رواية سعود

بارت - ١١

السلام عليكم ورحمة الله

استمتعوا وعذروني ع الأخطاء ..

ْ
ْ
ْ
ْ
ْ
ْ
ْ
ْ
ْ
ْ
ْ
ْ
ْ
ْ
ْ

٤:٤٨ م الأحد

فجر يوم جديد بزغ يمحي معه ظلام الليل إلي كان طويل ع البعض وحزين عالآخر

بعد م قام للصلاه وسلم ع اعمامه وأهل الحي بالمسجد رجع لبيته يفطر ويقعد مع أمه وخواته ، بعدها تريّض كعادته وراح يتروش ويتجهز لدوامه

طلع ع الساعه ٧ إلا ثلث ، لابس بدلته العسكريه ع ساعه تزين معصمه الأيسر ، وخاتم كحلي ع اصبعه الاصغر ، وعطر مخلوط مع عود بنفس ريحته المعهوده

شغل سيارته الرّام وتزامن معها صوت المكينه الي ارتفع وارتسمت ع وجهه ابتسامه من الصوت الفخم إلي يحبه ، ركب وحرك سيارته متجهه لدوامه

وقبل كذا اخذ له كوب قهوه يروّق عليه بالطريق ، وقف سيارته وهو نازل شاف خويه داخل سيارته م نزل

قرب من الباب ودق القزاز بخفه ، شافه
ينزل جواله الي كان بيده ويفتح الباب
ببستامه / صباح الخير يبو عبدالله شحالك ؟

طلع من السياره ووقف يسلم عليه ، بادله
السلام / بخير جعلك بخير ي سعد ، جاي بدري اشوف؟

ابتسم سعد ودخل السياره يطفيها / قاعد انتظرك وقولك وش سمعت أمس.. مارح تصدق

طلع سعد بعد م سكرها ومشى بجنب منيف إلي رد / قل الله يجعله خير

كانوا يمشون بجنب بعض متجهين للمدخل ويقابلون كذا شخص ويسلمون عشان كذا تكلم سعد بصوت منخفض أقرب للهمس / تذكر وش قلت لي امس؟ حق عمر النشبه؟؟

ناظره منيف وكمل سعد وهو يناظر لقدام / بعد م رحت انت ، شفت عمر وعزمته ع العشا ، وافق بسرعه طبعا ومشينا ، وطول العشا وسوالفه كلها حولك ونا قعدت اسايره ، لين قال انه م طلب نقل للجبيل إلا عشانك

تنهد منيف بنزعاج ورد سعد / اصبر م جاك العلم.. سألته ليه وهنا كانت الطامه... تخيل قال بالحرف الواحد انه معجب فيك

ضحك سعد فجأه ع عيون منيف إلي توسعت / والله م امزح اول م قالها ضاعت علومي وتلفت اناظر لو فيه احد سمع ، وهو مكمل اعتراف ولا همه

منيف إلي مازال يناظر بسعد / اقصر صوتك ، هو منجده ولا يستهبل عليك؟؟

دف سعد باب المدخل / من خبرتي ي منيف اقولك انه م كان يستهبل