ليتك قدري الاول

آلبارت 35

آنا آلكاتبـه. مروه‍ مٱجد

كالت هبه لو لاتاخذ
الله عليك هاي احلام هيج كالت
اي وداعتج كتلهه ليش شغيرج كالت بارق اني بصراحه مريدتهه لان مرت المرحوم وهم لان انت ممتزوج ليش تأخذ متزوجه وحبلانه وجايبه بس اليوم شفتهة بارق مو جسم مسطره اني صفنت بارق من شفتتهه بقيت صافنه وصدك تمنيتهه الك هذا الحجي بعرس هديل انتي مبدله كدامهه ماعرف شنو انوب خلتني الوب عليج وذبيت حركتي من رزلتج بلزفه وهم مابردت اجيتج للبيت وجنت ناوي اكسف احوالج واطلع ضيم كلبي بيج بس عجبتيني اكثر وأكثر اصريت عليج من مفتحتي الباب وكلتيلي مااخون ثقة حذام وامي تأكدت بيومهه انتي المره التصونيني وأمن بيتي عندج

اي صدك تعال اكولك انت ذاك اليوم لعبت طوبه بخلدون شالون تروحلها بنص اليل وشلون لعد انت مو هم بنص اليل اجيتني وتعاي افتحي الباب

لاتقارنيني بااحد اني مو نفس خلدون اني جبير وواعي خلدون ثنينهم طايشين يعني اذا لزمهه ميهده ال وهوه مسوي كارثه وإذا تورط شيحلهه مثل هسه مو مانطوهه وشكد ردنه وشكد سعينه وقفلو لو متورط وياها جان ذبحوها وهوه يكتلو يكتلو لو بعد سنين

زين ليش رفضو هيج خطيه
ماكو قفلووو وابن عمهه واحد كلب ابن كلب الكعده كولها يهوبز واني واني اخر شي صمطته بوكسين كعدته وزن اله سكت واخوهه يكول اكتلهم ثنينهم وانسجن طول الحياه ولاياخذهه هيج حطيته برأسي وحتى لو هسه اكلكم اخذوهه هم يجي يوم اكتلهم مدام طلعت من البيت وياه ومحسبت حسابنه والعالم جابت سيرتنه من وراهم ميخلصون مني اني متحملته خبزته هم بوكس كبت عاد الشيخ مالتهم وشيخنه كال انتو متتراهمون والسالفه راح تكبر وذوله لادين ولا دراسه وانتو ناس مثقفين وواصلين ليش تكبروها اخصموها بفصل دوست البيت والبنيه ابن عمها اوله بينه ليش تنذبح وتشيلون خطيتها اني بسرعه وافقت لان اهلهه ساحله وأتوقع همه سوو هل فضيحه كوله علمود الفصل فااشتريت حياه اخويه ونهيته

بس خطيه خلدون شفت شصار بي

هو ارعن والله لو جاي وكايل اريدهه قبل هاي الهوسه اله اطب بعيونهم واخذها بس بعد منكدر اخونه هوه العايل وكع كل الحق عليه يله هسه بااوربا بلكت الله ينسى

والبنيه خطيه

هبه ليش تخليني الوص يعني تعرف اهلها موخوش اوادم وملطلطين وعدها كومه عمومه ولدهم تارسين بيتهم ليش تحب وتخربط من البدايه حبيتي روح جيب اهلك وتعال تره ثنينهم غلط خلدون شعنده اشو بس هو وامي بلبيت لو كايل زوجوني من كيفه هم يأخذ اليحبهه وهم يتزوج ويجيب مره للبيت بس اني ادري شبيهم وشمنعهم لو هيج احسن من صارت فضيحه وهوه هج والبنيه تزوجت واني دفعت الفصل واني لابيهه ولاعليها

حبيبي ليش معصب

هذا الموضوع ينرفزني بس فكرت خلدون من عاف الأول والتالي وهج من وراه مره هذا لحاله يصعد ضغطي
اسم الله عليك من الضغط تعال خلي انام شوف الساعه بيش تره جبناهه من حبناه وصلنا يم خلدون الاوربا