#ناصر
عارف لمن وافقت إني إتزوج نور غلطت ....هي زولة ماقدرتني أرجع ليها كمان؟! بس أنا مضطر مضطر شديد.. بس في الأونه الأخيرة وضع نور بقي صعب يعني بقت شبة مجنونة وبقت تهاتي بي زي مابقولوا كم مرة خالتي بتجي وتتباكى لي عشان أعرس نور وكنت برفض .... حتي أختي ببكلم معاي في الموضوع ده ..في نفس يوم السماية لمن رجعت من ناس نوال عشان أرتاح حبه أمي جاتني وكانت عيونة حمرا قالت لي: ياولدي أنا دايرة أطلب منك طلب وما ترفض لي ...قلت ليها شنو...قالت لي: نور ياولدي الناس شايله سيرتها بقولوا بقت مجنونة وأنا مابرضي في بت أختي كدا أتزوجها يا ولدي الله يرضي عليك ما عشانها عشان السمعة وبس ..قلت ليها: يا أمي أنا ما دايرة وخلي نور تشيل عاقبة أفعالها براها...أمي بكت واتجرست وأنا ما بقدر أستحمل أشوف أمي كدا ..فوافقت عشان أسكتها وعشان ماتزعل مني..كنت خايف من رد نوال خايف تتعب ولا يحصل ليها حاجة قمت من سريري ومشيت ليهم ..ودخلت ليها في الغرفة بس لقيتها سمعت قبل ما أجي أوريها أنا ..لمن شافتني كانت دايرة تتأكد لو فعلاً كلامي صاح ... سكتت في الأول بس لمن كررت كلامها قلت ليها إي حسيتها زي الجاها هبوط خفت عليها شديد بس جاتها هستريا وبقت تكورك طلعت عشان حالتها ما تسوء وبعد مسافة أختها طلعت وكانت بتكبي قالت لي: أنت السبب لي تعمل في أختي كدا قصرت فيك في شنو..ياخ لو داير تتزوج وحدة تانية ما كان سالناك بس نورر ...بجد أنت ماعندك كرامة نهائي ...وفاتت خلتني كل كلمة قالتها كانت بتطعن في قلبي...داير أرجع البيت بس قلبي ما طوعني رجعت لي نوال لقيتها مغمي عليها ...وقفت زي مسافة عشات أستوعب الصدمة دي تاني جيتها جاري بقيت أخبت فيها عشان تقوم ..جسمها كان بارد شديد ....ماعرفت أعمل شنو طلعت براء وناديت أمها جات جارية وتبكي لبسنها سرعة شلتها ووديناها المستشفي قال لينا البت دي ما بتتحمل الصدمات ما تصدموها تاني عشان ما يحصل ليها حاجة بعدين و تتحسروا ....طلعت براء وقعت في اقرب مسطبة وختين يدي في راسي وقلت: هسي أعمل شنو بي هناك نور وبي جاي نوال أعمل شنو أنا ...تاني مسحت يدي في وشي...تلفوني ضرب كانت أختي فتحت الخط وقبل ما تقول شي قلت ليها: أسمعي ما داير أعرس نور أنا.....هي سكتت وتاني قالت: هاك دايراك أمي...أمي شالت التلفون وقالت لي: ده كلام شنو كيف ما داير تعرسها بعد ما أدينا الناس الموافقة تقول ما داير تعرسها...قلت ليها: يا أمي نوال تعبت لمن عرفت إني داير أرجع لي نور وما تنسي هي أم بتي ما داير تحصل ليها حاجة...قالت لي نونا دي بتدلع فيك بعدين تبقي كويسة أنت ما شفت نور تقطع القلب يا ولدي ما تكون قاسي كدا البت متأملة فيك وأنا زاتي بعرفك دايرة بس عشان كسرت قلبك عامل نفسك ما دايرة صدقني نور محتاجة ليك شديد قلت ليها: طيب أقفلي بعدين برجع ليك.....راسي بقي شاطب وما عارف أعمل شنو ...قمت من محلي ودخلت ليهم لقيتها صاحية من شافتني ..قالت : زحوا مني ما دايرة يجيني ..يا ماما خلي يطلع من هنا....خالتي عاينت لي بي عين يعني أطلع ...طلعت طوالي بس وقفت جنب الباب ...ولي أول دموعي تجري كدا مسحتها سرعة سرعة...تلفوني ضرب كانت أمي قالت لي: تعال سرعة قلت ليها : في شنو.... قالت لي :بس تعال سرعة ما تقول لي في شنو
