رواية سعود

بارت - ١٧

السلام عليكم ورحمة الله

استمتعوا وعذروني ع الأخطاء..

ْ
ْ
ْ
ْ
ْ
ْ
ْ
ْ
ْ
ْ
ْ

٩:٠٩ ص الثلاثاء

يصارع يلتقط أنفاسه وسط تخبطاته كل اطرافه تتحرك بمحاوله للطفو وبين حركه والثانيه يصرخ من ألم كتفه اللي يشل حركته ويهدد طفوه

المويا المالحه دخلت جرحه وزادت من عذابه لكن حاجته للهواء خدرت احساسه تدريجيا وبدا يستسلم وتقل مقاومته للماء اللي بدوره احتضن جسمه وغاص داخله

.
.
.

٨:٢٨ ص الثلاثاء ، قبل أربعين دقيقه..

حي البحر احد اقدم أحياء الجبيل واسمه الثاني المعروف هو حي العزاب سواء كانوا طلاب او موظفين ، فيه ملاعب كرة سله وطائره ومنتزه ع شاطئ البحر

هذي الجهه من الشاطي مخصصه للذكور وهي بالاساس بعيده عن الخدمات مثل المحلات والمطاعم لكن هذا م ازعج الشباب اللي وصلوا من دقايق

نزل من السياره متحمس وستنشق ريحة الجو / يوووه ريحة روقاان

مشى لشنطة السياره واخذ كرسي تخيم وهو ينادي ع اللي جالس قدام / مقرن تبي دعوه عشان تنزل ؟ حن اخر من يوصل شفهم يسبحون

تافف بنزعاج ماله خلق للبحر ونزل بكسل / حاتم برد ياخي! احد صاحي يجي البحر بذا الجو

سكر الشنطه وناظره وهو متجهه للشاطي / قصدك انا مجنون...؟

رد بحاجب مرفوع / مجنون انت والدلوخ اللي معك ونا مدري ليش مطاوعكم

ابتسم حاتم وهو يشوف واحد جالس ع الرمل والثاني يسبح بعيد / انت غصبا عنك جاي ماهوب طوعك.. ذا بندر صح ؟

ترفز مقرن من تراب دخل جزمته ورد بنفعال / يعني عشان تقولهم كيف بنقتل يحيى الخرا مجمعنا بالبحر؟! كلمتين ورد غطاها "بندعسه بتريله" يبيلها جمعه خاصه ذي؟؟!

تنفس بعمق يحافظ ع روقانه قدر المستطاع / اسكت يرحم اهلك اسكت... انت تدري ان اليوم اخر يوم يجمعنا موضوع يحيى؟! الليله انت ماشي الرياض تقابل اللي بيدعسوه ع قولتك وبعدها تركي بيتفل بوجهك لانه اخيرا بيفتك منك ، وبندر ماعنده سبب يجي وببقى انا مقابلك

ضم شفايفه ورد ع مضض / طيب بسم الله أعصابك...

قربوا من مكانهم والتفت حاتم ع مقرن / مقرن طالبك م تخرب الجلسه.. اذا مره م تقدر رح تمشى