أنهت عملها بعد يوم شاق ...
تنهدت بارهاق وهي تلملم أغراضها لتغادر
وصلها اشعار علي هاتفها قامت بفتحه وعيناها ترفض تصديق ما تراه ...
وصلت إلي لوكيشن المكان الموجود في الصورة وهي تراه
فادي خطيبها وهو ممسك بيد احدي الفتيات ويبتسم لها
اقتربت منهم ومازالت علامات الدهشة علي وجهها
ميرال وهي ترمقه بدهشة :- فادي !!
انتفض فادي من مكانه وتوترت معالم وجهه وهو يراها أمامه
فادي بالتسامة مهزوزة :- ميرال ... اي المفاجأة الحلوة دي
أشارت لتلك المراة الجالسه بجواره وهي تساله :- مين دي !!
أجابها بهدوء ظاهري :- دي عميلة عندنا في الشركة
ميرال بسخرية :- وهو شغلك بيقولك تمسك إيد العميلة كدا عادي !!
استقامت نرمين من مكانها وهي ترمقه بغضب :- عميلة مين يا حبيبتي ... أنا مراته
أوقعت الحقيبه من يدها وهي تبتلع ريقها ببطئ وهي تنظر له بصدمه
هل حقا ما قالته !!!
زوجته !!
كيف لم تكتشف شئ طوال الأشهر الماضية هل كانت مغفله لتلك الدرجة !
ميرال بصدمة :- مراته .. إنت متجوز
نرمين بنظرة شامته وتغنج :- بقالنا سنة يا حبيبتي ... نسيتي تباركي لفادي
إتكأت علي مرفقيه وهي تقول .. أصلي حامل
هاهي تتلقي الصفعات واحدة تلو الأخر
فادي بغضب :- إسكتي يا نرمين
التفت لميرال وهو يخبرها بهدوء :- ميرال اسمعيني أنا ...
قاطعت كلامه وهي تخبره :- أسمع اي .. أسمع إنك واحد كداب وخاين .. خدعتني طول المدة دي ..عملت لي كدا .. إستفدت اي من اذيتك ليا
فادي بنبرة استعطاف :- كنت خايف اعرفك تسبيني يا ميرال
ميرال بإستحقار :- انت بني ادم حقير ومعندكش ريحه الدم الي يبص لواحدة وهو متجوز يبقي واحد خاين وميملاش عينه غير التراب يعني خاين وكداب إنت مفيش فيك صفه واحدة عدلة اتقي ربنا بقا
أجابها نرمين بغضب من كلماتها فهي قد أهانتها :- التزمي حدودك يا حبيبتي انا مالية عين جوزي .. أما بقي انه خطبك فدا كان لمصلحه انه يطلع منها بفلوس
قالتها نرمين بتشفي وهي تنظر لها فهي من البداية لا توافق علي تلك الخطه لكسب الأموال ف ميرال فتاة جميلة وتخشي ان تنقلب اللعبه ويحبها زوجها وقد جأتها الفرصة لتخريب كل شئ
ميرال وعيناها تشتعل بالغضب :- اه يا حقير يا واطي إنت حتت واحد زيك يستغفلني بس هقول اي العيب مش عليك العيب عليا إني عملتلك قيمه.. عملت قيمه لحتت واحد معفن زيك انت برا حياتي من النهاردة والحمدلله ان ربنا كشفلي حقيقتك الزبالة دي
ألقت دبلتها بغضب في وجهه
فادي بترجي :- هي بتكدب متصدقيهاش يا ميرال
ميرال بقرف :- لو في حد كداب هنا فهو إنت إبعد عن طريقي ومتدخلش حياتي تاني إنت فاهم !!
أنت تقرأ
مداواة قلب
Mystery / Thrillerسَأقولُ لكِ "أُحِبُّكِ".. حينَ تنتهي كلُّ لُغَاتِ العشق القديمَه فلا يبقى للعُشَّاقِ شيءٌ يقولونَهُ.. أو يفعلونَهْ.. عندئذ ستبدأ مُهِمَّتي في تغيير حجارة هذا العالمْ وكــأن كلمات الشاعر نزار قبانـي قد وُجِدت لتوصف حالة العشق الذي يحياها بكل جوارحـه...
