سلسيون

الحلقه (19)

نور فتشت جيبو شالت مفتاح الشقه فتحت الباب وقفت انس قدام الباب؛ م بتاخر طيب.رجعت شالت شنطتها ايوه نفس الشنطه الطلعت بيها من بيتهم وهي هاربة من قسوة حبوبتها، اليوم كمان بتهرب ختت فيها حبه ملابس لولدها أنس . لقت ليها حبه قروش شالتها وطلعت. شالت أنس في كتفها وجرت وهي خايفه على يلحقهم. طلعت واتكرر نفس الحصل قبل سنوات وهي حالياً ماشه بدون وجهه.
بهناك على صحي وراسو واجعو؛ اااخ ي بت *** والله م أرحمك والله م اخليك. وعض على اسنانو من الغضب. فتش تلفونو؛ الو اسمعني حارسل ليكم صوره جيبو لي البت دي بأي طريقه حيه كانت أو ميته مفهوم. سكت مسافه.؛ جيبها لي حية والولد اقتلوه. ابتسم ابتسامه جانبيه وقام من الأرض. قعد في الكنبه بقي منتظر يسمع خبر انو مسكوها. تلفونو اتصل؛ الو اها بشرو. نادين؛ خير منتظر اتصال من زول ولا شنو. على؛ نادين كيفك. نادين؛ حاكون كيف يعني وانت اخدت بت اختي، على اخير ليك تفتش البت دي وتجيبها ولا والله ي على م تشوف ضوء الشمس بعيونك، لقيت بت نور ولا لسه. على؛ نادين الكلام دا ليهو سنين، نور الله يرحمها.قاطعتو. نادين؛ اسكت إياك تجيب اسمها على لسانك يخ انت م بتخاف الله، اختي ماتت في العملية وانت اخدت آخر حته منها. على؛ نادين احترمي نفسك نور دي مرتي، وبتها بتكون بتي انا يستحيل أاذيها، هي اصلا ماتت أثناء العملية. نادين؛ انا عمري م حاصدقك انت واحد كذاب وأناني سمعت كلامك مع الدكتور . على؛ حاعتبر نفسي م سمعتك سلام. قفل الخط في وشها. على؛ دي طلعت لي من وين كمان هو انا ناقص مشاكل فوق راسي. اصبري لي بس اخلص من المشكله دي وانا بعرف اادبك كيف.

سامي؛ اها ي دكتور طمنا امي بقت كيف. الدكتور؛ والله امك بإمكانها تتعالج لو ادتنا فرصه نساعدها، بس هي م عندها رغبة في العلاج. حاول اتكلم معاها لسه عندها فرصه في أنها تقدر تمشي، ي ريت م تضيعوها . ربت على كتفو ومشى. سحر؛ نور انا حاسه انو هي محتاجة لينا، امش جيب لي حفيدتي ي سامي، الله يخليك جيبها لي. سامي؛ حاضر ي امي بس انتي شدي حيلك. سحر والدمعه نازله من عيونها؛ جيبها لي، انا وقتها حاكون كويسه. سامي؛ حاضر ي امي. صابرين تعالى اقعدي مع امي انا ماشي. صابرين؛ ماشي وين. سامي؛ ماشي افتش نور.
(لو متزكرين بدايه الجزء الأول دي تمامتها)
نور شالت أنس ودخلت في الغرفه القالها الراجل  "ايوه م اتعظت". الراجل جاء داخل؛ أسمك أنس صح. أنس؛ ايوه.؛ هاك الكوره دي امشي العب مع الشفع بره تمام. أنس؛ وماما.؛ انا حاقعد مع ماما. أنس؛ ماما انا ماشي العب بره ممكن. نور  م حبت تزعلو؛ طيب ي أنس بس م تمشي بعيد. أنس؛ حاضر. أنس طلع بره البيت. وعلى حظو جو رجال على.
_اسمع داك م الولد الفي الصوره.
=انت م بتعرف الشبه ولا شنو. هسي دا زي داك.
_دقيقه اتصل على الريس. الو الولد اسمو منو..... ايوا تمام اظن لقيناه.... عُلم.
=اها قال ليك شنو.
_قال اسمو أنس. ارح نسأل.
=حنوديهم ليهو صح.
_الطفل لا.
=كيف يعني
_قال اقتلو الطفل.
=شنو.
_ارح ارح.
نزلو ومشو على أنس.؛ اهلين ي بطل ممكن نلعب معاك. أنس بخوف؛ ماما قالت لي م العب مع الغربيين.؛ انت فالح وبتسمع كلام ماما صح. أنس؛ ايوه.؛ طيب ي بطل اسمك منو وماما وين. انس؛انا اسمي أنس ماما جوه هناك.
الراجل من سمع اسمو طوالي خماه.بس قال يتاكدو هل دا الولد الصحيح ولالا؛ اسمع انا حامشي المستشفي انت اهتم بأمر المره. قال ليهو؛ تمام.
الراجل الثاني دخل البيت ومشى على الغرفه (أصلها غرفه وحده جنب الدكان الراجل بقضي فيها فترة النهار) فتح الباب لقى سيد الدكان بتعدي على نور، على طول ولا كذب نزل فيهو ضرب. بعدها قبل على نور وربط  لنور رجليها ويديها وخشمها وشالها في كتفو وشال حاجاتها واتحرك على العربيه. ختاها وربط حزام الأمان عشان م تحاول تهرب. نور بقت تبكي؛ أمم اممم أمم.؛ اسكتي عشان م اتصرف معاك تصرف مع يعجبك، كتر خيري انقذتك من الراجل داك ولا م معروف كان حيعمل شنو فيك ، بس صراحه انتي عسل تستاهلي تكوني مع الجنابو ههه.
على حسه بدوخه اتصل على أحمد (ايوه ابو نور)؛ الو أحمد انا وقعت في المحل الفلاني. أحمد؛ انا في الطريق. أحمد جاء جاري وصل المحل الوصفو ليه على دخل الشقه لقى غائب عن الوعي. رفعو واتصل على الإسعاف  جاء واتحركو على المستشفى. وصلو عملو ليه 3 غرز في راسو. (ضربة المزهرية م هينه).وادوه دربات.
بهناك الراجل الأول قتل أنس ودفنه. اتصل على الراجل الثاني؛ الو اها البت معاك.
_ايوه معاي، اتصلت على المعلم م قعد يرد. حاتصل عليه تاني.
أحمد شايف تلفون على بدق بس م حب يتطفل في الاخير قال يمكن تكون حاجه طارئه فقام رد؛ الو.؛ ي جنابو البت معانا نجيبها ليك. أحمد دخل الشك في قلبو؛ ايوه.
_في نفس الموقع.
أحمد؛ لا في مستشفى (.....)
_تمام.