بقيت لافه من محل لمحل لميت لي حبه قروش قلت اجيب ليها أن شاء الله عيشه تأكلها وحبه مويه رجعت قريب للمغرب لقيت الكلاب متلمين فيها بينهشو في لحمها كوركت، المنظر كان مؤلم شديد، كنت عايزه أقرب منها واحميها منهم بس كنت خايفه، قبلت يمين شمال م لقيت حد الجانب دا من السوق بكون هادي بليل. جريت افتش لي عصايه ولا حاجه اهشهم بيها، لقيت شجره بس انا صغيره كيف احصلها. شفت مجموعة اولاد ماشين في واحد بينهم مألوف، اتزكرت انو دا الكان ادا امي الحاجه ديك، جريت عليهو؛ امي الكلاب اتلمو فيها تعال ساعدني. الاولاد المعاهو لفو حولي وحاصروني؛ وين ي عسل صغيره بتكون طاعمه ههه. انا خفت زياده مسكت يدو؛ عليك الله ساعدني. واحد فيهم قال لي؛ بتمشي معانا لو ساعدناك.؛ ايوه بمشي بس عليك الله ارح بسرعه 😭. مشو معاي وكانو قريبين لي شكلو كان خايفين أهرب منهم. بس م هربت. وصلنا لقينا قريب 4 كلب وهم الحمد لله شايلين عصايات زكوهم، الكلاب جرو.
كنت واقفه بعيد بعاين للفضل من امي، م قادره اتحرك، م قادره اخطو خطوة لقدام، الولد البعرفها قال لي؛ امك ماتت امشي ودعيها وخلينا نمشي من هنا م ينفع تقعدي الكلاب حتجي راجعه تاني. اتشجعت واتحركت عليها. لمن وصلت قعدت قدامها في الأرض وانا ما قادره اشوفها من دموعي. قشيتها وانفجرت بالبكاء. كانت يدها ماكوله واصابعها مافي، وجزء من وشها ورقبتها 💔. بقيت اكورك. الاولاد جو عشان يرفعوني. الحمد لله جات عربية شرطة من شافوها كلهم جرو. اصلهم بعملو دورية بليل بلفو وبامنو المنطقه. نزلو عشان يعرفو الاولاد جرو ليه واحد منهم قبل يركب اظن سمع صوتي. وقال يشوف دا صوت شنو. أحمد؛ دقيقة سامع الصوت دا، كانو صوت طفله بتبكي.
عاطف؛ يخ ديل بكونو شفع السلسيون🙄 ارح خلينا نمشي لسه ورانا لف كتير. أحمد؛ لالا جرى الاولاد دا م عجبني اكيد في حاجه. بقي ماشي لمن وصلني، انا كنت سامعه صوت خطواتو لمن حسيت بيدو على كتفي كوركت وضميت امي؛ انتو قتلتو امي، خلونا في حالنا، كلو بي سببكم 😭💔. أحمد؛ اهدي انا شرطي، منو القتل امك. كدي زحي اشوفها يمكن تكون لسه حية. رفع اللاسلكي حقو. أحمد؛ محتاجين لدعم وسياره إسعاف في المكان.... أبيت افكها؛عايزين تاخدوها مني. قعد جنبي في الأرض. أحمد؛ اسمك منو.؛ انا نور، عايز شنو مننا😭. أحمد؛ اسمك حلو ي نور، انا عايز اساعدكم، ممكن. قشيت دموعي وهزيت راسي ب اي.
زحيت من امي. ورفعت الكرتونه المغطياها بيها. لما شافها اتصدم من منظرها. أحمد؛ ا ا ي نور ماما مالا.كنت بتكلم وببكي؛ الولد أداها حاجه،و ا أن ا مشيت اجيب لينا اكل، و لقيت محل نقعد فيهو، محل يحمينا من البرد بس😭. أحمد؛ اهدي، انا جنبك تمام يلا اتنفسي براحه، شوفي اعملي كدا شهيق زفيير، شهيق زفيير حلو. عملت زي م قال لي وواصلت؛ جيت لقيت الناس متلمين فيها، ب بتعرف الناس البركبو حاجات كبيره ديك. أحمد؛ حاجات شنو.؛ الحاجات البتتحرك زي الجيت بيها انت. أحمد؛ قصدك عربية.؛ ايوه، مشيت قلت ليهم ماما بتموت ساعدوني، شاكلوني، انا غلطت صح. دموعو نزلت .؛ مالك ي عمو. أحمد؛ لا مافي شي، في حاجه دخلت لي في عيوني، واصلي.؛ معليش. أحمد ابتسم؛ ولا يهمك.؛ مشيت منهم لمحل تاني المره دي ادوني قروش جريت اشتريت لماما اكل ومويه، وجيت بس لقيت الكلاب 😭.
انا م قدرت اساعد ماما، وما كان في زول الوقت دا، بس اتزكرت كلامها كان بتقول لي خليك قويه، عشان كدا انا م وقفت مشيت افتش عصايه لقيت شجره بس انا صغيرة م بحصلها، وشفت الاولاد ديل قلت ليهم ساعدوني. قالو لي بنساعدك بس تمشي معانا. شفتهم طيبين كيف خلو الكلاب تمشي من ماما بس هسي ماما م بتتحرك وما بترد علي. ممكن تقول ليها قومي يمكن تسمع منك. عشان ناكل سوى، اكيد بتكون جعانه زي كدا، وانت زاتك اقعد اكل معانا. ما عارفه مالو بس قام ومشى مسافة خت يدو في راسو شويه كدا جات عربات كتار. رفعو امي.؛ وادنها وين، خلو لي امي 😭💔. أحمد؛ نور، ماما قالت ليك شنو. مش قالت ليك خليك قويه. هزيت ليهو راسي ب اي. قش لي دموعي. أحمد؛ طيب انتي عايزاها تزعل منك.؛ لا 😢. أحمد؛ طيب م تبكي عشان ماما م تزعل تمام.؛تمام . أحمد؛ ارح. عاطف؛ هي الحاصل شنو و موديها وين خليها هنا. أحمد؛ تمشي مع امها اكيد م حاخلي طفله في العمر دا وبراها وفي محل زي دا.
يتبع✨
أنت تقرأ
سلسيون
Bí ẩn / Giật gânتحكي عن طفله من أطفال الشوارع تمر بتجارب مريرة، وتفقد والدتها، وعلى مشارف البقاء وحيده تجد من يأويها
