مرت ثلاثة شهور واليوم ده صحيت نشيييطة ومبسووطة ..صبحت علي ناصر البقي يهتم بي كتتتير وخلاني أنسي الزعل.... قالي :ماشاء الله البسمة حلوة فيك إن شاء الله تدوم أبتسمت لي وبس طلعت عملت الشاي وجبتة ليهو..قلت لي: شنو رايك الليلة أعمل ليك بسبوسة...قالي: بتعرفيها كشرت لي وشي وقلت : كيف مابعرفها ..ضحك وقالي :خلاص أعملها لو عجبتني ليك مني هدية ...أبسمت لي وقلت : طيب تمام...هو شرب الشاي ومشي الشغل..بعد مشي جبت حاجات البسبوسة وبقيت أعمل فيهو تلفوني ضرب غسلت يدي ومشت شلتو لقييتو ناصر...قلت لي: في شنو خير في شي حصل..قالي: لا ماف شي ويعني لو ضربت ليك بكون في مصيبة! ...قلت لي: ما كدا بس أنت مابتضرب لي لمن تمشي الشغل....سكت مسافة وقالي الليلة خالتي جاية حبيت أوريك عشان أمي في السوق قالت خلي نونا تطبخ ..وأختي بتعرفيها في الجامعة وأمي ماعندها رصيد لمن ضربت ليها ورتني.....قلت لي: أبشر ح أعمل الأكل..قالي :ربنا يحفظك...قفلت منو وعملت البسبوسة سرعة وقبلت علي الطبخ عملت مكرونة وسابوسة ورز بي لحمة وكان في أكل أمبارح سويتو..بعد الظهر خالتو زينب جات كانت خايفة شافت الأكل جاهز فرحت وقالت لي: ربنا يحفظك يا بتي كنت بعيدة مسافة أجي البيت مابلحق.....قل ليها : ولو يا خالتي ما عملت شي عشان تشكريني كدا ...هي عملت العصير ونضفنا البيت..في الحظة دي فايزة جات ..قالت في شنو ....خالتي قالت ليها: خالتك جاية الليلة مع بتها نادية دايرين يفرقوا وكدا...قالت ليها: ونور يا أمي ماجاية..قالت ليها: لا هي في العدة فضل ليها زي أيام وحاجة وتنتهي...أنا كنت بتابع بي عيوني ومتألمة من جوة خايفة تطلع من العدة وناصر يتزوجها لأنو شايفة الأيامات دي سرحان ومرة سأل خالتي فضل لي نور كم عشان تنتهي...قلت لي خالتي جاي معاهم راجل..قالت لي: لا....قلت ليها طيب ح أمشي أتجهز عشان مايشوفوني مبشتنة...قالت لي: إي يابتي أمشي...مشيت بيتنا ومرقت لي فستان بالون الكبدي وحزام بالأبيض وأتسرحت ضنب حصان وعملت خصل ومكياج خفيف...... فايزة جاتني وضحكت قالت لي: البشوفك بقول مرتاحة مع اخوي ...خلي بس نور تطلع من العدة وبعدين بتشوفي شعاع ..كلامها وجعني بس ما أديتها إي رد فعل...قالت لي: إي خليك باردة لحدي ما يشلبو منك...وطلعت..بقيت ما ببكي زي زمان عشان خلاص اتعودة لي مطعناتا...زي الساعة ٢كدا جوا كنت بقدم ليهم الأكل وهم يتونسو ويضحكوا خالتو زينب قالت لي: تعالي أقعدي هنا يابتي ...مشيت قعت جنبها...ًنادية قالت لي ماشاء الله حالتك..قلت ليها من زوقك...وأما امها تعاين لي ساي...خالتو زينب قالت: اها بعد ما نور تطلع من العدة ح تعملوا شنو قصدي لقيتو عريس وكدا..أختها قالت ليها: في كتار الديرنها بس أنا ما دايرة ليها غير ولدك بس..قالت ليها ولدي منو تامرفي الخارج ومتزوج وناصر برضو...أختها ضحكت وقالت لا قصدي ناصر بتعرفي كانت مرتو زمان وحصلت مشاكل كتيرة وأطلقوا والأتنين كانوا دايرين بعض .....هسي ما نجمعهم بتي بتهاتي بيهو دائما...خالتو زينب عاينت لي وأنا خلاص فاض بي وقالت : لالا يا فدوي ولدي متزوج ما دايرة أخرب حياتو ...قالت ليها فكري وأديني خبر...قالتو زينب غيرت الموضوع وجابت موضوع تاني...أنا الكلام حرقني طوالي مشيت بيتنا من دخلت بقيت أبكي ما طلعت ليهم تاني وهم زاتهم مشوا
