كنت بتصفح في الفيس ...قلت كدي أشوف صفحة نور دخلت لقيت أخر ظهور ليها قبل شهر أستغربت مالة ...أختي جاتني وقالت لي: سمعت قالوا نور جاتها حالة كدا وعشان تبقي كويسة تتزوج ناصر الطيبب قال كدا ...قلت ليها: متين ده وأنا ماعندي خبر..قالت لي حالتها قالوا بقت كعبة شديد لمن تنكش شعرها...قلت ليها: ربنا يشفيها وسكت على كدا....كنت سرحانة بعييد في الحاصل يعني ناصر إتزوجها عشان هي عيانة يعني ما بي كامل إرادتو أبسمت أبتسامة خفيفة كدا...أختي قالت لي: تدووم...يادوب أتذكرت أنها جنبي ...من الخجل قمت ومشيت العلب بي صوابع بتي...اليوم التاني ناصر جاء يشوف بتو ...هي كانت بتشبهو شديد بس ماشايلة طبعو الحاجة الدايرة هي بتظهر في ملامحها عكسو هو .....عاينت لي لقيتو بعاين لي لمن شافني عاينت لي نزل راسو طوالي..قلت لي: مبروك مقدماً ماقال شي بس عاين لي ...قلت لي: دايرة أنزل الجامعة ده أخر سمستر لي ..تاني اتذكرت إني خليتها لي زمن ويمكن فصلوني...قال: مالك سكتي...قلت لي: مافي حاجة أتذكرت إنو بكونوا فصلوني...قالي: زمان كنت داير أنزلك الجامعة بس لمن ظهر الحمل قلت أخير ما تتعبي نفسك عشان كدا مشيت عملت لي تجميد لحدي ما تلدي بسلامة...فرحت بس ما ظهرت الفرحة ليهو..قلت لي: طيب أنزل متين..قالي متي ماتحبي...قلت لي: قالوا الجامعة بعد شهرين للوقت داك الله كريم...أمشي جامعتي وأنت تتفرق لي بتي....وسكت مسافة وتاني قلت: ولي نور...لمن جبت سيرتها ...حسيتو زي الاضايق خت بتو وقالي: أنا ح أمشي لو محتاجين أي شي وريني...قلت لي: طيب...من طلع أبسمت عشان جامعتي يعني الحمد لله ما ضيعتها ...دخلت الواتس بقيت أعاين للحلات بدون ما أشوف ..أسم الزول وقفت في حالة غريبة كدا وكان مكتوب
°أكره شخصيتي التي تجعلني أبتعد عن من أحب
عاينت للأسم لقيتو ناصر ...قلت هه يكون لي نور.....أمي نادتني ختيت التلفون ومشيت ليها..لمن رجعت لقيت أختي شايلة تلفوني جيتها لقيتها بتقرى في الحالة..قالت لي: ناصر ده غامض هسي لو قال ليط: بحبك مالو ..قلت ليها: بتقولي شنو إنتِ حب شنو كمان...قالت لي: ماشايفة الأيامات دي بقي كيف ما حاسة بيهو زي المهموم ...يا نونا ناصر بحبك بس شخصيتو منتعتو إنو يوحي المافي قلبو..قلت ليها: بلا شخصتو بلا كلام فارق والكلام القريتي ده لي نور ظاهر...هي ضربت يدها في وشها وقالت لي: كيف لي نور وقال ابتعد عن من أحب هو داير يتزوجها يبتعد عنها كيف الكلام ده ظاهر ليك عشان إنتِ بقيتي بعيدة منو...قلت ليها: إنتِ غريبة شديد مرة معاهو ومرة ضديتو ما تسبتي في حاجة قالت لي: لا أنا مع الحق ..لو كان الحق ده معاك أو معاهو أو مع نور زاتها بكون مع الحق مابقيف مع الباطل لو كنتِ إنتِ غلطانة مابقيف معاك و أسمعيني وما تخسري قدام نور إي عارفة الضرة حارة وإي شي بس برضو ما تتهزمي قدامها وغيري ناصر كمان هو زول كويس بس مضووط شديد... سكت وبقيت بفكر في كلامها..من ناحية صاح بس من ناحية تانية أنا مابقدر أشوفو مع غيري حاجة حارة شديد
أختي مشت وأنابقيت أفكر في كلامها تلفوني ضرب ..لقيتو ناصر فتحت الخط وقلت لي داير تسمع صوت بتك ...دقيقة قالي: لا داير أتكلم معاك...سكت لي وهو واصل...عارفك زعلانة مني وأنا زمان قلت ليك مابرجع لي نور بس يا نوال كان ما عملت كدا هي ما ح تبقي كويسة حتي جابو لي تقرير من الدكتور وإنو هي ببتحسن لمن تتزوج فعشان كدا أنا ح أتزوجها...قلت لي : وطيب بتقول الكلام ده لي أنا لي .....قالي: عشان ما تخليني..ننط عيوني وعاينت في الرقم مسافة عشان اتأكد كان ده ناصر ولا زول تاني... قلت لي قصدك شنو: سكتت مسافة وقالي: المهم يعني ماتفهميني غلط ..انا ح أعدل بيناتكم وما بظلم واحدة فيكم وياريت لو تعايني لي بتنا دايراها تعيش من غير ابو ....قلت لي: لا ماتخاف لمن أطلق منك ح أعرس زول يكون ليها بي مسافة الأبو...حسيت صوتو أتغير قالي : قصدك شنو........قلت لي: قصدي الفهمتو يا أستاذ😏....طق قفل فيني الخط ...حسيت نفسي اتسرعت في الكلام لكن كل القلتو مافيهو غلط داير يشوف حياتو وأنا كمان ح أشوفوحياتي مع الزول البقدرني وبس
