#بعد مرور شهر
يا نسمة يابت تعالي هنا
°مالك يا نونا ياخ مش وريتك إنتِ حلوة خلاص ما تجنيني ياخ
^تعالي ياخ شوفي الميكب ده حاسة بيهو سال
°كيف بسول يابت ده سابت ...كوني طبيعية ياخ
^ياخ إنتِ أصلاً ما ح تفهميني إلا لمن تعرسي
°هههه خلي يجي اليوم ده إن شاء الله يلا أنا ماشة
*
بعد نسمة طلعت بقيت قلقانة كلو مرة أصلح المكياج بتاعي
=هههه بالغتي يابت عايني لي أنا طبيعية
قلت ليها: اي اي طبيعية شديد كمان...هه طبيعية قال يا إبتهال إنتِ من قبيل شايفاك متلصقة في المراية كدا أخير أنا.....قالت لي: لا أخير لا حاجة قولي أنا ملصقة ومتوترة بس براي ما ضايقت زول إنتِ ما خليتي بت دخلت هنا وما سألتيها
قلت ليها: خلاص أسكتي ما تزهجيني أنا متوترة شديد ما زيك عرفتي ....قالت لي: ده كلو عشان بتحبي أسامة...أنتهت بي ألم وقلت ليها وأناسرحانة بعيد يمكن....يمكن بحبو....قالت لي: أما أنا يا نونا حبيت قاسم ده شديد بتصدقي من يوم عقد علي ونتونس اليوم كلو بالتلفون حبيتو ما عارفة ح يحصل لي شنو لمن أشوفو قدامي....إبسمت وقلت ليها: إن شاء الله ربنا يجمعكم بالفيهو خير يا إبتهال....قالت لي آمين
بقينا منتظرين العروسين لحدي ما يجوا...أول أنا يجي يسوقني وعشان ما بظهر زيتي للرجال لبس حجاب....الحجاب ما زي العارفنوا إنتو لا هو قطعة بتقطي الجسم كلو حتي العيون وبرضو إبتهال ...هي عرفتها عرفت حاجات كتيرة عن الدين كنت غافلة عنها ربنا يغفر لي...أسامة أول دخل علي باس راسي وقال: ربنا يحفظك لي ...طلعت معاهم حتي قاسم دخل...مشينا صيوان الحريم بي هناك....سامعة بنات يقول ...عرس كئيب لا موسيقي لا شي....ربنا يهديهم ويهدينا كلنا بتمني يعرفوا إنها حرام ونحنا داير رضى ربنا بس ما رضى زول...دخلنا وأمي وأهلي وأهل إبتهال كلنا نضرب بالدف ونغني كان يوم حلو وجميل شديد ومليان ضحك وحانت لحظة إني أمشي مع أسامة....مسكتا يدو وودعنا أهلنا
//////////////////////////////////////////////////
#إبتهال
كنت متوترة شديد بس حاسة إنو قاسم ده مضايق من شي ومتغير كمان لمن سألتو إتزهج فيني وقال لي: ياخ ماف شي بس مصدع ما كل مرة تقولي لي في شنو في شنو.... زعلت من كلامو بس مابينت لي زعلي وصلنا الشقة ....قلت لي : ارح نصلي مع بعض وندعي زواجنا ده يدوم قالي: راسي واجعني مابقدر خليها يوم تاني...وطوالي طلع نام....أنا بكيت من حركتو دي تاني قلت هو عيان ومصدع أحسن ما أزعجو بكرة ببقي كويس...اليوم التاني صحيت و للصلاة هو قام ومشي الجامع لمن رجع حضرت الشاي والكيك قلت إتونس معاهو حبه.. لمن جاء كان قالب خلقتو..قلت لي : تعال أشرب الشاي...قال لي: ياخ أختيني ما داير إتسمم أنا مالك معايةياخ ...داير يمشي مسكت يدو وقلت لي: وريني بس أنا عملت ليك شنو في حاجة عملتها ليك خلتك زعلان مني كدا؟....ضحك وقال لي حاجة ؟ ياخ إنتِ دمرتي حياتي ومستقبلي....قلت لي: كيف ده أنا ما فاهماك....قال لي: تتذكري كنتِ بتبيعي شنو....ِ قلبي بيقي يضرب قلت لي: كنت ببيع شنو ؟....سكتت مسافة وقال لي الكلمة النفسي ما أسمعها تاني قالي: بي الحرف الواحد كنتِ تتاجري بالمخ.درات يا إبتهال إنتِ دخلتني في الدرب الكعب ده خليتني افقد أهلي وحتي مرتي ضربتها وإطلقت منها في المحكمة إنتِ هي سبب مشاكلي كلها...بقيت ببكي وقلت لي: والله العظيم يا قاسم أنا ما كنت عارفة إني ببيع مخدرات كنت قايلاها حاجة عادية مرة صحبتي شافت وضعي الكعب قالت لي: عندي ليك شغل ممكن تبني بيهو بيت عديل....ما قلت ليها الشغل كيف وأفقت ويمكن دي غلطتي في المجال ده خلتي أوافق يوم جابت لي حاجة مربوطة في كرتونة وقالت لي توديها لي مكان(......) قلت ليها دي شنو قالت لي بضاعة...أنا أشغلت شهر وما كنت عارفاهو هو لمن عرفت خليتو بس أنا ما عارفة أنت منو وكيف أديتك.....ضحك وقالي ما ح تعرفي لإنك كنتِ بتبيعي لي ألف شاب وأنا وأحد منهم ما تفتكري دموعك دي بتهزني ياخ أنا بقرف منك نفسي أقتلك وأدفنك هنا بس ما بعمل كدا إنتِ عارفة لي؟ عشان ما ترتاحي دايراك تتألمي أكتر من الألم الإتلمتو أنا أضعافو يا إبتهال إنتِ فهماني....بقيت أبكي بكي هستري هو عاين لي بي قزارة ومشي مني...من مشي بقيت أضرب نفسي كف وأقول غبي إنتِ غبي الصدقتي إنو بحبك
