مداواة قلب

الفصل الرابع

نغزة مؤلمة" أحس بها
ماذا !! هل هي مخطوبة حقاً كيف لم ينتبه لذلك الخاتم بين أصابعها ... ولكنها لم ترتديه من قبل !!

حمزة بهدوء خطير :- خطيبك إزاي ومش لابسه دبلة

أبعدت عيناها عنه وهي تجيب  :- عادي كنا متخانقين وقلعتها وبعدين دا ميخصكش ممكن تفتح بقا الباب دا
فتح الباب وهو في قمة غضبة وكان فادي يقف امام الباب وهو يحاول ان يفتحه بغضب..

ميرال وهي تنظر بقلق لملامح وجهه بقلق :- إنت كويس يا فادي

فادي بغضب :- أنا هوريك إزاي تتجرأ وتلمس خطيبتي ياا

قاطعته ميرال وهي تقول :- خلاص يا فادي مكنش يعرف حصل خير

حمزة بسخرية :- لا راجل أوي بصراحه

كان فادي سيضربه لولا ايقاف ميرال له

****

خرجا سوياً وهي تحاول أن لا يتم فتح ذلك الموضوع مرة أخري

فادي بابتسامة :- إي رأيك نكتب كتابنا الشهر الجاي

ميرال بتوتر :- الشهر الجاي .. بس دا بدري إحنا متفقين كمان اربع شهور علي الأقل

فادي برجاء :- إحنا إتعرفنا علي بعض وعارفين بعض كويس لي التأخير ..

ميرال بهدوء :- لما بابا يرجع نبقي نفكر في الموضوع دا

ابتسم لها وهو يشعر بالسعادة فالاقتراب من تحقيق حلمه يقترب !!

****************

اتجهت ميرال إلي عملها بعدما تركت فادي وهي تشعر بالحنق من ذلك  الذي يدعي" حمزة " كان ينقصها أن يكون ذلك المنزل الذي يسكنون فيه منزلهم

"يا الله كان هذا ينقصها أيضا "

تمتمت بتلك الكلمات لنفسها وهي تمسك بالملفات والتي من المفترض أن تسلمها لحمزة

طرقات خفيفة علي الباب

حمزة من الداخل :- ادخل

دخلت وهي تتحدث بهدوء :- الأوراق دي محتاجه توقيعك

حمزة بسخرية :- وهو حضرتك المسئولة عن دا

ميرال بنفاذ صبر :- ميرنا مش موجودة النهاردة وطلبت مني أوصلهوملك

حمزة بغير اهتمام وهو ينظر للأوراق :- تمام حطيهم علي المكتب

وضعتهم علي المكتب وخرجت
وتركته يغلي من الغضب والغير في أنً واحد

***************

" متضايقيش من كلام عمتي هي متقصدش الي قالته "

أردف أرسلان بتلك الكلمات وهو بجانبها في السيارة
تولين وهي تنظر للشوارع من الخارج وتتحدث بلا مبالاه:- حتي لو تقصد .. احنا كدا كدا هنمشي كمان يومين