سلسيون

الحلقه (6)

رقية؛ حتتكلمي بسرعه ولا عايزه تتعلمي في جسمك. صرخت بأعلى صوت؛ مااامااا. رقيه؛ اسكتي بلا يخمك اصلي م ارتحت ليك، مافي زول حيسمعك اصلا، سامعه الصريخ البره دا أعلى من صوتك.؛ انا عايزه ماما 😭💔. بقو يعاينو لبعض. رقيه؛ شكلها م حتتكلم، خليها البت صغيره. مهرة؛ لالا لازم نعرف، م تكون اتبلت في بت اخوي، خوفي تكون م بتها، ولا خوفي تكون غلطت. رقية؛ ي مره هوى استعيذي من الشيطان الراجل قال حفيدتو وانتي براك شفتي ابوها. مهرة؛ انتي عويره، البت مختفيه ليها اكتر من 10 سنوات لو بالجد راجلها ليه م جابها من زمان، الا لما ماتت كأس أهلها بوين وأداهم ليها. رقيه؛ والله م عارفه، يخ ارح من هنا الشافعه دي حتعمل لينا مشاكل. مهرة؛ دا لو قدرت تفتح خشمها جيبي الملعقه دي. رقيه؛ عايزه تسوي بيها شنو 😳. مهرة؛ اتش ليها لسانها دا عشان تاني لما نسالها تجاوب. عايزه تهبشني بالملعقه كدا صابرين جات شايله المويه؛ مالكم واقفين كدا ونور مالا بتبكي. عمتي مالك شايله الملعقه في ديك.؛ ماما 😭. مديت ليها يديني جات شالتني. صابرين؛ عيون ماما انتي مالك ديل زعلوك.؛ ديره تتشني بالملعقه الحاره. صابرين؛ شنو 🤨.؛ وقصرتني هنا. أشرت ليها علي خدي شافتو محمر. صابرين؛ كدي الملعقه. مهرة؛ عايزه اسوي شاي. صابرين رشت فيها الموية الجابتا الشي عملت تششش. صابرين؛ دا شنو دا عايزه تأذي طفله عملت ليك شنو وريني 😡اصلا حاتوقع شنو من وحده زيك. مهرة؛ هوي ي بت احترمي حالك، م تكوني صدقتي البت دي وصدقتي نفسك م قدرك انا. رقيه؛ م قلت ليك بنات آخر زمن خساره التعليم، فايده الشهاده شنو بلا تربيه 😒. صابرين؛ وفايده الكبر شنو بلا عقل، الحمد لله مربية احسن تربيه وانتي عارفه كدا ي عمتي ماف داعي تجيبي الكلام لنفسك، اخوك م حيرضي لو عرف الحصل في بت بتو. مهرة؛ كانو حيصدقك ويكذب اختو، امشي بالله وحده قليله ادب ساي. صابرين؛ حنشوف. سحر؛ وليه م يصدقا. لما جات مهره ورقية اتخلعو. سحر؛ دي عمله ليكم مع الناس اتقوا الله. دي حته من بتي والبمسها م بخلي يلا اطلعو من بيتي م عايزه اشوف وشكم تاني، متين هي جات لمن تعملو فيها كدا. صابرين؛ تخيلي ي امي سخنو الملعقه عايزين يتشوها عشان تتكلم هو البت خايفه. م سامعين ولا شنو اطلعو بره. مهرة؛ انتي تطلعي منو عشان تطرديني من بيت اخوي. سحر؛ مهرة بدون جوطه احسن تطلعي بره. رقيه؛ لا بالله عرسناك لي اخونا جايه تطاولي علينا. سحر؛ صابرين امشي نادي ابوك الليله ي انا ي هم في البيت دا. صابرين؛ م بخليك براك معاهم، دقيقه. رسلت شافع ابوها جاء. محمد؛ خير ي جماعه متلمين كدا. ونور مالا كانت بتبكي ولا شنو. سحر؛ اخواتك ي محمد قاعدين يستجوبو البت ولما م لقو منها حاجه الهانم عايزه تعلم ليها جسما 😡. محمد؛ شنو كيف الكلام دا. مهرة الكلام دا صح. مهرة؛ بري معقوله انا اعمل كدا في طفلة. صابرين؛ طيب اسأل نور،مش قلتي طفله ومافي طفل بدس سبب زعلو. محمد؛ تعالي ي بابا وريني الزعلك منو. أشرت عليهم. محمد؛ عملو لي بنوتي الحلوه شنو 🥺اا ي جدو.؛ قصرتني هنا، وجابت ديك. محمد؛ بدون كلام كتير وعشان م نعمل قصه قدام الناس اي وحده تمشي بيت راجلا، انا الفيني مكفيني م ناقص مشاكل. وشايفين نور دي الجنيتو قامت عليهو وعايز يقطع علاقتو معاي يهبشا بس😡. يلا يلا قدامي.
صابرين؛ جيبا انوما. محمد؛ هاك.
من جانب صابرين؛اخدتها على غرفتي رقدتها ورقدت جنبها.؛ حانوم هنا. صابرين؛ ايوه ي حلوه. نور حتمري بي كتير بس مهما سألوك م تردي عليهم حاضر. وأي كلام يقولو ليك تعالى كلميني سمح.؛ سمح.
نمت وأول مرة انوم في سرير، ي سلام المرتبة كانت ناعمه، م زي الظلط القاسي داك، وكمان في مخده طرية م زي حجار الشارع ديك. ي ربي ماما بتكون مرتاحه هناك. ان شاء الله تكون مرتاحه، صح ي ماما انتي م معاي بس بوعدك اني اقرا وأشد حيلي واساعد كل اخوانا الفي اللسه في الشارع.
"دعوني احكي م ببالي.... احكي ولا أظن أنني كمن يبالي... احكي ولا أطيل في كلامي..... طفل بري لكن لا يرى غير الظلامي.... وحيد في حياته ولا مأوى ياويه... ولا امُ تضمه ولا أباً يحميه💔"

يتبع✨