رواية سعود

بارت - ١٤

.
.
.
.
.
.
.

السلام عليكم ورحمة الله

استمتعوا وعذروني ع الأخطاء ..

ْ
ْ
ْ
ْ
ْ
ْ
ْ
ْ
ْ
ْ
ْ
ْ
ْ

١:٢١ ص الإثنين

ف غرفه جالس فيها اثنين وفي لحظة صمت مرت بعد سؤاله ، ناظر له اللي م توقع منه هالكلام ونزل ملعقته

غمض عيونه يعيد سؤاله فباله وفتحها وهو يبي يتأكد منه / ايش..؟ طلال متضايق منك؟

استغرب رده الهادي / ايه ، أسألك انا تسألني؟!

اخذ ملعقته وبتسم يطمنه / منجدك تسأل؟! لو تهبده من اليوم لبكره م تضايق منك

تافف من اللي مو فاهمه / ماجد والله اني اتكلم جد ، هذي اول مره يقول كذا.. انت سمعت صوته كيف تغيّر؟

ماجد اللي الجواب ع لسانه تنهد من فهاوة اللي قدامه / والله ي سالم مدري شقلك.. انا سمعت صوته تغير لكن مب لانه زعلان او متضايق..

لف سالم عليه / وش عرفك انه مب زعلان ها؟

توهق ماجد وهو يسب طلال اللي تأخر / لانه.. شسمه ذا.. كان يضحك م شفته يضحك ؟

رفع حاجبه / والله؟ تبيه يبكي عشان نعرف انه زعلان؟ اكيد مارح يبيّن!

اخذ فنجاله / اجل يالفاهم كيف عرفت انه متضايق؟!

ناظر له ونزل عينه ليده / لنوو.. كذا حسيت من صوته

هز راسه بتفهم وهو عارف انه فاهي ولو طول عنده بيفضح طلال / طيب اسمع.. انا برجع شقتي الحين ونت اسأله وسمع منه

رفع عينه له بسرعه / لا مقدر اسأله واكيد مارح يجاوبني

سمع صوت طلال ونزل فنجاله / صدقني بيجاوبك بالصدق ، ولا اوصيك زن عليه لين يقلك

دخول طلال خل سالم م يرد ووقف بعدها ماجد / يلا طلال انا رايح وتسلم عالقهوه

شاف طلال سالم اللي يحك يدينه ، وحرك شفايفه بهمس لماجد / شفيه؟!

مسك جواله ومشى جنبه / م بتوصلني للباب؟

رد وهو يتوعد فيه داخله / لا شدعوه تعال أدلك

سبقه ماجد ولف عليه اول م طلع من باب الشقه / قبل م تقول شي تراني م سويت له شي

طلع وسكر الباب / وشفيه اجل؟

مسح ع شعره / يقول انك متضايق منه ولاتسألني كيف جا بباله اصلا ، لكنه شايل بخاطره ع كلمتك انه ذابحك تذكر؟