رواية سعود

بارت - ١٨

السلام عليكم ورحمة الله

استمتعوا وعذروني ع الأخطاء ..

ٰ
ٰ
ٰ
ٰ
ٰ
ٰ
ٰ
ٰ
ٰ
ٰ
ٰ
ٰ
ٰ
ٰ

٢:٠٢ م الثلاثاء

وسط الخلا وفي برودة الجو ضام كفوف يدينه بشده يمنع البرد يتسلل لاطراف اصابعه وتساعده ع الوقفه ف وضعه الغريب

م اعترض ولا ابدى اي حركه تدل ع عدم ارتياحه مراعاتاً للمريض المستند عليه لكن رجله اللي تحملت فوق طاقتها كان لها رأي ثاني

من فتره وهي تنغزه وتطور الألم وصار اشبه بوخز الإبر وما قدر يتحمله اكثر وتمسك بثوب اللي مقابله بالقوه اللي بقت فيه / نزلني منيف..

رفع راسه للصوت اللي قاطع سكرته
وفهمه بدون م يشرح وهو يشوف العرق البارد قد لصق شعره ع جبهته وحاجبه معقود بنزعاج

مسكه من كتوفه ونزله ببطئ ع الرمل وسند راسه ع حافة السياره ، جلس يلتقط أنفاسه وهو يشوف منيف يساعده ويمد رجوله

ارتسمت ع شفته ابتسامه ومسك شماغه / تعال.. خني امسح وجهك صاير تخرع استغفرالله

جلس بدون اعتراض جنبه وسعود غرق طرف شماغه بالماء وصار يمسح بخفه جبهته وعيونه من الدم الجاف بدون أدنى اهتمام للمساحه الشخصيه

رفع منيف راسه ع اسمه اللي سمع بس بدايته والباقي اختفى بغير ارادته / منيف.. قلي عبيد انك..

عقد حواجبه بشده وكمل يجاهد في صوته وملامحه / ذاك اليوم انت مطلعني من السياره.. شفت اختي وشفت حالتي.. لا تلومني يوم اختبص و.. وانهبل احيانا.. والله اني للحين مفزوع

نزل يده يوريه / شفها ترجف.. شسوي بالله ؟

شد ع قبضته ورجع يسأل منيف اللي م شال عينه عنه / خفت؟ باقي تذكر ؟ طبيعي ان صورتها للحين باقي بعيني؟ انطق انت الوحيد اللي شاف اللي شفته..

انقبض صدره ع حاله ومسك يده يشدها بلطف / لاتلوم يدك يوم ترجف وعينك يوم تدمع طبيعي ياسعود.. هذي الصدمه اللي يشيب منها رمش العين، انت.. سبحان اللي عطاك قوه وربط ع قلبك رجال يسعود م تحملوا اللي شفته وانهاروا

كل كلمه قالها دخلت لعمق سعود وهدت من روعه وتحمحم يتأكد من صوته / اول مره اقوله لاحد.. شكلي صدق احتاج دكتور نفسي افضفض له

حب ان سعود م شال يده من خاصته وكمل وكنه مب منتبه / انا عندك م يحتاج تتعنى.. وعطاري الدكتور متى اخر مره رحت تراجع ؟