شنو بعد أسبوع أنا ما موافقة
ردت لي: ليشنو في شنو مش إنت ِ براك الكنتِ طايرة بيهو السماء الحصل شنو مالك يابت ..قلت ليها: بس كدا أنا مادايرة هو علي كيفو مش قبيل قال راحتي يلا دي راحتي...أختي كانت بتعاين لي وهي مستغربة من الحاصل وقبل ما أفهمها شي مشيت من جنبها دخلت غرفتي وبقيت شاردة ...
هو قبيل قال راحتي طيب مالو قالي بعد أسبوع ..أمي دخلت لي وقالت: صحي السمعتو ده ..هزيت ليها راسي بمعني إي ..قالت لي: إنتِ مالك يابت الحاصل عليك شنو ده كلام شنو البقولي فيهو ده ..قلت ليها بس يا أمي قاطعتني وقالت: لا بس لا شي دايرة يقولوا عنك مطلقة لالا مابرضي بي شي زي ده يلا قومي أطلعي ليهم براء من قبيل راجنك
سكت منها وطلعت بي سكات جيتهم أمو كانت بتعاين لي بس أما خالتو بتشكر فيني ساي ..حلاتك وماشاء الله ناصر لقي ليهو بت عسل زيك ..اتبسمت ليها بس..تلفوني فجاة ضرب لقيتو ناصر قلت ليهم عن إذنكم هسي بحيكم ..طلعت براء وفتحت الخط
°ده شنو البتعمل فيهو ده كيف يعني العرس بعد أسبوع مش أنت قلت لي راحتك طيب مالك!
^اممم يعني ما دايرة العرس ده ولا شنو
°ياخ أنت مالك بارد كدا ما ممكن ياخ لو غاصبنك علي وريني أصلاً أنا زهجت منك
^لي دايماً بتفهمي كلامي بالطريقة دي! كيف يعني يغصبوني أنا راجلي علي شنو عشان يغصبوني علي عرس وأتاكدي أنا لو ما داير شي ماف زول بغصبني فيها وكلو بي أردت ربنا فاهمة
"هديت شوية °طيب لي أنت معاي بارد كدا ولمن قلت ليك مادايراك قلت لي راحتك لي
^ماهو بي راحتك أصلاً يعني يكون بدون رضااك
اتغطت من كلاموا محسسني كأنو أنا ما مهمة ليهو مثلاً لو دايرني كان قلعني قلع
°أنت ما دايرني ظاهر
^..........
°مالك سكت ما تحكي
^بعدين نتكلم هسي مشغول
وطلق قفل في وشي زعلت زعل تاني ضربت يدي في وشي اااخ ماسألتو لي داير العرس بعد أسبوع بس مابخلي ح أكرهو
دخلت جوا وقعت معاهم كنت برد ليهم بس لمن يسألوني وبالي بعيد شديد
أمو قالت لي: طبعاً ولدي كان متزوج نور بس قدر الله وماشاء فعل أطلقت و اتزوجت زمان عشان كدا رشحناك ليهو وهو ماعارض وقال التشوفوا بس...كلامها حسسني بي إهانة أو كانها ماعايزاني زحيت الشكوك دي من نفسي سرعة سرعة مادايرة أظلمها ..أختها قالت بالعكس نونا حلاتا هو لاقي زيها عشان تقولي كدا وصرت ليها وشها ..طوالي قمت منهم ومشيت غرفتي وبقيت ببكي بس أختي جاتني وقالت لي: حركتك ماظريفة كيف تقومي كدا وهم بتكلموا معاك ويعني لو قالت ليك كان متزوج نور ما كلنا عارفين كان دايرها وعرسكم عرس ترشيح ساي طيب زعلانة مالك مش زمان قلتي لي مابهم لو دايرني ولالا طيب مالك هسي..قلت ليها: عليك الله يا نسمة أطلعي من هنا ما ناقصني وجع راس أنا ...هي أحترمت كلامي ومشت...كلام أختي كلو صاح كلنا عارفين كان داير نور وأهلو لمن جوا يطلبوا يدي أمي حزرتني وقالت لي الزول ده كتوم ومامفهوم زاتو ما توافقي بس أنا وقفت في نصهم وقلت موافقة مامشكلة مع مرور الزمن إن شاء الله ح يكن لي مشاعر ..عارفين قلت كدا لي! عشان كنت بحبو كنت دايرهو من زمان وما كان مهم هو دايرني ولالا بس المهم يكون معاي بس هسي الوضع أختلف بقيت مضايقة من برود وعدم مبالاتو لي اااخ ربِ ساعدني ..تعبتا منو عديل ياخ ...قعت في غرفتي لمن أهلو مشوا
