رواية سعود

بارت - ١٦

السلام عليكم ورحمة الله

استمتعوا وعذروني ع الأخطاء ..

١١:٠٦ م الإثنين

رغم الصدمات اللي سمعها من مقرن إلا انه واقف معه في مخزن بيته الخارجي ويأشر لمقرن ع حزمة حطب بين أغراض كثيره مخزنه

سحبها اخيرا بعد م تقطعت يده / يعني ليه ذي بالتحديد ؟ والله لو انه عود ماخشيته كذا

ابتسم ع حلطمته / ذا سمر ريحته تصك بالراس هو والعود واحد ، هالحين انزل وكسره بالفاس

اخذ الفاس مب مستوعب ان سعود يمشيه يمين ويسار ولا كن اللي قدامه زعيم اسمه له وزن ، رفع الفأس بوجهه / فالها بزياده اشوف ؟ ماتخاف أدق رقبتك فيه ؟

ضرب سعود عصاته اللي مستند عليها بالأرض / لايكثر اقول ، هذا ونا مطلع لك سمر ؟! ناس معد تستحي

ارتفعت حواجبه وضحك بستنكار / انا اللي مطلعه! ويدي انعدمت من سمرك المعفن... اصلا انا ليش قاعد هنا اكسر حطب ؟!

رد ببديهيه وهو يلمس كفرات كان مخزنها / لن رجلي تعورني.. حسافه شاريها بنص ثروتي ولاتهنيت بها..

ناظر لرجل سعود وقدر يشوف الجرح واضح بين فخوذه البيض وقطعت عليه الفروه تزامنا مع صوت سعود / مقرن! اخلص شطالع فيه؟

شد ع فكه يبي يشوفه اكثر وحط حرته بتكسير الحطب ، ظل سعود يمشي ويتفحص الأغراض اللي غطى عليها الغبار لين فتح كرتون وفزعه شي قفز صوبه

تراجع بشهقه وفقد توازنه وطاح ، انتبه له مقرن وأسرع يشوفه / ولد شفيك ؟؟ شصار ؟

مسك قلبه اللي يضرب بخوف واشر بيده عالكرتون / فزعني.. ماشفته؟! في شي طلع من الكرتون وهرب

ناظر حوله / مافي شي.. بسم الله عليك يمكن تهيالك

ساعده يوقف ولاحظ سعود لاصق فيه بخوف واردف ببتسامه ساخره / شفت؟ قلتلك اولع النور قلت م يحتاج فلاش الجوال يكفي

سعود اللي مازال مركز عالمكان المظلم / شالتأليف هذا..؟! قلتلك النور خربان ، رح شوف حرك الأغراض خله يطلع

دفه سعود ومقرن ماسك ضحكته / عادي لو قطو خلنا نسكر عليه ويموت

ناظره بصدمه / اسكر عليك انت

طلعت ضحكته من قلب وهو يمشي للاغراض ويحركها بلا مبالاه ، شافه سعود وصرخ / تسلك لي انت؟؟ مقرن هزها زين!