ليتك قدري الاول

آلبارت 18

آنا آلكاتبـه. مروه‍ مٱجد

للضهر كمل كلشي وشغلهن واهم شي طيور الجنه يفقدون يوسف ونور عليها يفكون حلكهم تشكرت منه ونزل وصعدت ام رقيه مجهزتني بغراض المطبخ كامل ممخليه حتى روله الكلنس كالت سلام الصبح مر عليه ونطاني فلوس وراح للدوام هاا خوما ناقصج شي

لاسلامتج اشكرج هوه انتي شمخليه

يله لعد راح انزل

دبقي تغدي الله عليج

لاعلى بختج شيخلصني من امي رايحه كبل البيتي وسبوع بعد متشوفوني لحد متنسى صعدتي هاي عليج

ههههههه أحلام والله عندج سوالف

ههههه اشاقه وياج بابه اني حلومه ماخف بس من الخلقني هسه انزل يمهه وشكم غلطه عل شكم سبه وابوج الله يرحمه

هههه دروحي وروحي خل اسمع بس الصياح

عل بختج هباوي صياح شنو هذا السطح يمج كولي خل اشوف شكم نعال تهفج

ههههه لالا محشومه

عادي عادي متعلمه يله بأي

الله وياج

والله خطيه ضحكتني صدك امهه تسويهه اووف اووف الله يهديه خلص اليوم عادي لليل صارت صنته وجهالي نامو وبس اني افتر حتى شغل ماعندي اباوع من الشبابيك يطلن عل سطح والله اشو خفت وعيني متاخذ نوم لان ممتعلمه وحدي ابقى بفد مكان كمت كل شويه اوصل يم باب السطح اتاكد مقفوله وارجع اخر شي شجعت نفسي شبيج هبه شنو هل جبن هذا قابل شكو جوه 3 زلم نايمين صوت واحد يسمعون صيري سبعه وتعلمي عل هذا الوضع لاتصيرين جبانه من اولها كوه كوه اله قنعت نفسي ونمت وبقيت عل هذا الوضع ت تقريبا اسبوع سلام ميصعد ابد بس الصبح الكه المسواك كامل وحتى فلوس الكاهن يم حاجز الدرج بنهار ملتهيه ويه الجهال وبليل يبدي الخوف أضل افتر افتر ال ان انسطر واتعب وانام الجهال تعلمو عل بيت وبدو يزحفون واني وراهم وراهم اخاف عليهم امي اخابرها بستمرار وعمتي خانسه وايناس هم نتخابر عل طول واليوم كلتلي راح اجيج وصدك للعصر اجتي هيه وبناتهه غير فرحت بيهه ونطلقت وياهم عبالك جنت محبوسه وجلبت بيهه ع عشه واني كلشي عندي بثلاجه اشتغل واسولفله شلون خلصت الاسبوع وهيه تفتر بلبيت وتكلي مرتبته مخليته يجنن والله معدله سويت العشه وصبيت وكعدنه كلنا يمكن اكلت من كل كلبي عل واهسهم ولمتهم وقبل منكمل صعد خلدون وتربع وكعد وكام يصفط بلمواعين ويأكل واحنا نضحك عليه صار احلى عشه لحد مكملنا ولملمت وايناس وياي عبالك مجايه خطار تركض قبلي وجهالي مكيفين لكو من يلعبهم ويشلهم واغسل مواعين وايناس تخض فكدتهم كتله بس اشوف الجهال رحت مالكيتهم

يبنات وين يوسف ونور

عمه عموو خلدون نزلهم

يمه جهالي اخاف هاي مرته تأذيهم رحت اركض عل ايناس