سلسيون

الحلقه (7)

الصباح جاء و أحمد جاء كمان ؛ السلام عليكم. محمد؛ وعليكم السلام ي ابني اتفضل، ما شاء الله جيت. أحمد؛ كيف م اجي وبتي معاكم. محمد؛ الله يوفقك ي ولدي. أحمد؛ امين يارب، وينا نور. محمد؛ صحت بدري صابرين طلعتا تلعب مع شفع الحله يمكن تتاقلم وتنسى الحصل. أحمد؛ صح كلامك، أن شاء الله تتاقلم. محمد؛ والله م عارف اقول ليك شنو، بس خايف العاشتو يأثر عليها لقدام. أحمد؛ م تشيل هم انا حاخدها. محمد؛ خليها تقعد معانا كم يوم. أحمد؛ خلاص م مشكلة، انا اصلا جبت ليها شنتطها. مشي جاب شنطه كبيرة واداها لي محمد. أحمد؛ الشنطه دي فيها أي حاجه ممكن تحتاج ليها نور من أوراق ثبوتيه لي ملابس العاب، وحتى ورق الروضة. انا سجلتها في مدرسة (...) حاجي اسوقها كل يوم، وما انسى انو عندها جلسة نفسيه وبعدها درس خصوصي حتتعلم الحروف وكل شي لازم. عشان م تحس نفسها مختلفه من زميلاتها وفي نفس الوقت م تتأخر لانو كان مفروض تدخل من زمان. محمد؛ والله م كان في داعي للتعب انا قادر الحمد لله. أحمد؛ م كدا ي عمي العفو بس دا واجبي من اليوم..
صابرين؛ نواره انزلي العبي مع الشفع.؛ لا م نازله. شلت دبدوبي ومشيت قعدت جمب الحيطه. صابرين؛ نور في حاجه ليه م عايزه تلعبي 🥺.؛ حيضحكو على. صابرين؛ مين قال كدا، وليه يضحكو عليك.؛ لانو انا بت سلسيون،لانو انا بت شوارع وما عندي ابو. صابرين الكلام قطع قلبها، كونو تسمعو من زول كبير محزن خلي من طفله؛ ومين قال انك بت شوارع، ومنو قال م عندك ابو، تعالى. قعدت جنبي وختتني في رجلينها؛ شايفه البيت دا والغرفة النمتي فيها أمس كلو حقك انتي، نور انتي م بت شوارع والزول القال ديك كدا قليل فهم عارفه الحته دي.؛ يعني دا بيتنا انا وماما. صابرين ايوه ي قلبي بيتكم انتي وماما😢❤️. أحمد؛ السلام عليكم. صابرين؛ وعليكم السلام. من شفتو جريت عليهو شالني فووق؛ عمو 😍. انت جيت. أحمد؛ أولاََ انا م عمو، من اليوم انا بابا حاضر. هزيت راسي ب اي. أحمد؛ وثانيا كيف م اجي اشوف نوارتي الحلوه دي.؛ انا نواره. صابرين؛ هه انتي نوارة الكل ي قلبي. أحمد؛ اهلين صابرين كيفك. صابرين؛  نحمدو وانت. أحمد؛ بخير دام بنوتي بخير مش كدا ي بابا.؛ مش 😄❤️. أحمد؛ شوفي جيت ليك شنو.؛ هديه من ماما. أحمد؛ المره دي هديه مني انا.؛ بالجد 🥺. أحمد؛ بالجد. صابرين؛ ما كان تعذب حالك 😄. أحمد؛ مافي اي عذاب دي بتي ولا م كدا ي بابا.؛ كدا ي بابا. باسني في خدي.احمد؛ احلى بابا منك انتي. صابرين كانت بتعاين ليهم ومبسوطه في بت اختا واحمد، ومتمنيه نور تنسي كل الايام العاشتها.صابرين؛ حتمشي تلعبي ي نواره ولا لسه م اقتنعتي.؛ حالعب. نزلني. نزلني جريت العب مع الشفع.
صابرين؛ انا م عارفه المرت بيهو  نور، بس بعد شفت اختي وهي بالحالة ديك، اتأكدت من أنها اتأذت كتير 😓💔.

ملاحظه:💛
(م كل الفي الشارع بكونو محظوظين وبلقو اسره تلمهم في بداية عمرهم زي نور، في البفضلو في الشارع لمن يكبرو بشوفو إخوانهم الشباب بمشو المدارس والجامعات وبتخرجو وبشتغلو في أحسن الشركات وبركبو احسن عربات. وهم سقف يأويهم م لاقين، حضن دافي وحنان م لاقين💔.في الربنا كاتب ليهم يلقو مأوى، والربنا م كاتب ليهم. فكونو انت  وسط اهلك حتى لو وضعكم م عاجبك قول الحمد لله في ناس م لاقين الأنت زهجان منو💔. فمن هنا بقول ليك انت المزعل امك او ابوك امشي بوس رأسهم ويديهم. العمر م معروف، والظروف كذلك. يمكن تصبح م تلقاهم ويمكن م تصبح اصلا🤷‍♀️. الدنيا دي ما فيها أي حاجة غير رضا الوالدين. بدونو م بنمشي لقدام 💛)