°اي يا سلوي زي ماقلت ليك خططنا ماشة زي ما عايزين
من الصدمة وقعت في الأرض أختي شكلها سمعت الوقعة تطلعت واتخلعت لمن لقتني قالت لي:الجابك هنا شنو ومالك عاملة كدا ....قلت ليها: عملت ليك شنو أنا عشان تسوي فيني كدا لي عملتي كدا عملت ليك شنو...هي إستغربت وقالت لي : بتقولي في شنو إنتِ وعملت شنو أنا مافاهماك يابت..كوركت فيها وقلت ليها: قايلاني غبية سمعتك إنتِ وصحبتك دايرة تغوشيني يعني...قالت لي: وأنت ِ بتتجسسي مالك من متين بتسمعي كلام الناس..قمت من الأرض وأنا رجليني ماشايلاني..قلت ليها: أنا سمعتكم بالصدفة والحمد لله الكشفت حقيقتك وكان لي ناصر ح أرجع ليهو مش دايراني أخلي وكمان عمالة فيها بتنصحي فيني وواقفة معاي...دايرة تتكلم سكتها وقلت ليها: اسكتي ما دايرة أسمع صوتك...نزلت تحت أمي قالت لي: ناديتها!!! وينا مالة ما نزلت معاك ..قلت ليها: يا أمي أنا دايرة ارجع لي راجلي عاينت لي بي إستغراب وقالت لي: لي في شنو وأختك وين؟ قلت ليها: مافي شي بس عرفت غلطي ودايرة ارجع قالت لي: أنا ما بجبرك يا بتي نشوف راي أبوك أول...في الحظة دي أختي نزلت من شفتها قلت لي : أمي أنا شبعانة باكل بعدين يلا ماشة غرفتي عشان انظم هدومي..مشيت منها وأنا ماسكة دموعي ..من دخلت رقعت في السرير وبقيت ببكي..زي الساعة ١١كدا أبوي جاء امي وريتو قراري قال القرار في يدها هي لو عايزة ترجع ما مشكلة ستفت سنطتي وأبوي ضرب لي ناصر وقالي: ح نرجعها طلعت معاهو...وصلنا بيت ناس ناصر أبوي دق الباب فتحت فايزة من شافتني فرحت وقالت أتفضلوا دخلنا جوا لقيت أمها وأختها التانية إسقبلونا وقالوا لي ابوي اقعد بس هو حلف بالله مابقدر وعندو شغل...ابوي مشي.. خالتو(زينب) أم ناصر...قالت لي: قطعتي قلوبنا تاني ما تمشي يابتي البيت بدونك مسيخ ابتسمت ليها وبس...اتونست معاهم حبه ومشين بيتنا ...دخلت لقيتو نظيف ومرتب أصلاً ناصر بحب النظافة...قعت في اقرب كرسي وبقيت أفكر في العملتو اختي ودموعي تلقائين نزلو شلت تلفوني لقيت ١٠مكالمات منها ...ما رجعت ليها ولا نفسي أتكلم معاها بعد العملتو ...مشيت لي خالتو زينب نسبتاً إني ما عاملة غداء نادتني قالت لي: تاني ما تتغدي معانا نحنا ماعندنا غير بناتي الأتنين وولدي والتاني سافر مع زوجتو زمان عادي تعالي لينا ..قلت ليها طيب وأصلا. ما كنت باكل ساي من فوق فوق ما كان عندي نفس...بالمساء كدا ناصر رجع..شافني ولا قال حمد الله علـ السلامة عاين لي وسكت ..شكلو بقول دي شنو الماعندها كرامة دي .. دايرة أمشي قال: دقيقة أتلفت عليهو قلت يمكن داير يعتذر قالي: نسيتي تحضري العشاء عاينت لي بي غيظ ومشيت المطبخ ما كان في أكل هو دخل وكان جايب كيس قالي جهزي ده مسافة استحم وارتاح قلت لي: طيب..هو مشي وأنا جهزت العشاء مشيت خطيتو ليهو وقمت قالي: مالك ما تاكلي قلت لي: مانفسي أكُل..طلعت غرفتي ونمت طوالي
//////////////////////////////////////////////////////
#ناصر
أنا زول إنطوائي شديد مابحب اظهر حبي لي زول وبي سبب الشي ده خسرت نور 💔 وإتعذبت شديد من الحتة دي قضيت شهور وأنا بتعذب وماقدرت أنساها ولمن هي إتزوجت حسيت نفسي ح أجن ..أهلي كلهم شايفني زول غامض بس عمرهم ما حسوا بي قايلني ما بحس وزول بارد وماعندو ضمير .....ده كلو بسمعوا منهم وبتألم شديد لمن زول يقولي كدا نفسي كان أتكلم زي الناس ببحبوح الفي قلبي بس مابقدر انا مابحب زول يعرف أنا عايز شنو وماعايز شنو ..ودي سببت لي مشاكل كتيرة...أمي في يوم جات وقالت لي: حالتك دي ما مريحاني ماتتزوج يا ولدي ...قلت ليها: مانفسي وما داير..قالت لي: يعني تدفن نفسك كدا يا ولدي لو ما داير تتزوج ما معافية ليك ..غفوا أمي كان اهم لي من إي شي ..وفواقت قالت لي: شنو رايك إختار ليك بت بت عمي نونا زول جميلة وحلاتا وصغيرة زاتو قلت ليها البتشوفيهو..قالت لي: بس ما أكون جابراك يا ولدي لمن قلت ليك ما معافية ليك بس عشان ترتاح أنت قلت ليها: لالا يا أمي ما جبراني ابسمت وقالت لي: ربنا يرضي عنك ..في الحقيقة أنا ما بكن لي نوال مشاعر شايفها شافعة ساي وزولة لسه بتقري جامعة بس ماف سبب عشان أرفضها...المهم إتقدمنا ليهم ووافقو طوالي ونسبتاً لي إنو نحنا ما ناس خطوبات طويلة الخطوبة كانت شهر بس و عملنا عقد طوالي..هي من عقدو لينا بتحاولي تكسبي بس أنا كنت بختصرها شديد وعارف الشي ده بزعلها بس أنا من ماقمت كدا ..اتزوجنا وحصلت مشاكل وهي دائماً تنط من مشكلة لي مشكلة لحدي ماعصبت فيها وقلت ليها إي كنت بحب نور ولي هسي بحبها ..لمن قلت كدا ندمت ما كان نفسي أقول ليها كدا بس الحصل حصل أمي جات والحمد لله عشان مايحصل طلاق إي كنت داير اطلقها بس أمي جات ..هي مشت لملمت هدوما ..ما حاولت امنعها قلت كدا أحسن هي طلعت كنت ماشي وراها لحدي ما وصلت نسبتاً إنو بيتا قريب لي بيتهم...زعلت شديد وماقدرت أكل بس أمي كـ العادة طلبت عدم العفو فإطريت أكل ..باليل ما جاني نوم حاسي ظلمتها بس فجأة جاتني رسالة منها..
