نور..
قلت لي:نور؟ ماجادي طبعاً كيف يعني لالا أنت لسه ما نسيتها صاح..عاين لي بي إستغراب وقالي : ماقصدي الفهمتي إنتِ أنا قاصد نور حبوبتي لي بتتسرعي كدا ...قلت لي: حبوبتك منو؟ قالي كيف منو أم أمي ...عاينت لي بي عدم وعي وخوف قلت لي : جادي ولا بتكذب علي ...قالي : ياخ دايرة تصدقي راحتك ما تصدعي بي براي جاي من مشوار بعيد ماممكن معاك ياخ...لمن قال كدا دموعي نزلو ..قالي : أصلاً كان مابكيتي مابترتاحي...وفات من جنبي مسحت دموعي وقعت في الكرسي الحنبي وبقيت شاردة ظاهر من طريقو كلامو ما دايرني ...وزي الزهج مني شكلي كترتها أحسن لي أتعامل زيو بس..... مشيت المطبخ عملت الأكل وجبتو زي الماحصل شي هو زتو إستغرب من حركاتي..قعت طوالي وبقيت باكل معاهو وبفاتحو بي مواضيع عادي هو مرة يرد ومرة لا..بعد ما إنتهينا شلت العدة ومشيت غسلتها وجيت شلت تلفوني عادي ..وبقيت أتصفح فجأة ظهر لي تعليق نور في منشورو إستغربت دخلت صفحتو وبقيت أعاين للمنشورات كلها معلقة فيهم وهو ما معبرها نهائي ..زعلت شديد من تصرفها رسلت ليها طلب صداقة وكتبت ليها أنا نونا أقلبي الطلب..ماتمت خمس دقائق قلبت وقالت لي: نونا!! كيفك يابت معليش ما جيت يوم العرس كان عندي مشغوليات وكدا...قلت ليها: عادي كلنا عندنا مشغوليات....ماقدرت اسألها لي بتعلق ليهو بس مسكناها ونسه هي ظريفة شديد.. ما مليت من الكلام معاها..في الحظة دي ناصر جاء وقالي في كورة ماشي أحضرها..قلت لي: طيب وأنا بعاين في التلفون ..هو مشي ..من ما مشي..ختيت التلفون كنت نعسانة نمت طوالي ما صحيت إلا بي ضرب خفيف في يدي فتحت لقيتها فايزة قالت لي: ده كلو نوممم ..ضحكت وقلت ليها: ياخ من قبيل كنت فاقداك..قعدت جنبي وقالت لي: جاااااني عريس وحبيت أوريك ..قلت ليها جدد ياخ مبارررك ماشاء الله ...قالت الله يبارك فيك أها كيف أخوي معاك قلت ليها: كويس الحمد لله..قالت لي: يعني ماف مشاكل بيناتكم إستغربت قلت ليها: مرات بس مشاكل عادية ..قالت لي خايفة عليك عشان كدا أخوي ده عامض يا نونا وما مفهوم زاتو نحنا أهلو مافاهمنوا ...قلت ليها: ربنا كريم هو كويس ما مقصر مني.قالت لي: متأكدة!!! قلت ليها: مالك اليلة بتسألي اسئلة زي دي!؟ اتوترت وقالت لي: لا ما تفهميني غلط بس خايفة تزهجي منو وتطلقي زي نور..قلت ليها: ماتخافي ربنا الكاتبو كلو خير..قالت لي صاح كلامك ...قلت ليها صحي حبوبكم أسمها نور...قالت إي بسألي لي..قلت ليها ناصر قبيل قالي كدا عشان كدا دايرة إتاكد قالت: إيوااا...اتونسنا حبه ومشت ....
كنت زهجانة شديد قلت أفرق وأمشي لي أهلي بس الوقت متأخر والمغرب قربت بكرة إن شاء الله.
من الصباح وريت ناصر إني ماشة هو ماعارض نهائي وداني ليهم وقالي المساء برجع عشان أسوقك قلت لي طيب.....
