قالت لي: مشيت أودي أختي سمعتهم مرة وتاني لمن مشيت أوديها سمعتها تتكلم بتلفون مع وحدة وقالت
°اي يا فايزة زي ماقلت لي...هههه كيف ده كلامك ما تخافي....اي أديتو أسم أخوك ...ما عارفة والله مش أخوك أسمو ناصر عبد الرحمان...أمممم هو قال لي: بعرفو وداير يتأكد وهو البعرفو واحد تاني ما طلع أخوك.....هي بلخبط فب أسم أبوكم مرة أقول عبد الرحمان وعبد الله ..خلاص طيب تمام ..ماتخافي مافي زول ح يعرف إني بمثل إني مجنونة
بقيت أعاين ليها بي صدمة قلت ليها: طيب وكيف عرفتي أسم ابوها...قالت لي سألت الدكتورة حقت اختي وورتني...
من الصدمة ما قدرت اقول ليها شكراً زاتو ..ركبت أقرب مواصلات لقيتها ...رجعت البيت أمي شافتني وقالت لي: مالك قلت ليها دايرة أمشي لي أختي... دخلت ليها..من شافتني أستغربت قالت لي: مالك مصدومة كدا ...الحاصل عليك شنو ..في زول شاكلك؟! ..قعت جنبها وقلت ليها: إنتِ عارفة نور بتمثل علينا كلنا عشان تتزوج ناصر قلت ليها:كيف بتمثل ... حكيت ليها الحصل كلو..قامت زي الطقتها عقرب قالت لي: يعني ده كلو تمثيل...شالت التلفون وقالت لي: لازم أضرب لي ....دايرة تضرب قلعتو منها......قلت ليها: يابت بتعملي شنو وما فكرتي ح يصدقونا كيف وبدون دليل نحنا أول نجيب الدليل وبعدين نوري ...قالت لي: اليوم العقد بعد صلاة العصر يعني فضل لي زي ساعة وزيادة وتقولي لي لازم دليل ....جيبي التلفون ده شالتو مني وضربت لي ناصر ..قالت لي: هسي دي تجي هو رد ليها بس ما سمعتو قالت لي : بس تجي هسي دي..بعد ماقفلت ..قلت ليها: اتسرعتي يا نونا..قالت لي: يعني اخليها تفوز .....العقد قرب قلت ليك يابت...قلت ليها: طيب علي كيفك ومشيت منها
هل ح يصدقها ....لو هو واثق فيها ح يصدقهااا
////////////////////////////////////////////////////////
لمن أختي ورتني إنو نور قاعدة تمثل ماقدرت إتظر قلت لازم أوري ناصر وهو ح يفرح عشان ما دايرة وظاهر بقي دايرني وما بحتاج زاتو دليل...هو جاني نسباً لي إنو بيتنا قريب لي بيتهم ...حسيتو زي المضايق...قلت لي : عندي ليك خبر ح يفرحك وح تفكة من عقدك لـ نور ..قالي: قولي ...حكيت ليهو القالتو لي أختي كلو...سكت مساافة وتاني قالي: من كل عقلك دايراني أصدقك...قلت لي بي أستغراب كيف يعني...علا صوتو فيني وقال: يا أستاذة نوال يعني عشان ما أتزوج فيك دايراني أصدقك وده كلام شنو الخارم بارم البقولي فيهو ده ...قلت لي: صدقني ...أنا ما بكذب عليك....قالي: جيبي دليل....قلت لي : ما عندي بس...قاطعني وقال: بس شنو يعني كلام جبتي من راسك مش أسمعي يا نوال ماعندك دليل ما تتهمي نور بالتهام الباطل ده ولو إنتِ شفتيها ما كان قلتي كدا كلامك ده أنا اليوم شوفتها ولو إنتِ شفتيها ما كان قلتي كلامك ده وطلع ...بقيت مصدومة منو شنو الغيرو كدا...كنت بتهيأ إنو بقي كويس ولا شنو...أختي جاتي قالت لي: سمعتو يكورك فيك قال ليك شنو....قلت ليها وصوتي مبحوح ما صدقني...قالت لي: شفتي ما وريتك دايرة دليل الكلام ده كبيييير مابصدق بي سهوله ...قلت ليها وأنا أبكي كلامك صاح بس نعمل شنو ...قالت لي: الكاتبو الله كلو لي خير
