آنا آلكاتبـه. مروه مٱجد
خطف من يمي حذام وركض جاب الجهال ورجع شفتهم لو نجنيت كمت اكوم واوكع اريد الزمهم شمرهم عليه وهوه يكوله
هاك انعل ابو لأبو حتى جهالك
من شفت هيج فقدت آخر ذره بعقلي طلعت للشارع بدون وعي وهوه لازمهم بس ميعرف شلون وحذام يصيح يله ووووولي يله أخذهم وروح
مستحل اعوفهم جهالي محد ياخذهم اااااحركه لروحي والله احركه
ااااامشي طبي جوه خل يأخذ جهاله ويروح
حذام اااااموت والله اموت بدون جهالي ليش هيج تسوي مو توك تكولي اني بضهرج شلون انت بس بضهري وتنطي جهالي
كومي وياي لعد كومي شوفي شلون الجهال فرفحو كومي
سلام رجعه مارجع انطيني جهالي
شكد انانيه
حجه وحصرهم بحضنه وفتح باب السياره ديخليهم كمت الطم عل وجهي
منو الاناني اني لو انتا حرام عليك خاف ربك جهالي محتاجيني
ماهتملي خلاهم بصدر عرفت مابيها مجال راح ياخذهم واموت وراهم جيتت يم رجلي لزمته من بنطرونه حيل مجلبه برجله ومثبتته بلكاع لان جان يريد يصعد وجهالي يصرخون واني اكثر منهم وحذام يجر بيه
سلام رجلك ابوسها والله ماعليه بيك لو تتزوج بعد اثنين بس جهالي انطينياهم الله عليك لاتحرك كلبي أكثر
حذام يسب بيه ما خله لان هيج كاعده يم رجله وبشارع وهوه يباوعلي وعيونه دم دخل جسمه للسياره عبالي راح يصعد جلبت بي اكثر ودفنت راسي برجليه واصيح
لالالالاالله عليك لاتاخذهم عليك القرآن دموعي بللن بنطرونه همس وعيونه مغوركه
مااخذهم دانطيجياهم
صار كل الحيل بيه كمت بهمه وهوه نطانياهم شبكتهم حيل وحذام وامي جروني للبيت وهوه شخط السياره وطلع وعاف بس التراب وراه دخلت ويم الطرمه حسيت نفسي تكرمت كعدت لحيلي وابجي عل بجي جهالي وكماطهم من الجر والعر صاعد عل ركبتهم ويفرون براسهم جريته منهم حيل وخرته من طلعت اديهم اله جرو النفس اباوع عيونهم تلمع من كد مباجين سوده عليه رفعت راسي حتى جهال عصام يبجون وامي تمسح بدموعهه وحذام واكف متخوصر واحسه يريد ينفجر
يمه كومي وين كعدتي
يمه ماكدر والله رجليه مدري شجاهه
الله يعينج ييمه شبيدي عليج
يمه شلون لو ماخذهم جان شسويت جان متت والله جان متت
دكومي بنيتي كومي
مديت ايدي الحذام اعرفه مقهور من تصرفي اكيد ماقبل اكعد يم رجلين سلام الحقير بس شسوي علمود جهالي اتحمل كلشي خطيه ماخجلني مدلي ايده وكومني صارت عيني بعينه مشاني للغرفه كعدت وامي حللت الجهال واني كعدت اجه كعد بصفي
أنت تقرأ
ليتك قدري الاول
Romanceآنا آلكاتبـه مروه مٱجد القصه مــنقــولــه لل الكـاتـبـه رفـــل الـكـنانـي
