ليتك قدري الاول

آلبارت 5

آنا آلكاتبـه. مروه‍ مٱجد

اخلي الشال يوكع ومهديت الدشداشه من كدام وهيه مثل الطير المذبوح مدري شلون نزلو والله اباوع عليهم عبالك شالو عزززززه بعينه شكد قوي كل هذا ومادري العركه عل شنو هوه نزل  وهيه بعدها على حالتها هديت ايدي منها كعدت كبالها كامت ادك عل رجليه خطيه بناته حاوطنه المنضر يكطع الكلب متحملت سألتها

اني ماعرفج بس اكيد انتي ام قتيبه اني مرت سلام فدوه لعينج بس هدي نفسج خطيه بناتج شوفي حالهم والله كلشي اله حل بس بتفاهم

تهز براسه ودك عل رجليه كالت ماله حل بعد حرك كلبي متزوج عليه هاي بدال ميزوج قتيبه يتزوج هوه ليشششش اني شناقصني لامته ولامه بيته ولده عشرين سنه كاعده بهذا المهجوم منغير السنين العشتهن يم امه راوتني نجوم الضهر هاي تاااالي صبري يحط عل راااااسي مره

ضليت باهته ومصدومه ابوقتيبه متزوج عليها متوقعته منه يعني هوه صدك موجبير بس لاشاب ولامراهق صحيح مداري نفسه بكشخته بس اكيد هذا من الخير مو يكولون الخير يخير بس مومال يتزوج شكله رزن وماعنده خرابيط وكلامها صحيح هوه ابنه قتيبه مستحق زواج مو يتزوج هوه مادري شجاوبها وشلون أهديه حقها بلي تسوي وأكثر هاي عشرت عمر ياحقيره قبلت بواحد متزوج وعنده هيج عائله فعلاً هدمتهم

ام قتيبه أخاف متوهمه

لالا ابد ماحجيت ال تاكدت

تحجي وتمسح بدموعهه ولمت بناته لحضنه

اني صار فتره مراقبته يبات هواي بره البيت يكولي شغل ومن اخابره اسمع صوت هوسه وتلفزيون حتى اني مبتعد مني وميدري بولده  عبالك مسطور من يجي فونه ميسكت ومن اجي يمه يسده كم مره دك نص اليل وعافنه وطلع حتى اكل مياكل بلبيت ياشغل هذا الياخذ الرجال من اهله هلكد بديت اراقب فونه واخذت أكثر رقم يدك عليه مسجله رموز كم مره دكيت مجاوبو لحد ماليوم دكيت وطلعتلي بنيه كتله عبالي وحده يضحك عليه كتله اني مرته عوفي تره ميفيدج متزوج وعدنه كومه ولد وبنات دكلي واني هم زوجته وعنده جهال مني يعني متزوج الله اليعلم صار اشكد واني ياغافلين الكم الله غركانه بلبيت والجهال حايره شلون ادرسهم اشلون اربيهم واوصلهم مبالي هوه حتى من مبتعد عني اكول اوووو كبرنه عل هاي السوالف اثاري الرجال مكتفي واني مهامته
عل كلامهه ودموعهه دموعي جرن  صدك قهرتني كومتها للحمام غسلت وجهها وصحت لبنتهه كتله جيبي دشداشه الماما ركضت جابتها انطيتهياه وطلعت رحت يم البنات اخذتهم بيدي حبايبي شنو اسماكم

اني جمانه

واني زهراء

فدوه للبنات وانتو ياولد

اني مصطفى

واني محمد

فدوه الله يحفضكم

طلعت هيه خطيه صدك عبالك مكسوره تعدل بشعرها باوعت عليه ابتسمت بتعب كعدت يمي كالت

اعذريني موخوش وكت تعرفنه عل بعض بس شنسوي بعد صارت