مداواة قلب

الفصل السادس عشر

لم تغمض عيناها منذ الأمس  ومازالت كلماته تتردد بأذنها هل هما حقا اصدقاء هل كل ما كانت تشعر به هو وهم فقط"

تقربه منها ومحادثتهم الطويلة ومدافعته عنها أمام خطيبها السابق كل شي فعله لأنهم اصدقاء وهي الساذجه من اعتقدت انه يكن لها المشاعر !!

ذلك اليوم في السيارة لما اقترب منها

اعتدلت في جلستها وهي تفكر هل الممكن أن يكون يفكر بها بشكل سئ

لا لا حمزة ليس من نوعيات تلك الأشخاص وبخت نفسها وهي تقول  " وإنتِ تعرفي منين إنتِ يدوب عرفتيه من وقت قليل "

أمسكت راسها وهي تشعر بالاختناق من كثرة التفكير

هو اخبرها أنهم اصدقاء فحسنا لتتعامل علي ذلك الأساس

نهضت من فراشها وهي تعد الافطار وكم افتقدت وجود تولين رغم انهما يسكنان في نفس المكان ولكن فراقها صعب عليها

أعدت الافطار وجلست هي ووالدها

ميرال بابتسامة:- صباح الخير يا بابا

حسام مبادلا اياها الابتسامة :- صباح الخير يا حبيبتي

اردفت وهي تاكل :- البيت وحش من غير تولين

حسام باشتياق :- فعلا .. تعرفي وحشني خناقتكوا بتاعت الصبح دي

ميرال بمشاكسه :- ولا يهمك اروح اتخانق معاها دلوقت

أردف بحب :- بس إنتِ ملياه عليا البيت اومال لما تسيبني هعمل اي من غيركوا

اردفت بتاثر :- عمري ما هسيبك يا بابا

أردف بمرح :- يعني مش هتتجوزي

ميرال بتلقائية :- لا يا بابا انا عمري ما اسيبك

حسام بمشاكسة :- يا بكاشة .. يعني مفيش حد شاغلك

ابعدت وجهها عنه وهي تقول بارتباك  :- حد اي يا بابا .. مفيش حاجه

حسام بحنان :- أنا ابوكي وصاحبك لو محكتليش هتحكي لمين

ميرال بتردد :- اتعرفت عليه حد كويس ومحترم بس ..

حسام وهو يحثها أن تكمل :- بس اي

ميرال بحزن :- هو مبيحبينش

حسام بتساؤل :- هو قال كدا

ميرال :- قال اننا صحاب

حسام بحنان :- وإنتِ حاسه اي

ميرال بحب :- قلبي بيقولي انه بيحبني

حسام وهو يربت علي كتفها بحنان :- يبقي بيحبك .. بس لازم يعترفلك بدأ ويقولها صريحه مينفعش نعيش علي إحساسنا بس

ميرال بابتسامة :- عندك حق يا بابا

حسام بحنان :- انا برفض فكرة أن البنت تكلم الولد لأنه حرام ومفيش بينهم حاجه بس لاني عارف ان كلامكوا في حدود وعلي قد الشغل ولاني واثق في حمزة