_أنا ولا إنتِ
عاينت لقيتها أختي وهي جاية علينا وبتعاين لي فايزة ..جات قعدت جنبي ..وقالت لي: كل القالتو ليك فايزة غلط في غلط ماتصدقيها هي دايرة تخرب بيتك ...فايزة قامت وهاجت:
_كيف دايرة أخرب بيتها أنا لو دايرة أخرب بيتها كنت حنست أخوي ولا كنت قولت ليها أخوي بحبك ...
°عشان إنتِ كذابة هو مابحبها بس دايرة تزرعي الحب في قلبها عشان بعدين لمن تنفزي خطتك ويطلقها قلبها يتكسر أكتر
عاينت لي أختي وأنا مصدومة قلت ليها: قصدك شنو ما فهمتك...سكتت مسافة وتاني قالت لي: فايزة ما دايرك ودايرة نور وده كلو خطة منها عشان تطلقك من ناصر والهداية الجابتها ليك وقالت منو كذابة هو ما رسل هدية ولا حاجة
عيوني رقرقو وعاينت لي فايزة يعني نظام كلام إختي صاح..فايزة قالت لي: ماتصديقها دايرة تلعب بي عقلك ساي الزولة دي كذابة ....أختي قالت ليها: ما تصدقني صاح طيبب شوفي ..شالت شنتطها وطلعت التلفون فتحت لي إسكرينات قالت لي دي من صحبتي شوفيها...عاينت لقيت كلام بين فايزة وصحبتها.... فايزة قامت وشالت التلفون وتاني عاينت لي أختي.. وقالت ليها: سلوي صحبتك ؟ كيف ده!؟ ..أختي ضحكت وقالت ليها مفاجأة صاح إي صحبتي وكانت بتمثل صحبتك عشان نكتشفك كنت شاكة فيك عشان مرة سمعتك تتكلمي مع نور وسلوي كانت صحبتك بس ماشديد وصاحبتك وكانت تمشيك عشان نكتشفك وأما صحبتي الشافت نور مع ناصر بالعكس كنتِ إنتِ المعاهو وعشان هي مابتعرف نور أفتكرتك هيا و بعد ناصر مشي منك إنتِ جيتي جنبها وسلمتي ليها وقلتي إسمي نور...فايزة كانت بترجف وقالت كيف عرفتي..أختي قالت: صحبتي تاني مرة شافتك وكنت معاها وقالت لي شوفي نور ولمن شفتك قلت ليها دي أختو ما نور...أنا كنت مصدومة وبعاين لي فايزة هي كانت بترجف تاني قالت: لا كيف ده بس أنا خططت بي إتقان ..سكتت مسافة وتاني قالت : إي غلط لمن عملت حركة إني نور وكنت واقفة مع أخوي ...قلت ليها وأنا حاسة بي غصة في حلقي لي عملتي كدا..قالت لي: عشان ما دايراك نور صحبت طفولتي وبت خالتي وإنتِ !! مجرد وحدة بتبقي لينا من بعيد بس إطريت أعمل كدا عشان أخليكم تكرهوا بعض كنت دايرة أكرهك فيهو وأنا مابهدي لي بال إلا أفرقكم من بعص ..وقامت مننا ومشت أنا دموعي نزلو طوالي أختي حضنتني وقالت ما تخافي قولي لن يصيبنا إلا ما كتب الله لنا بقيت اتنهت وأكبي وأنا ضامة أختي
هي قعدت معاي طول اليوم وبتحنس فيني وأنا ما قادرة أوقف بكي لحدي ما جاء ناصر لمن شافني أتخلع وقال في شنو مالك بتبكي ما قدرت اقول شي وأختي برضو سكتت ..قلت لي بعد تعب ما تشغل بالك أنا كوييسة قالي كيف شايفك تبكي وتقولي كويسة ...بقيت أبكي بس وأختي بتهدي فيني...قلت ليها : الوقت اتأخر أمشي البيت قالت لي كيف أمشي وإنتِ في الحالة دي قلت ليها ما تخافي أنا كويسة ما تشغلي بالك حنستها كتتير حتين رضت تمشي
بعد مشت ناصر حاول يعرف مالي بس ما حبيت أوريهو وأخرب علاقتو بي أختو قلت أحسن أحلها براي ما أعمل مشاكل بين الأهل