////////////////////////// //////////////
#ناصر
ضلام وسامع أصوات جنبي وحاسي جسمي تقيل فجأة فتحت وشي لقيت الدكاترة محوطني....نصهم بتكلموا إنجليزي ونصهم عربي في واحد حرك يدو إيتجاه عيوني عاينت لي هو من شافني عاينت إتكلم مع الجنبو وتاني عاينو لي التاني قالي أنت كويس؟ ماقدرت إتكلم زي الناس هزيت لي راسي بس...قالي: حمد الله علـ السلامة ليك أكتر من شهر في غيبوبة...قلت لي بي صعوبة غيبوبة!...قالي: إي الصدمة الجاتك دخلتك في غيبوبة المهم هسي ح تهتم بي روحك ح نطلعك لي غرقة عادية ....بعد دقائق نقلوني لي غرفة عادية من ختوني ومشوا جوني أهلي أمي وأختي وخالي ....أمي تبكي وتقول لي: الحمد لله علـ السلامة يا ولدي ما كنت أقدر أشوفك أبوا يخلوني أدخل ليك أنا فرحانة يا ولدي فرحانة شديد عشان أنت قمت وبقيت كويس...أختي جات قعدت جنب السرير قالت لي: أنت كويس؟ أنا أسف يا ناصر ما قصدي أعمل فيك كدا سامحني أسف يا ناصر وبقت تبكي رفعت يدي بي صعوبة ومسحت دموعها وقلت ليها: ماتبكي أنا مسامحاك...أمي دي حضناني وتبكي وأختي ماسكة يدي وتبكي...خالي قال ليهم: يا جماعة زحوا منو هو لسه تعبانة ما تضايقهوا...أمي قالت لي: خليني لسه ماشبعت من شفتو أنا...قال ليها: خلي ينوم حبه ويرتاح....ضحكت بي صعوبة وقلت لي: أنوم! أنا لي زي شهر نايم كفاي...كلهم ضحكوا على كلمتي دي...أمي قالت لي: ح نخليك ترتاح حبه بس...قلت ليها أقعدوا انا دايركم جنبي...الدكتور دخل وقال: لو سمحتوا خلوهو يرتاح حبه الزول طلع من حالة خطيرة.... أمي قالت لي: شفت يلا ح نمشي نحن أرتاح حبه
بعد العصر أختي كانت بتعصر لي يدي قلت لي فايزة ممكن أسألك سؤال...قالت لي: قول....قلت ليها: نوال كيف...هي بقت تعاين لي بي صدمة قلت ليها: مالك سكتي كيف هي...قالت لي: أقول ليك شنو يعني غير كويسة....قلت ليها: لا ماقصدي كدا خلت أسامة ولالا......بقت متوترة قالت لي: يلا أنا ماشة هسي برجع ليك...عرفتها ما دايرة توريني...يعني خلاص بقت مرتو بجد نستني لي الدرحة دي💔
/////////////////////////////////////////////
نونا يا نوناااا
قطع تفكيري أسامة قلت لي: اي يا أسامة معاك قالي: كنتِ شاردة وين...قبل ما أرد لي قالي: بتفكري كيف حالو صاح ما نسيتي مش...قلت لي: ما كدا بس هو كان في غيبوبة وبس ...قالي: وبس !!طيب تمام يا نونا وفات مني...غرفتو بكون زعل مشيت ليهو لقيتو قاعد وسرحان بعيد قعت جنبو وقلت لي: أسامة أنا اسفة بجد أسفة أنا....قاطعني وقال لي: يا نونا إنتِ طبيعي بتقولي كدا وبتغلطي وتناديني مرات بي أسمو وبتفكري هو بقي كيف قلت ما مشكلة عشان كان راجلك بس فكرت إنك مابتحبيني دي بضايقني أنا عملت العلي عشان أخليك مبسوطة إي شي بتطلبيهو بجيبو ليك بدون ما أفكر وده كلو عشان تحيبني ولو ربع الكنتِ بتحبيهو ليهو عارف الحب ده ما بي إردتك بس حاولي ما تضايقيني ما تحسسيني إني مابعني ليك ...فات خلي لي المكان....لمن قال كلامو ده إتالمت عشان أنا جربتو وبي تفاصليهو قمت من مكاني لقيتو قاعد في الغرفة قعت جنبو داير يقوم قلت لي: أسامة دقيقة أنا أسفة يا أسامة عارفة نفسي زعلتك بس سامحني وأنا في حاجات كتيرة إتغيرت فيني ومنو القاليك لسه بحبو أنا نسيتو والله ...صاح مرات بغلط وبناديك بي أسمو بس ده عشان كنت متععودة عليهو زمان وأنا بحاول قدر ما اقدر ما أزعلك تاني مابقوليك انا تاني مابزعلك بس بحاول يا أسامة وأنت أعفي لي لو زعلتك يوم.....
_______________________________
_*رُزقت بِكْ وكأنِي دَعوتُ الله ان يرزقني بحسنَة فرزقني الله بعَشــــرة أمثــــــالهَــا 🤍💍.*_
