رواية سعود

بارت - ١٢

السلام عليكم ورحمة الله

استمتعوا وعذروني ع الأخطاء ..

٣:٢٩ م الأحد

ف شقة مقرن بعد م غادرها تركي إلي راح لأهله وحاتم إلي بالبلد عشان سيارته ، وتركوا مقرن بعد م خبرهم انه بيأخر الروحه لسعود بحكم انه خارج بيته

ضل جواله يرن باستمرار فيما كان هو منهمك ف تنظيف وتلميع اسلحته إلي يعشق اقتناء النادر والقديم منها

تأفف بعد مده من رنين جواله وقام أخذه من مكتبه ، شاف المتصل ولّي كان أحد اتباعه ورد بنزعاج / نعم؟ عشر مكالمات والله لو المباحث مداهمتنا؟!!

رد بتوتر من إلي واقف قدامه من ساعه ورفض يغادر / اا.. المعذره ع الازعاج لكن.. بندر هنا.. ويبي يقابلك..

رفع حاجبه بستنكار من الاسم / ها؟ بندر الكلب؟؟

تردد ف اجابته / اي هو..

ابتسم بسخريه وثواني وتغيرت ملامحه للإنزعاج / الكلب يرجع للمكان الي جا منه لايشوف شي م شافه

سمع ازعاج من الطرف الثاني وبعدها هدأ ورد صوت مبتسم / هلا والله مقرن من زمان عنك وعن حاتم والشباب ، لايكون كنت بتطردني قبل شوي؟

زفر مقرن / بندر.. لك وجه تجي لعندي؟!

مشى بندر للدرج / والله.. م لي وجه أجيك لكني جايك

نزل مقرن سلاحه ع الطاوله / انت م تستحي؟ سارقني وبعد جايني برجولك؟ اذا م حشيتها لك تعال بس

ابتسم بندر إلي قاعد يطلع ع الدرج بهدوء / خلنا نقعد ونسولف ويصر خير

رد وهو طالع من غرفة المراقبه ويقفل بابها / لا مو صاير خير ، انطق وش جابك ؟

بندر بستهبال وتلحين / جابني يمـّك حنيني
مٓ نسآك ،، قامِ ينشد عنك شوقِن بي يصيٓح..♪

قاطعه متأفف / اسكت اسكت نعنبو بليسك! يعني كذاب وصوتك شين بتذبحني انت؟!

ابتسم بندر / صوتي شين مختلفنا..أما كذاب؟! شف الشوق بعيني

دخل مقرن للمطبخ يضبط له برادي شاي / ع مين تضحك؟ رجّع إلي زرفته من عندي اذا تبي الباب يفتح لك

وقف بندر قدام باب شقة مقرن إلي م زارها من سنوات / جايبلك اطلق من إلي زرفته