مرت علي شهور العدة كلها يعني طلعت من العدة ... الوقت ده كلو ناصر ما حاول يرجع لي وحتي ما حاول يتزوج نور ...بعد انتهيت من العدة وريت أمي أنا ماشة لي عمي في البلد دايرةأقعد معاهو ما دايرة أعيش هنا....قالت لي: وتخليني لي منو يعني وطيب جامعتك اليها شهر شغالة دي قلت ليها : ما دايرها ما عندي نفس فيها وزاتو أنا لسه مجمدة وقت ما دايرة بفك التجميد بس هسي ما نفسي ...قالت لي: والله يا بتي أنا مابقدر من دونك بس لو إنتِ دايرة كدا طيب على كيفك عشان راحتك بس ...بوشت راسها وقلت ليها: ربنا يحفظك يمة قالت لي : ماشة السوق وجاية ...أختي سمعت حوارنا وجات وهي تبكي قالت لي: يعني ح تخليني...قلت ليها: مُضطرة يا نسمة دايرة انسى الحصل لي كلو الوجع الفيني ح يقتلني محتاجة امشي مكان بعيد محتاجة أنسي الحصل لي...مسحت دموعها وقالت لي: ح أشتاق ليكِ والله ...حضنتها وبيكنا مع بعض
بعد ساعة جاتني أمي وقالت لي: الليلة شفت زينب وأختهامع ناصر وحكيت ليهم إنك مسافرة قلت ليها: حكيتي ليهم ! ...قالت لي: اختها سألتني منك وناصر بيناتكم بت ...وهو قال: البت خليها تربيها هي....زعلت يعني ولا زعل لي وفرحان كمان طوالي قلت ليها: بكرة مسافرة نطط عيونها وقالت لي: بكرة شنو يابت جنيتي...قلت ليها: خليني يا أمي أمشي ما دايرة اقعد أكتر من كدا...قدر ما حاولت تحنسني ابيت في النهاية بكت وقالت لي: طيب بس ما تنسينا ارجعي بي سرعة ...قلت ليها: إن شاء الله يا أمي يلا أمسحي دموعك دي.... مسحتهم ...وتاني نزلو ...ماقدرت أكتم بكيتي فبكيت معاها جاتنا إختي وعملنا البيت بيت بكي أبوي جاء من الشغل اتخلع لمن شافنا نبكي قال لينا: مالكم في شنو...أمي ورتو..هو ابي إلا حنستو .... بعد موال البكي مشيت غرفتي ودخلت هدومي وهدوم بتي في الشنطة
///////////////////////////////////////////////////
#إبتهال
بقيت افتش في شغل بعد اليوم الطردني فيهم قاسم ديك
احكي ليكم الحصل
لمن أسيل قالت لي: قاسم داير الملفات قلبي بقي يدق من الخوف ..شلت باقي الأوراق ومشيت ليهو ...قبل ما ادخل قالي: وينا الملفات ...قلت لي قربت اتمهم بس.قاطعني وقال لي إذن إنتِ مفصولة...قلت لي: دقيقة افهمي الملفات كتيرة ماقدرت ليها....أشر لي على الباب وقال: براء...قلت لي: بس....علي صوتو وقال لي: براااء وما اشوفك في الشركة دي تاني...طلعت وانا أبكي ...مشيت البيت ..من جيت امي اتخلعت وقالت لي: مالك جيتي بدري في شنو يا بتي.. وقعت في حضنها وقلت ليها: فصلوني يا أمي فصلوني وأنا ماعارفة عملت ليهم شنو بشتغل اكتر من شغلي وبتعب عشان يرقوني ...بس هم ظلموني وفصلوني بدون سبب..قالت لي: ربنا كريم يا بتي ما تهتمي ليهم إن شاء الله بتلقي شغل...بكيت فيها وبتذكر اليوم ديك بكيت من شدة القهر وما قدرت أنسى اليومة ديك نهائي
لافة من الصباح في الشمس مالقيت لي مكان أشتغل فيهو...تعبت فجأة سمعت صوت بت بتناديني
عاينت بي وراي لقيتها صحبة قديمة اتخلعت قالت لي: معقولة إنتِ إبتهال أتغيرتي يا بت ومن متين بتلبسي كدا بقيت محترمة شديد...قلت ليها: الحمد لله الربنا هداني..قالت لي: ما مصدقة إنتِ ياخ إنتِ كنتِ....قبل ما تتم كلامها قاطعتها وقلت ليها: خلاص أسكتي وأنا تبت وربنا يغفر لي إن شاء الله وإنتِ إن شاء الله تكوني خليتي الشغلة دي...ضحكت وقالت لي: اخليها!!! جنيتي يابت القروش فيها تراب اخليها كيف...ناسية كنتِ بتلقي قروش قدر شنو وهسي إن شاء الله تكوني لقيتي أضعافة...قلت ليها: الحمد لله ماكين وشاربين ومشيت منها ما دايرة اتناقش معاها المشاكل ما عملت لي شي غير خلت المشكلة تكبر أكتر...اليوم كلو أفتش في شغل مالقيت جيت البيت منهكة وتعبانة.....أمي عملت لي الغداء وبعديها نمت طوالي