من جيت شي حضن وشي بكاء وشي ضحك 😂 أختي دي بس تتونس معاي ساي وتحكي لي الحاصل..قالت لي : جامعتك خليتها ..قلت ليها: كيف تقولي لي خليتها!! ..قالت لي: عشان قلتي ح تسافري وكدي ...قلت ليها: اخخخ نسيت ياخ بعدين إن شاء الله بوري ناصر عن موضوع الجامعة ضحكت وقالت لي ناصر شال عقلك كلو كلو حمرت ليها وهي سكتت ..أمي قالت لي: أمشي إرتاحي عشان إنتِ حامل وكدا قلت ليها طيب
مشيت غرفت أختي عشان كانت نضيفة نمت صحيت بي صوت إزعاج فتحت عيوني لقيت صحبت أختي جات..وكانت بتعاين لي بي طريقة غريبة خلاص ..واختي برضو..استغربت قلت ليها: في شي ...هي عاينت لي أختي وقالت ليها وريها أختي جات قعدت جنبي وكانت متوترة قالت لي: ما كان نفسي أوريك بس مابقدر أخبي عندك..قلت ليها: في شنو مالك..قالت لي سوسن(صحبتها) شافت راجلك مع نور..ما إستوعبت كلامها قلت ليها مافهمتك قصدك شنو..قالت لي ما تفهمي غلط شافتهم في الشارع بيضحكوا مع بعض وبتونسوا ..حسيت بي وخزة في قلبي ودموعي جروا شلال حضنتني وقالت لي: ما تبكي مابستاهل دمعه منك ما تبكي قلت ليها وأنا ببكي هو لي بعمل معاي كدا أنا عملت لي شنو لو ما دايرني لي وافق علي ..هي كانت حاضناني وتبكي بس..صحبتها قالت لي: معليش بس إنتِ غلطانا أول عشان عرستي راجل معرس وتاني واحد زي ناصر ..أختي قالت ليها: ويعني لو عرست راجل كااان معرس فيها شي قالت ليها ماقصدي كدا بس هو ما ح ينسا مرتو الأول عشان كدا بس.أختي قالت ليها لو ما دايرة تساعدي أسكتي..ماف داعي لي كلامك ده ..هي سكتت طوالي
أنا الوقت كلو ابكي وأختي تهدي فيني قلت ليها ما توري أمي دايرة اتفاهم معاهو براي..قالت لي عين العقل يا أختي أحسن كدا
بالمساء هو جاء اتونست مع أهلي حبه وطلعنا ركبت وكنت غضبانة شديد هو لاحظ لي ما طبيعية بس ما كلف نفسو عشان يسألني ..كنت بعاين في جهه الشباك بس من وصلنا دخلت بيتي طوالي هو مشي لي ناس أمو قعد زي ساعة وجاء ....من جاء قالي: صحي مالك متغيرة كدا في حاجة!! ضحكت وقلت: بعد العملتو وبي كل بساطة بتقول لي في حاجة..رفع حاجبوا وقالي: قصدك شنو..جيت جنبو وعاينت لي جوة عيونو وقلت لي: كنت بتعمل مع نور شنو..هو إستغرب وقالي نور!! كيف اعمل معاها شنو والبوقفني معاها شنو أصلاً ...ربعت يدي وقلت لي: بس أنا ما قلت ليك وقفت معاها!!! حسيتو زي الأتوتر كان داير يتكلم بس سكتو وقلت : ما دايرة منك شي أنا زهجت منك كل ما أقول تصلح بس أنت بتبقي أكعب ما دايرة حاجة منك إلا تطلقني..لمن قلت كدا ملامحو أتحولت لي غضب وقالي : أنا زاتي زهجت منك زولة متسرعة وكايسة للمشاكل وكان لي نور إي كنت بحبها ولي هسي بحبها بس المكتوب والقسمة خلتني معاك وندمت عشان خليتها وكان لي الطلاق ..ح أطلقك ونحنا أصلاً مابنفع لي بعض....
_______
