بتقول في شنو ياولد
_دي كانت أمو جات وقفت في نصنا وقالت: ده كلام شنو الفاضي البتقول فيهو ده قال ليها: أحسن كدا يا أمي نحنا مابنفع لي بعض ...قالت لي: في شنو ...هو سكت ما أتكلم عاينت لي وقالت: مالكم في شنو ماتحكوا...أنا عيوني كان ملانة دموع وحلقي مقفول ماقدرت أقول شي مشيت منهم دخلت الغرفة بقيت الملم في هدومي ..هي دخلت وهو دخل وراها..قالت لي: بتعملي شنو يابت جنيتي لو عندكم مشاكل حلوها بي رواق إنتوا ما شفع عشان تعملوا كدا..قلت ليها: وأنا بتقطع من البكاء لا يا خالتي كدا أحسن زي ماهو قال ليك نحنا ما بنفع لي بعض أحسن ننفصل..دايرة ترد لي هو قال ليها: خليها مش هي دايرة كدا خليها تمشي تقعد مع أهلها ..قلت لي: وتطلقني كمان..هو سكت وبقي يعاين لي..أمو كانت بتحنس فينا قدر ما حنستني عشان أقعد أبيت ليها لم لمت هدومي وهو زاتو ما كلف نفسو عشان يوديني البيت..مشيت براي هو كان بتابع بي عيونو بس..من وصلت جدعت الشنطة وحضنت أمي وبقيت ببكي بس هي كانت خايفة علي شديد بتقول لي في شنو مالك يا بت ..كل ما تنطق كلمة أنا ببكي زيادة ..في النهاية قمت منها ومسحت دموعي وقلت ليها أنا وناصر ح نطلق مادايرهو..قالت لي كيف ده في شنو مالكم يابت ده كلام شنو البتقولي فيهو ده تطلقوا وشهرين ماتميتوا في شنو يا بت...قلت ليها: بس دايرة يطلقني ما دايرة شي تاني.....أختي كانت وافقة معانا وعارفة إي شي أما أبوي ما كان في بقيت ببكي وأمي تحنس فيني عشان أوريها أختي قالت ليها: خليها يا أمي لو ده قرارة ..أمي قالت ليها: بتقولي في شنو إنتِ كمان ناسية كدا بيتها بتخرب..أمي مسكتني وقعتني في الكرسي وقالت لي: مهما صار ما تطلبي الطلاق يابتي الحياة الزوحية ملانة مشاكل اتصرفي بي حكمة..قلت ليها وأنا بشهق ما دايرهو ما دايرهو أنا...قالت لي : أسكتي يابت طلاق ماف لو هو زاتو داير كدا بقيف في وشو..ومشت مني...بقيت ببكي زيادة أختي قالت لي: رغم كلام أمي حار بس برضو صاح يا نونا اهدي كدي وبعدين فكري ..قلت ليها: وإنتِ كمان العارفة ناصر عمل شنو دايرة ترجعيني ليهو كلكم مابتفهموني إنتوا أمشي من خلقتي ما دايرة زول أنا...دايرة تفتح خشمها سكتها وقلت ليها طيري ..هي مشت طوالي..بقيت ببكي بس..شلت هدومي ومشيت غرفتي وجدعت الشنطة ورقت في السرير وبقيت ببكي وما حسيت بي نفسي ونمت طوالي...صحيت بي حركة لقيتها أختي قالت لي قومي العشاءأذن عشان تصلي قمت بي سكات مشيت إتوضيت وصليت جيت مارة بي جنبهم لقيت أبوي..أمي قالت لي: وريها ياخ البتعمل فيهو ده غلط خليها تصرف بي حكمة ابوي قال ليها: خليها تروق حبه إي شي بجي بي الهداوة ..مشيت من جنبهم دخلت غرفتي شلت تلفوني ما كان عندي نفس ..لقيت مكالمات كتيرة من أمو وفايزة وهو مرة وحدة بس..ما عندي نفس أتكلم مع زول فتحت الفيس من فتحتو جاني منشور من نور وكاتبة واخيراً حلمي ح يتحقق الدايراهو ح يحصل ويكون من نصيبي😍. ....قريت كلامها مرة ومرتين وتلاتة تاني قلت : لا يا نونا ما تظلميها (إن بعض الظن إثم )يمكن قصدها شي تاني ..ما أظلمها ساي..قعت الليل كلو افكر في كلام نور ما جاني نوم نهائي وفي لحظة غباء رسلت لي ناصر
_أنت داير تطلقني عشان ترجع لي نور تاني صاح
بعد رسلتها فكرت في غبائي دايرة أمسحها لقيتو قراها وبقي جاري الكتابة...كل ثانية تمر قلبي بدق زيادة
رسل لي: فل نفترض كلامك صاح أها ح تعملي شنو
