آنا آلكاتبـه. مروه مٱجد
سمعت صوت عبالك قنبله وانفجرت بلبيت من رهبت الصوت نزلت اركض بدون وعي شفت بارق وهديل يتراكضون باتجاه الكراج واني وراهم شفت منضر رعبني مرت سلام شابه النار بثوبهه وتركض ومفرفحه وبارق يريد يلزمها وهديل واكفه وتلطم شفت الخبز بلكاع والعجين عرفت جانت تخبز والتنور طك عليهه بدون تردد سحبت الغطوه العليهه الخبز وجانت النجانه منكعتهه بلمي يمكن حتى تغسله غطيت الوصله بنص النجانه وشمرتهه عليه راسن طفه ثوبهه صحت باااااااارق لاتباوع وجان اشيل دشداشتهه وبحركه وحده رفعتهه ليفوك ونزعته من ركبته وهيه تعيط وتبجي وبنص الكراج ضلت بس بلداخليات سحبتتها حيل من ايده لحد المطبخ صار كدامي مفرش عل ميز الطعام شلته لفيتهه بي واخذتهه لغرفة هديل وعمتي تصيح انتي والله انتي انتي شو شسويتي للتنور مجاوبتهه ولاعبرتهه لتفتت عل هديل كتله عفيه جهالي فوك نزليهم ليوكعون راحت واني فليت الجرجف شفت جسمهه بي مكانات مستويه غمضت عيني وهيه تصرخ دخلت عمتي رجعت غطيته وطلعت ركض صار بارق بوجهي
بااارق الحك تره البنيه مستويه
صدك شلون اخابر سلام
اكولك انت تنتضر سلام شيبقى بيهه لحد ميجي متسمع صوتهه
لعد شسوي
اخذهه انت وعمتي للمستشفى
يله لعد طلعيهه
دخلت عليه
اكولج كليلي وين جبتج دياخذوج للمستشفى
عمتي كالت
ارتاحيتي حيااااااله يبوووووو اليوم ماخليج بلبيت
ولا باوعتلهه
بس كولي وين جبتج
تبجي واتشر على غرفته رحت داجيبها نزلت هديل شايله الجهال كتله نطينياهم وجيبي جبتهه دياخذوهه راحت واني كعدت الجهال بلكاع جابتهه واجتي دخلت كوه لبستلهياه متقبل وحقهه الحرك موطبيعي كومتهه وهيه مجلبه بيدي التفتت عل عمتي كاعده بلكاع وتدك على رجليهه كتله
عممه كومي كومي وياهه رووحي
همت بسرعه وتصيح ولج هديل جيبي عباتي
هديل تبجي وتكلها دعاء عفيه لتبجين والله هسه يداووج هيه مجلبه بيدي وتشهك همست
عفيه امشي انتي وياي
والقرآن جان رحت بس جهالي صيري سبعه وعمتي راح تروح وياج وهسه سلام اخابره يلحكم
هزت راسهه والدموع عشره عشره
عمتي سحبتهه واني وراهه صعدتهه بسياره وفتحت باب الكراج وبارق طلع السياره وراحو سد يت الباب وباوعت عل خبز مطشر استغفر الله هاي من سحبت الغطوه دنكت لميته اجتي هديل
أنت تقرأ
ليتك قدري الاول
Romansaآنا آلكاتبـه مروه مٱجد القصه مــنقــولــه لل الكـاتـبـه رفـــل الـكـنانـي
