سلسيون

الحلقه (21)

الدكتور لما قال لي كدا انا من الزعل بقيت م شايف قدامي، حقدت عليك ولا فكرت في اني حاحقد على طفله، بتي انا. على طول قلت للدكتور يقول لي خالتك نادين وامها نضال انو نور اتوفت هي والطفله، ويتخلص منك. وطلعت على البيت تمينا مراسم الدفن واتصلت على الدكتور عشان اطمن انو اتخلص منك قال لي اي. ههه بس شكلو انسانيتو عاليه م قدر يقتلك. بس نفسي اعرف السماك نور منو. وأفراح دي منو.بقيت اكورك؛ دي امي، م عندي ام غيرها ودا ابوي م عندي ابو غيرو، انت كذاب،  يستحيل تكون ابوي، مافي ابو بغتصب بتو، ومافي ابو بقتل بتو. الباب فتح جاء داخل شرطي وماسك راجل لابس زي الراجل المسكني. قال لي ابوي؛ دا لقيناه شايل سلاح وهو داخل المستشفى. أحمد؛ انت تبع على صح. الراجل مدنقر. أحمد؛ اتكلم. قال ليهو؛ ا ا ايوه.أحمد ؛ ايه كانت اوامرك. قال ليهو؛ اني اقتل أنس. أحمد؛ وانت. سكت. قال ليهو؛ ايوه نفذت وقتلتو ودفنتو، العملية تمت.بقيت اضحك؛ ههه هه ه م مستغربه زول عملها مره م صعب يعملها تاني، الله ينتقم منك، ولا هو انتقم منك فعلاً عارف كيف، كنت قايل اني بت ساي وقررت تاخد شرفي وما معروف اخدت شرف كم من البنات، بس ربنا وقعك فيني، عشان تعرف انو حكمتو بالغة لماني فيك. ي رب لو مت قبل اليوم دا. ورغم اني زعلانه على ولدي لكن البركه المات، العملتو حرام وهو م كان ينفع يعيش وسط كل دا. انت انت. بقيت م قادره اتنفس و اغمى على. لأني م كنت قادره أصدق الحصل دا كلو.
شالوني لغرفة وركبو لي درب.
بهناك أحمد أمر بالقبض على على والرجال المعاه. ونسبه لانو زول ظاهر وليه مكانتو، الخبر انتشر.
من جانب أحمد؛ يعني معقوله اب يكون بالقسوه دي، لا وكمان على، سبحان الله.
ساقوه السجن والمحكمة كانت بكره، على طول جاء في بالي الملف اللقيتو في مكتب على، رجعت شلتو واتصلت على الرقم وحددنا الموقع، العربات اتحركت، لما وصلنا وداهمنا المحل اكتشفت انو دي نفس العصابة الكنا بنفتش فيها لينا سنين. قبضنا عليهم. ولقينا كميه من البنات والممنوعات. والأطفال المحبوسين (ايوه تجار أعضاء برضو).
اليوم دا كان أصعب يوم بالنسبه لينا، بس أصعب على نور، يعني بت بالعمر دا اتحملت  كل الحصل عليها كل السنين الفاتو وصابره، في الاخير يطلع دا ابوها. من محلي مشيت المحكمه سجلت نور باسم ابوها، لانو دينياََ م صح اسجلها باسمي، والحمد لله لقيت ابوها الحقيقي، بس م كنت قايل حيكون اللقاء بالسوء دا.
وللان م عارف رده فعلها حتكون كيف لما تصحى وتعرف انو الحصل واقع م حلم، واني سجلتها باسمو اااخ انصرها ي رب.
فتحت عيوني لقيت مركبين لي درب فكيتو وبقيت ابكي. حسيت بيد في كتفي رفعت راسي شفت بت كبيرة كانت بتبكي ومبتسمه في نفس الوقت. قالت لي؛ نور. هه بتشبهي امك. دقيقه دي بتقول في شنو؛ انتي منو وعايزه مني شنو. عليك الله خلوني في حالي انا م عايزه زول. قعدت جنبي في السرير وضمتني وبقت تبكي بطول حسها. وجات مره تانيه قعدت جنبي وهي كمان بتبكي. قالت لي؛ انا خالتك نادين اخت نور امك،كنا بفتش عليك، لاني م صدقت كلام على الله يجازيه، كنت حاسه انك لسه عايشه. زحت مني وختت يدينا في وشي؛ وهسي لقيناك ههه لو تعرفي انتي بتشبهبها قدر شنو. زحيت يدها مني برااحه؛ انا م عندي خاله ولا ام ولا ابوي ولا أهل انا لقيطه كلكم كذابين، كلكم م بتحبوني، اولهم حبوبه مهرة ورقية. وحبوبه مناهل، وخالتو امل. كلهم شريرين أذوني، وما كان عايزني.
وانا هسي م عايزاكم عايزه ماما. نضال؛ نور عايني لي هنا انتي عارفه انا منو. انا حبوبه نضال ام ماما، عارفه امك اسمها منو اسمها نور، لما كنت حامل بيك كانت مبسوطه بيك شديد. لمن بقيتي تتحركي وهي حست بيك كانت بتغني ليك وانتي بتهدي. دموعها نزلو؛ نور امك بتحبك ورغم انو الحمل كان خطر عليها بس هي اختارتك انتي، عشان كدا ابوك اتضايق لانو قال ليها م عندي مشكله بقعد معاك بدون اطفال بس هي أصرت عليك، هو م قصدو.؛ بس هو رماني في الشارع. سحر؛ كل شي لحكمه ي نور، هسي لو م حصل كدا م كنا حنلقي امك افرح ولا حنلقاك ي بتي، مهما حصل ي نور حتفضلي في نظري بت أفراح.

يتبع✨