قلت لي: كيف يعني أعمل شنو
رسل لي: زي ماقلت ليك ح تعملي شنو؟
قلت لي: أسوي شنو مثلاً ربنا الكاتبو وبس وبقول ليك من هسي ربنا يحفظك وإن شاء الله تطلقني لو هي خلت راجلها ورجعت ليك وأنا زول ما مقدرني ولا بحبني ما بتزل عشانو وعلى فكرة زهجت منك وقرفت والله بتمني تطلقني ياخ
هو قري الرسالة ومارد لي..مابكيت المرة دي بس جدعت التلفون بعيد ورقت في السرير بقيت إتقلب لحدي مانمت ..صحيت الأذان التاني صليت وقريت وردي اليومي ونمت صحيت بي زول بقرص فيني فتحت عيني لقيتها أمي قالت لي: قومي ده كلو نوم ياخ من امبارح نايمة يلا قومي عشان تشربي الشاي نسيتي إنك حامل...قلت ليها مانفسي يا أمي خليتي أنوم..قالت لي : قومي يابت من متين كنتِ كسلانة كدا..قمت بي كسل ونزلت غسلت وشي وجيت شربت الشاي بي البسكويت..قلت ليها: يسلم يدك يا أمي دائما شايك طيب..قالت لي: ربنا يحفظك يا بتي..قامت دخلت المطبخ وجابت اكل..قلت ليها: لي منو قالت لي: ليك ح يكون لي منو..قلت ليها: مانفسي ما دايرة...قالت لي: ما على كيفك...أكلتني بالغصب
_الله دي شنو الأم الحنونة دي
عاينت لي فايزة وقلت ليها: تعالي اقعدي أمي بتعمل شاي رهيييب قالت لي: شكراً شربت الشاي وجيتكم ..قعدت جنبي وقالت لي: لي بتعملي كدا ماعارفة أخوي بحبك ياخ ده من أمبارح ما خت لقمة في خشمو وزعلان شديد لي بتعملي كدا إنتِ براك عارفة أخوي وشخصتو طيب مالك...أمي قالت ليها: وريها البت دي قدر مافهمتها ما دايرة تفهم قلت ليها ما تخربي بيتك بس أبت تسمعني ...قلت ليها: ما دايرة دايرة الطلاق بس..أمي قامت وقالت لي زهحت منك أنا زاتو أعملي العايزة وفاتت مني..فايزة قالت لي عاجبك زعلتي امك ترضي كدا..نزلت راسي ودموعي نزلت شلال قالت لي: عارفة الحصل بيناتكم ورتني أختك.... يا نونا إنتِ شفتي أخوي بي عيونك مع نور ..هزيت ليها راسي بمعني لا قالت لي: طيب مالك مكبرة الموضوع يمكن سوء تفاهم حاصل
_لا سوء تفاهم ولا شي
قعدت أختي جبنا وقالت: إي ماف سوء تفاهم ووواضح الموضوع وضوح الشمس بس إنتِ دايرة تقطي علي اخوك كلنا عارفين كان كيف بحب نور ولو بي شخصتو الغامضة بس ظاهر وأخِتي مالعبة في يدو دي إنسانة ولو هو داير نور فنحنا ما عندنا بت ليهو ولو شي تاني أختي ما ترجع إلا بي اعتذار مقبول منو..عاينت لي وقالت: صاح قلت ليك ترجعي لي بس ما ترجعي لي ساي كدا إلا يندم..وقامت مننا وقالت لي فايزة فهمي الكلام ده وطوالي طلعت فوق..فايزة عاينت لي وقالت: ما تفهميني غلط يا نونا بس حاسة أختك دي وراها سر زي الدايرة تخرب بيتك...هجت فيها وقلت ليها: أختي خط أحمر فاهمة ودي أختي أحسن ليك تتكلمي زي الناس يا تسكي قالت لي: اسفة ماقصدي شي بس قلت أحساسي قلت ليها :أحساسك ما لازمني واحتفظي بيهو...قامت وقالت لي :علـ العموم بس أنا ما دايرة يتخرب بيتك وفكري الطلاق ده ما أظن حل ما تستعجلي يا نونا وكان لي أخوي أنا بفهمو ويلا ح أمشي لي بعدين وريتي قرارك.. وفات طوالي
راسي بقي جايط وعشان ما افكر كتتير قلت أحسن أساعد أمي مشيت ليها وبقيت اساعدها في الفطور هي ما جابت لي سيرة إني أرجع تاني شكلها زهجت أتونست معاها وحضرنا الفطور قالت لي: نادي أختك عشان تجهز الفطور قلت ليها: طيب ..مشيت غرفت أختي وقبل ما أدق الباب سمعت
°إي يا سلوي زي ما قلت ليك خطننا ماشة زي ما عايزين
