اليوم التاني قمنا من الصباح في البلد عندهم عادات حلو خلاص بعد الفحر ما بنوموا زينا كدا يعملوا الشاي والساعة٨ بفطروا كنت شايفاها غريبة العادات دي بس إن شاء الله ح اتعود...بت عمي قالت لي : ارح نمشي السوق نجيب خضار قلت ليها طيب ختيت بتي مع أمها...مشينا وإشترينا...أهل ابوي ناس مواشي وبقدر الزراعة حق اهل أمي ...لمن كنا ماشين في الطريق قالت لي: اقيفي ..وقفت جاء شاب سلم عليها ولمن مد يدو يسلم قلت لي: معليش مابصافح عاينت لي وقال: ما منقبة ومابتصافح أحسن تتنقبي عشان ما تحرجينا وتحرجي نفسك قلت لي: ما عندك شغلة فيني ولمن انتقب إن شاء الله عشان رضا ربي ماعشان ما أحرجك ....قالي: ياخ أصلاً ماجيت عشانك...عاين لي حواء وقال ليها: اها أخبارك شنو
بقتت تتكلم معاهو مسكت يدها وجريتها بعيدد قلت ليها: دي شنو الحركات دي كيف تقابلي ولد بالطريقة دي ..قالت لي: عادي هو حبيبي..قلت ليها: حبيبي شنو كمان ...بتعرفي إنو العلاقات خارج إطار العلاقات الشرعية حرام وغير كدا كسب الذنوب ..قالت لي: عارفة بس ربنا يهديني..قلت ليها: إنتِ حاولي ما تربطي يدك وتقولي كدا ...صاح ربنا البهدي بس عافري..قالت لي: كلامك صاح والله أستغفر الله ربنا يغفر لي...في عز كلامنا جاء وقال مالكم مشيتوا بعيد كدا قالت لي: أسمع يا علي لو دايرني تعال بالباب عديل علاقتنا كدا ما صاح كدا قعد نكسب...ضحك وقال ليها: ماكنتِ عارفة يعني...قالت لي: عارفة بس كنت غافلة ووريتك أنا...قال ليها: ياخ بطلي كلام فارغ كلامك ده مابمشي فيني انا داير العب بيك بس...
°بترضي زول يلعب بي أختك كدا
عاينت لي اسامة الجاء من وين ماعارف لمن حواء تلجت عديل
جاء علينا وقال للولد: أنا متمالك نفسي عشان ما أضربك وسمعت كلامك كلو..اختي خط أحمر زي ما أختك خط أحمر في نظرك ...رفع لي يدو وقال لي: أحسن تمشي من هنا بي كرامتك قبل ما تمشي بي غيرها..الولد مسك لياقت أسامة وقال لي: مفتكر نفسك بتدهددني هوأنت لو شايف شغلك ما كان أختك بتصيع كدا..اسامة أداهو بنيا لمن الولد اتعتر حواء فاقت من صدمتها ومسكت اخوها وقالت لي: خليهو يا أسامة الزول ده معارفو كتيرة ما تدخل في مشاكل معاهو..عاينن ليها وكان داير يطق من الزعل وقال ليها: إنتِ وبت عمك ارجعوا البيت قبل ما يحصل شي عشان أنا ماسك نفسي يلاوطيروا...جرينا عديل اخوها ده صعب لمن وصلت البيت قعت اضحك قالت لي: البضحك شنو هسي ...قلت ليها اخوك ده الله أعلم يوم يجيب ليك قلب ..ضحكت وقالت لي: بدعي دائماً وبقول : متين يمشي لي اهل أبو بقي يعمل لي خوف عديل..قلت ليها: بس إنتِ بتغلطي أحسن ليك خلي المشاعبة..قالت لي: إلا كدا .... بعد العصر حواء قالت لي: أنا قررت أخلي علاقتي مع الأولاد
..
قلت ليها: ويا جمال الخبر الحلوة ده طيب بي المناسبة دي ح أعمل ليك كيكة...قالت لي: بتعرفي؟ قلت ليها: كيف يا زولة أنافي شغل الحلويات دي ماهرة
