تلفوني لقيتو بضرب...كان أبوي قال لي: كيفك قلت لي: الحمد لله وإنتوا كيف قالي: الحمد لله ضربت ليك عشان أقوليك إنو جاك عريس...قلت لي: ما دايرة يا أبوي....قالي: إنتِ أعرفي أول منو...قلت لي: يا أبوي ما دايرة أعيش علاقة تاني ما نفسي وبرضو ما دايرة أظلمو..قالي: يابت ده كلام شنو البتقولي ده...لا تقنطوا من رحمة الله .....الحياة دي مابتقيف على زول وإنتِ كدة اعرفي أول ما بتخسري شي...قلت لي: منو هو..قالي أسامة يبقي لي بت عمك أخوها...سكت مسافة من الصدمة وقلت لي أسامة الواحد ده
قالي: بتعرفي...قلت : إي كم مرة صادفتو بس هو داير مني شنو...قالي: كيف داير منك شنو الزول ده راجل ود رجال ضرب لي ووراني يعني ما زول لعب...قلت لي: طيب يا أبوي خليني أفكر أول
مرت يومين وكل الناس عرفت حواء تقول لي وافقي وأختي وأمي كمان وأنا صراحة لسه بحب ناصر عشان كدا مادايرة أظلم أسامة ...وكل ما أستخير بحس بي راحة في النهاية اتوكلت ووريتهم إني موافقة حواء كانت فرحانة شديد وأمها..ياخ أمها دي بحس بيها أمي عديل كدا...قاعدة معاهم بس مافي يوم حسستني إني ما بتها...لمن عرفت إني وافقت فرحت شدديد...وقالت لي: من شفتك كنت دايراك لي واحد من أولادي...قلت ليها: وأنا من شفتك حسيت بي الراحة والطمائنينة .....أمي قالت لي: نعمل العرس في شهر بس...قلت ليها : أحسن خطوبة ما دايرة اتسرع قالت لي يابت خطوبة شنو وهبل شنو..عقد بس وهو زاتو زول كويس ...قلت ليها: زي ماعايزة يا أمي
بعد ما اتكلمت معاها مشيت غرفتي وبقيت ابكي لمن بتي قامت ماسكت إلا لمن هي قاعدة تبكي...مسحت دموعي وقلت: هو لو كان عايزني ما بخليني للزمن ده بس عرفت قيمتي عندو .....بس المحيراني إلي الآن ما إتزوج نور لي.. سبحان الله ..هي جنبو ولسه ماسمعن خبر عنهم.....
سكت بتي وبقيت سرحانة في السقف..في البحصل معاي ورد ناصر شنو لمن يعرف
///////////////////////////////////////
#ناصر
رجعت من الشغل تعبان وراسي لافي وأصلاً الأيامات دي بقيت اعية كتير من دخلت شفت أمي بتاعين لي كأنو في خبر ماحلو قلت ليها: في شنو يا أمي...قالت لي: أنت ماقاعد تمشي تزور ناس سعاد(أم نونا) ....قلت ليها: لالا في شي حصل ليهم حاجة ...سكت مسافة وقلبي وجعني...قلت ليها: نوال حصل ليها حاجة ؟!...قالت لي: نونا دايرين يعرسوها...قلت ليها وأنا ما مسوعب قصدك شنو...قالت لي: قبيل أختي ضربت لي وورتني....في واحد في البلد دايرها...حسيت بي سخانة في قلبي الأحساس ده ماحسيتو مع نور لمن سمعت بي زواجها بقيت بتنفس شديد أختي جات وقالت سمعتو الحصل نونا دايرين يعرسوها...وقالت لي: وانت الأبيت تتزوج عشانها هنديك خلتك ودايرة تتزوج....غضبت شديد وقلت ليها: ما عندك شغلة بي ومش نوال دي لي أنا إن شاء الله فاهمين لي...وطلعت وأنا ما شايف القدمي مشيت بيتهم ....وأنا ما حاسي بي نفسي ...لقيت أبوها من شافني إستغرب قالي: اتفضل يا ولدي دخلت وقعت في الصالة...قلت لي: عن إذنك دايرة أرجع نوال...هو إتخلع وقالي: بتي خلاص دايرها واحد وأنا إديتو ليهو...قلت لي: أنا احق منو عندي معاها بت ...قالي: أنت ماقدرتها ولا حاجة ....وطلقتها بدون ما تسمع منها وهسي تقول دايرها...قلت لي: أنا بتعرف نفسي إني غلطان يا عمي بس إديني فرصة ...إن شاء الله ح أعوضها ...قالي: معليش يا ولدي بس أحنا إيدينا كلمتنا لي رجال...قمت وانا ماسك نفسي إبسمت لي وقلت ربنا كريم...ومشيت وصلت البيت ودخلت غرفتي وبقيت أكسر إي شي جنبي....أنا ما بقدر استحمل تكون لي زول غيري مابقدر
