مداواة قلب

الفصل الثاني عشر

بتقولي اي ...  إنتِ فين دلوقت .. خليكي عندك أنا ثواني وهبقي عندك "

أردف بتلك الكلمات وهو يقود السيارة بسرعة وقلبه ينبض بخوف يدعي الله أن تكون بخير

بعد مرور بعض الوقت كان قد وصل إلي مكانها وهو يري سيارتها موجودة بإحدي الاماكن وقد كان الطريق خالي ليس به أحد

ترجل من سيارته وهو يراها بتلك الهيئه وكأنها شبه فاقدة للوعي وهي تجلس في سيارتها .. قام بفتح باب السيارة وثم حملها بين يديه وقد وصل بها إلي المستشفي وهي بين الوعي واللاوعي لا تدري ماذا يحدث معها

" طمني يا أمجد إي الاخبار " أردف بتلك الكلمات وهو يشعر بالخوف من أجلها ..

أمجد بهدوء :- الحمدلله إننا لحقناها وهي لسه في الأول احنا عملنا التحاليل هي بتتعاطي بقالها خمس شهور ودا هيفيدنا إن علاجها هيبقي اسرع أن شاء الله

عمر بهدوء :- تمام يا أمجد وخلي الكلام دا بينا ياريت

اومأ له وهو يغادر

أما عمر فكان يفكر كيف سيقنعها

دخل الي الغرفة وقد بدأت بفتح عيناها

عمر بصوت حان :- حاسه بـ اي دلوقت

مرفت بخفوت :- أنا فين .. اي الي حصل

وضع يده علي خصلاتها وهو يقول :- في المستشفي تعبتي شوية وكويس إنك كلمتيني وقتها

إعتدلت من موضعها وهي تخبره :- أنا عايزة أروح

عمر بهدوء :- حاضر هروحك بس استني شوية إنتِ لسه تعبانه

أردفت بخفوت :- شكراً

عمر بحنان :- بتشكريني علي اي ..

مرفت بأسف:- فكرت علشان اخر كلام بينا إنك ممكن ... ممكن متجيش

أخبرها بابتسامة حانية :- أنا أسيب الدنيا كلها وأجيلك

ممكن نتكلم في موضوع ونتناقش فيه براحه

أومأت له وهو يكمل :- إنتِ طبعا عارفه انك بتاخدي جرعة مخدرات بقالك خمس شهور ودا هيفيدنا ولازم نلحق دا وهو في الأول علشان تقدري تتخطي دا صدقيني في ناس لما بيوصلوا لمرحلة تانية مبيبقاش فيهم عقل حتي إنهم ياخدوا قرار أنهم يبطلوا متضيعيش الفرصة دي وانتِ لسه في الأول وعلشان كدا
لازم نبدا في العلاج من النهاردة

اشاحت بوجهها عنه وهي تقول :- أنا قولت إني مش عايزة

عمر بحنان ورقه :- متخليش الشخص الي ورطك في دا يبقي كسبان إنه وصلك لدا إنتِ لسه قدامك الحياة طويلة لي تنهيها بالشكل دا وتغضبي ربنا لما ممكن تصلحي دا وتبداي من جديد وتنجحي في حياتك

قالت له بصوت يملئوه الياس:- تفتكر لسه قدامي فرصه .. وممكن ربنا يسامحني

أومأ لها بابتسامة وهو يقول بتحفيز :- ربنا بابه مفتوح لكل إلي عايز يتوب ومهما كانت ذنوبك هيغفرلك المهم تبقي ندمانة من قلبك علي دا وتصلحي دا لسه قدامك حياة جميلة تعيشها بلاش تنهيها كدا