آنا آلكاتبـه. مروه مٱجد
عافني وطلع لو تيبست هذا الجنت منتضرته من المغرب هيج ردت فعله امدايه اي والله واني منيلي حض غسلت ايدي وكبل الغرفتي اريد اهدي روحي ماكدر شبي شبي راح يخبلني ساعه يكولي اريد الطفل و شوكت يجي وساعه اشوف منه غير وجهه كمت مااحزر تصرفاته ساعه اكول يحبني وساعه اكول يمثل عليه يعني مره يصعدني للسما ومره يلطخني بلكاع والله اليوم مااسكت اذا ميرد ع سؤالي
كمت دكيت عليه جاوب
الووو
وين انته
موكتلج رايح للكهوه
هسه تجي
شنووو.
مسمعتني هسسسه تجي
شكو شبيج
تعال وانت تعرف
بابه كاعد يم العالم
معليه هسه تجي
طبعن متعاركه انتي وامي مو
لا
لعد شبيج
كتلك تعال
ماشي جاي
سديته والعبره خلنكتني هيج اني اقل شي اختنك وادمع والله عشر دقايق واجه اني كاعده عل جربايه دخل بس كال
شبيج طكيتهه بجيه
يمعوده شكو
سلام انت شبيك اشو مداعرفك
هاي سالفه جديده
سلام لاتغشم نفسك اجيت من الدكتوره مفرفحه وانتضرتك عل نار اريد اشوف عيونك شتكول بخبر التوام وفرحتك شلونهه تالي متعبرني وتعوفني وتطلع
عجيب جايبتني عل هاي السالفه
اي ليش هذا الشي عندك عادي مووو طبعن اني متحمله الحمل والتعب ومتحمله كولشي وانت كلمه تطيب خاطري وتريح كلبي ماكو
وشتردين اسويلج احبل بمكانج حتى اشيل التعب
ماكتلك هيج بس ردت اشوف الفرحه الي ماشفتها لا من حبلت ولاهسه
طبعن انتي ماعندج سالفه تره مللتيني لومتعاركه ويه امي لو تعاركيني كتيلي توم امنت بالله وحمدته وشكرته شتردين مني بعد اركص حتى ابينلج اني فرحان
سلام اصفالك عل راي لو تحبني وتراعي الله بيه وبمشاعري لو كلياهه طك بطك اني داسوي هيج لن ماريد منج لاخلفه ولاحب تره اني تعبت من طبعك ومن تصرفاتك ماريد بعد شويه تجي تحضن وتعتذر ودكلي خلص انسي شنسى حتى انسى بس هذا موقفك من شفت بتسامتك شلون ختفت بعد ميروح من بالي لو اموت
هسه شتردين
مسحت دموعي بيدي
سلامتك هاهيه اني هيج تعلمت مااخذ منك لاحق ولاباطل بس ميخالف اشوف تاليتك ليون راح نوصل وياه هذا برودك
أنت تقرأ
ليتك قدري الاول
Romantikآنا آلكاتبـه مروه مٱجد القصه مــنقــولــه لل الكـاتـبـه رفـــل الـكـنانـي
