااااا لالا ماكو شي

هاي شبيك حذومي كول الله عليك لاتستحي اني هباوي

والله مااعرف شكول بس راح احجي ماعندي غيرج محتاج فلوس باجر معزوم يم جماعتي عل طلعه نصيد ونتغدا واني ماعندي ولافلس واستحي ارد العزيمه اذا عندج انطيني

باوعت الخمسه وعشرين بعدهم بيدي بتسمت وشلتهن ونطيتهيا

باس راسي وطلع خجلان خطيه يستحي بس شيسوي منين يجيب وهوه طالب وعصام مفد يوم شال ألف دينار ونطاه كلت الحمدالله اجتي هاي الفلوس بوكته طلعت ساعدت مرت عصام بلعشه واتعشينه ونضفت البيت داروح الغرفتي صاح عصام عليه رحتله

هااا ابو محمد

اكولج هبه انتي ددرسين ماجد ذوله الكدامنه

اي ليش

بعد لدرسي يمعوده صاير شطوله شنو طبته للبيت

عصام الولد صغير كله صف اول متوسط