مداواة قلب

الفصل العاشر

أخبرته ببرود وعيناها جامدة :- أنا .. أنا مدمنـه يا عمر ..

نظر لها بدهشة وهو يقول :- مدمنه !!

أخبرته بابتسامة باردة :- أيوة .. مستغرب لي

عمر وهو ينظر لها :- هو الطبيعي اني مستغربش !! الكلام دا من امتي

مرفت بجمود :- من خمس شهور

عمر بانصات وانتباه لما تقوله :- مين الي قالك تشربيه !!

مرفت وهي تردف بنبرة هادئة :- انا مشربتوش بمزاجي

عمر باستغراب :- يعني اي ...

مرفت :- تعبت مرة وروحت المستشفي وهناك في التحاليل إكتشفت إني باخده من فترة ومن غير ما أحس ... لعند ما في يوم حسيت اني محتاجة اخده خلاص بقي ادمان وسم ماشي في جسمي ويومها كلمت حد من الي بيجيبوا الحاجات دي واخدت منه ودا الي كنت بكلمه يوم ما سمعتني

سألها بنبرة عميقة :- لي حكيتيلي سر زي دا .. مش خايفة أعرف حد ؟

أخبرته بنبرة رقيقة استحوذت عليه :-يمكن علشان إنت اول حد اطمنله وابقي مرتحاله

كلماتها تفعل بيه الكثير والكثير تجذبه اليها ببطئ وكأنها تلقي عليه سحر ما ...

اقترب منها وهو ممسك كتفيها بيديه بحنو :- هتبطليه يا مرفت .. لازم تبطليه

مرفت بنبرة خالية من الحياة :- بس أنا مش عايزة أنا مرتاحه كدا

عمر بإصرار :- مفيش حاجة اسمها عايزة كدا إنتِ إتنصبلك فخ حد عملك كمين وشربك الزفت دا علشان توصلي للحالة دي ويشوفك كدا إنتِ كدا بتنتحري بالبطئ كدا بتغضبي ربنا لو حصلك حاجة لقدر الله هتبقي موتي كافرة هتقضي كل عمرك في النار لي تختاري الطريق المدمر لما ممكن تختاري حياة أفضل

مرفت :- معرفش مين عمل كدا بس انا كل وقتي مع صحابي بس ..

عمر وهو يضيق عيناه :- ممكن حد من صحابك

مرفت بدفاع عنهما :- لا طبعا دول صحابي من زمان ومستحيل يعملوا دا

أخبرها بهدوء :- مرفت مينفعش نثق في كل الناس كل الناس محتمل تطلع عكس ما احنا شايفينهم ...

مرفت بخفوت :- مش عارفة انا مبقتش عارفة أثق في مين ومين لا أنا تايهه ...

عمر بحنان :- هتتعالجي يا مرفت وهتبقي احسن لازم تحاربي علشان حياتك وعيلتك تخيلي لو حصلك حاجة هما هيبقوا عاملين ازاي من بعدك لسه قدامك الحياة تعيشيها من الاول هنصلح كل حاجة مع بعض وهتبقي أحسن من الأول

اومات له وهي تقترب منه تحتضنه بعمق وقد وصلته رائحه الفانيليا الخاصة بها مما جعله يستنشق اكبر قدر منه وهو يحتضنها بعمق ودفء
دفء تسلل اليها يبعث اليها شعور الامان
اضطربت انفاسه بقربها وابتعد عنها ببطئ كي لا يتهور ويفعل شئ يجعله يخسرها للأبد .....