؛ مافي زول بحس بي غيرك ي ماما ليه مشيتي وخليتني، حتى بابا مشي 😭💔. حتى بيت جدو محمد م عارفاهو بوين(نسبه لانو كنا بنمشي انا وابوي بالعربيه 😓) ، ليه بحصل معاي كدا انا تعبت.
سمعت صوت الأذان استغفرت وقمت اتوضيت وجيت فرشت المصلايه وصليت الصبح، وشلت المصحف قلت اقرا لي حبه إيات، عسى الله ينصرني على العلي دا، بس م لحقت ابدا حبوبتي جات تاني. مناهل؛ مش قلت ليك الحقيني طرشه انتي ولا م بتفهمي.؛ عايزه اقرا قرآن حبه وبجي. مناهل؛ يعني الزيك دي بعرفو الله بالله. هه قومي قومي. ختيت المصحف ومشيت قدامها. الشمس لسه م طلعت. مشت لمت لي ملايات البيت ملابسها واي قطعة لقتا جابتا. مناهل؛ حتغسلي من اليوم.؛ بس ي حبوبه الخدامة بتغسل. مناهل؛ فرقك شنو منها غير انك عايشه معانا وهي بتمشي وتجي، وليه نخسر قروش وانتي موجوده، تغسلي طوالي من اليوم . يلا يلا امشي شيلي الطشت من جوه.؛ يعني م حاغسل بالغساله. مناهل؛ ما عندي ليك اي كهرباء تغسلي بيدك، كدي النشوف نهايه دلعك دا وين.عليك الله أحمد ولدي العاجبو فيك شنو 😒. وما تنسي بعد تخلصي تكوي على طول وترتبي اي حاجة في محلها وأهم حاجه تشدي الفطور والغداء وتغسلي العده.؛ الملابس دي كتيره، بغسل جزء هسي والجزء الثاني بعد اجي من المدرسة 😥. وانا م بعرف اطبخ لكن. مناهل؛ ياتو مدرسة دي هههاااي ، شوفي هنا من اليوم تقعدي قدام عيوني مافي ليك اي مدرسة، البشتغل الشغل دا منو لو مشيتي لي المدرسة 🤨.؛ بس بابا قال. مناهل؛ اسكتي البو اليقتلك ويريحنا منك، أحمد دا م ابوك ولا حيكون فاهمه ولا م فاهمه. م عرفت اعمل شنو خايفة تضربني زي قبيل، وانا لسه جسمي بوجعني. جرجرت رجليني ومشيت شلت الطشت وفرزت الملابس وبديت اغسل. لمن الشمس طلعت. بتاع الترحيل دق الباب. عم يحيى؛ السلام عليكم. مناهل؛ وعليكم السلام خير ان شاء الله عايز حاجه. عم يحيى؛ انا ترحيل نور، ي ريت تقولي ليها تطلع عشان م تتأخر. مناهل؛ نور اليوم م ماشه. عم يحيى؛ لعل م حاصل ليها حاجه، إذا عيانه ارح اوصلكم اصلا حاكون متواجد معاها، وأستاذ أحمد قال لي البي كل طلباتها. مناهل؛ عليك الله قال لي كدا. عم يحيى؛ ايوه. مناهل؛ خلاص لو سألك قول ليهو نور تعبانه عشان كدا م مشت المدرسه، تصدق قلت ليها اوديك المستشفى قالت تنوم وان شاء الله تتحسن. عم يحيى؛ أن شاء الله تتحسن، خلاص بكلمو. مناهل؛ م بتقصر. (يعني البت دي عامية عينو للدرجة دي، الله ياخذك ي نور 🙄💔). ودخلت جوه.
جاء زمن الفطور وانا اتبليت بالمويه. وهي لسه مصره اعملو، وقفت لي في راسي سوى كدا وكبي كدا، لمن بالجد عملتو وجهزتو ليها
ورجعت أتم باقي الجبال المردومه لي بره دي.
شويه كدا جات جارية شايله التلفون. مناهل؛ اي هدى صحت. علقت المكالمه؛ قسماََ بالله تقولي ليهو حاجه ادفنك هنا زول بجيب خبرك مافي سامعه ولالا.؛ سامعه😟💔. مناهل؛ هاك اتسجمي.؛ الو بابا. العبرة خانقاني م قادره اتكلم ودموعي في عيوني.احمد؛ ي قلب بابا سلامتك🥺 م تشوفي شر. ليه م عايزه تمشي المستشفى.؛ انا كويسه ي بابا. أحمد؛ لسه بتخافي من الحقن هه. اجي راجع ولا شنو.؛ ي ريت 😭💔. أحمد؛ نور مالك بتبكي حاسة بحاجه. طوالي شالت مني التلفون؛ هه البت اشتاقت ليك، م انت عودتها عليك هسي الجو بقى ليها غريب، وفوق دا انت وابوك، البيت فضي والله، متين تجونا راجعين يخ 😓. أحمد؛ هه فراقنا صعب عليكم للدرجه دي 😌، طيب بجي خلال شهر أن شاء الله. مناهل؛ ها ي ولد انا عارفاك مشغول، ربنا يساعدك أن شاء الله، بس م تنسانا من المكالمات سمح. أحمد؛ امين يارب دعواتك ي امي، الايامات الجايه حيكون شغلنا صعب. لالا م بقصر معاكم، وعم يحيى دا موجود إذا احتجتو لأي حاجة كلمو. يمه نور إذا تعبت وديها المستشفى م تشتغلي بكلامها، انا عارفا بتخاف من الحقن. مناهل؛ اي قبيل كلمني الله يديكم العافية ي ولدي، م تشيل هم بتنا في الحفظ والصون.احمد؛ تسلمي يمه، يلا انا مضطر اقفل، بتصل عليكم في وقت أوسع تمام. مناهل؛ أن شاء الله ي ولدي. ودعتك الله. قفلت الخط كدا الابتسامة الفي وشها اختفت مسكتني من شعري؛ قلتي ي ريت، عايزه يجي عشان تكلمي صح 😡.
مرو يومين وانا يديني لسه بتوجعني من الغسيل.ولا ادتني مجال ارتاح، بديت مكوه على طول.
كنت كل يوم بنظف وبغسل. ومن يوم ابوي سافر م شفت المدرسه بعيني
أنت تقرأ
سلسيون
Misterio / Suspensoتحكي عن طفله من أطفال الشوارع تمر بتجارب مريرة، وتفقد والدتها، وعلى مشارف البقاء وحيده تجد من يأويها
