من ابوي سافر تعامل حبوبتي معاي اتغير 360.درجه، تقول كان منتظره يمشي عشان تعمل الفي رأسها. جينا عايزين نودعو. أحمد؛ خلي بالك من نفسي ودراستك أهم حاجه تمام.؛ حاضر. أحمد؛ إذا جبتي مجموع عالي بسفرك عمره.؛ بجد 😍. أحمد؛ ايوه بجد بس انتي شدي حيلك تمام.؛ حااضر، حاخليك فخور بي ي بابا ♥️، خلي بالك من نفسك. أحمد؛ 😂حاضر ي قلب بابا انتي. يمه م أوصيك على نفسك ولا على نفسي(قصدو انا🙈♥️) ، خلي بالك منهم الاثنين. مناهل؛ م تشيل هم ي ولدي، كلو في الحفظ والصون، ترجع لينا بالسلامه ان شاء الله. أحمد؛ أن شاء الله، يلا استودعتكم الله. مناهل؛ استودعتك الله. ومرق. الساعة كانت 3 وشويه صباحاً عايزه اطلع شقتنا عشان اصلي لانو موعد الصلاه قرب. ختيت رجلي في السلم بس اسمعها ليك بتطقطق. مناهل؛ هه على وين ي حلوه.؛ خير ي حبوبه عايزه حاجه. مناهل؛ الحب اليقوملك في رأسك، انا دي حبوبتك انتي هه عمري م حاكون حبوبه لوحده لقيطه.كدي تعالى لي هنا قايله روحك ماشه وين.؛ مالك ي حبوبه 😟لقيطه كيف يعني . الساعة الرفع يدها ورصعتني ليك كف، اول مره زول يضربني في حياتي كلها. مناهل؛ إياك تقولي حبوبتي سامعه ولا م سامعه،يعني م عارفه لقيطه يعني شنو يعني بت جايبنا من الشارع، وثانية وحده في البيت دا م بتقعدي كفايه على السنين الفاتو اتحملتك عشان خاطر ولدي بس، لكن تاني ولا ثانيه م بتحملها يلا اطلعي من بيتي. بقيت واقفه ومصدومه معقوله دي حبوبتي الكانت بتسرح لي شعري، و بتجهز لي ملابسي حقت المدرسه، وبتراجع معاي دروسي، وبتجيب لي الهدايا. لالا م ممكن اكيد انا بحلم. ختيت يدي في خدي من قوه الكف الاخدتو. مناهل؛ انا بتكلم مع حيطة، م بتكلم معاك انتي ولا عامله م سامعه. اتحركي قدامي، وشيلي كرورك معاك. (قصدها ملابسي وكدا)؛ ولا اقول ليك ديل زاتهم جابهم ولدي م عندك اي حاجه هنا. جريت طلعت فوق دخلت غرفتي.وانا بفكر (كيف يعني انا لقطيه، وهي كيف م حبوبتي وابوي ولدها، وليه بتكرهني قدر دا، انا م عملت ليها حاجه تخليها تحقد على للدرجه دي 😭💔. هسي انا امشي وين، ي ريت لو سقتني معاك ي بابا 😭) شلت كتبي وحاجاتي بتعت المدرسه في شنطة صغيره، واوراقي الثبوتية. جايه اطلع كدا لقيتها ليك في وشي و شايله ليها عصايه م عارفه جابتها من وين. مناهل؛ انتي عارفه بعد التفكير حاخليك تقعدي بس بشرط. بقت تعاين لي من فوق لي تحت. مناهل؛ حتقعدي زيك وزي الخدامه حياه الرفاهية دي م شبهك اصلا شفتيها عندنا هنا. رفعت المخدة كدا شلت تلفوني. قلت اتصل لي ابوي يجي يسوقني. جات شالت مني التلفون. مناهل؛ عايزه تتصلي على أحمد صح، عايزه تشكيني ليهو يعني، ي قليله الأدب. ونزلت فيني ضرب.
حتقولو جدي مشي وين، جدي سافر أمس الساعة 8 مساء اجازتو خلصت، اصلا هو شاغال في قطر، بجي إجازات بس. وهسي الجو خلي ليها.
وانا ابكي واقول ليها كفايه، اتفشت فيني. لمن وقعت في الأرض وشافتني م بتحرك، اخدت نفس عميق وقالت؛ أحيي ي الله من زمان م اتفشيت كدا، بركه الأحمد سافر تاني اادبك انا، ودور الدلع العايشا دا بطيرو ليك في رأسك المدوقس دا يلا قومي الراقده ليها شنو😡. دقائق والقاك قدامي واضح. طلعت وضربت الباب. بقت ابكي. احساس الوحده والفراغ م اول مره احسو. نفس الشعور لما لقيت ماما مع الكلاب اااخ، ي ربي ارحمني. انا م عايزه حاجه من الدنيا دي غير اعيش في سلام بدون مشاكل. وبدون كلام يسم البدن 😭💔
يتبع✨
أنت تقرأ
سلسيون
Misterio / Suspensoتحكي عن طفله من أطفال الشوارع تمر بتجارب مريرة، وتفقد والدتها، وعلى مشارف البقاء وحيده تجد من يأويها
