رواية سعود

بارت - ٢٠

السلام عليكم ورحمة الله

استمتعوا وعذروني ع الأخطاء..

ْ
ْ
ْ
ْ
ْ
ْ
ْ
ْ
ْ
ْ
ْ

١١:١١ م الثلاثاء

شاد ع يده يحس بدمه فاير وبحراره داخله رغم برودة اطرافه ، كل كلمه تطلع من فمه تزيد الصدمه عليه وتنزل بثقلها ع صدره

يسمع تبريرات م تدخل العقل خلته يتشتت وحط يده ع الباب رافض يواطن عالشخص / وقف.. وقف السياره

م وقف ببساطه وضحك ع مبالغته / الحين متقرف مني؟؟ ثلاث ارباع اخوياك يمتحنون لاشافوك الواحد يقوم من صوتك وقفت علي يوم اعزمك شقتي؟!

ضرب الباب بقوه بقبضته / لاا تتبلاهم بلا يبلاك!! ذولا جزمه منهم تسواك! ودام ذي سوالفك والله م يجمعني معك مكان نزلني هنا.. احمد! ولد!!

زاد سرعته لدرجه تمسك سعود بحزامه وغمض عيونه بشده / احمد هد الله لايوفقك اذا بايعها لهالدرجه وربي م اسامحك! هذاني حلفت والله-

ثقلت انفاسه بوسط كلامه وسكت يسحب هواء يحس بضربات قلبه تضيق صدره ورفع يده يفك ازرار ثوبه وهي الثانيه ترتجف وتزيد من خوفه

انتبه احمد ليده اللي تعبث بثوبه وأول م هد واختفى ازعاج المكينه العالي سمع الصوت الضئيل لانفاسه المخنوقه وشاف ووجهه محتقن دم

خاف ودق بريك ع طول مب فاهم / سعود؟! بسم الله شفيك- هيه هيه ولد!!

طاحت يد سعود وفز احمد يفك حزامه ويضربه ع خده ضربات متتاليه يشوف عيونه شبه مفتوحه وينادي عليه وما يسمع اجابه

مسك علبة ماء وفكها ع وجهه وشهق سعود بخفه وتأرجح راسه م قدر يسنده ، وخر احمد عنه ينتظره يتحرك / الله يلعني انا ومبزرتي سعود تكفى كنت امزح

وعى سعود ع نفسه ومد يده بالقوه اللي بقت فيه ومسك الباب يفتحه ورفسه برجوله / كذا تمزح.. مع واحد توه قايم من حادث..

اجبر نفسه يقوم متجاهل يد احمد اللي تسحبه يحس بالهواء البارد يجمد وجهه وشعره المبلول واعتدل بوقفته

لف ياخذ عصاته / كنت بتذبحني واعتبرني عفيت عنك عشان شيبانك مب عشانك.. لا تشوفك عيني ي احمد

ابتعد صاد عنه وعن الشارع بخطوات يعرج فيها مو مصدق اللي صار ونادم انه م سمع تحذير منيف وغازي عن احمد

سمعه حرك سيارته وراح وصر ع اسنانه وهو يقترب من الرصيف وجلس مسند ظهره ع الشبك الحديد وغمض عينه يسمح لدمعة خوفه تنزل دامه الوحيد ف هالمكان المقطوع