سلسيون

الحلقه (20)

سامي طلع من امو و مشي المسجد صلى ركعتين بعد خلص بقى يدعي؛ ي رب نلقاها، دي اخر حته من أفراح اختي الله يرحمها، ي رب الطف بينا، امي م قادره تتحمل صدمتين ورا بعض، وصح مرو ثلاثه سنة بس أملنا فيك كبير ي رب. دمعتو نزلت قشاها وطلع. على حظو جات عربية الراجل الخاطف نور، وقفت شافو نزل وفتح الباب بعمل حاجه وفي صوت غريب طالع من العربية. مشي عليه لقى بت مربوطة. سامي؛ هي انت بتعمل شنو. نور من شافتو عرفتو. نور ؛ اممم اممم.؛ اتخارج من هنا لو عايز تعيش لبكره. سامي؛ ي زول م عايز اعيش دير تقتلني اقتلني، لكن من هنا م ماشي فك البت دي.؛ ي ولد اتخارج احسن ليك. سامي بقى يتقاوى معاه، بصعوبة قدر يديه بوكس في وشو. نور كويس انو بدأ يفك ليها يدها، هي من خوفها على خالها فكت يدينها بسرعه وجرت المسدس من بنطلون الراجل. ويديها برجفو صوبت عليه بس هي م قاتله. ضربتو بيه في مؤخرة راسو فقد توازنو و وقع مغمى عليه.نور فكت الربطه الفي خشمها سامي لما شافها اتخلع؛ ن ن نور. نور والدموع في عيونها؛ خالو، خالو. سامي؛ نور دي انتي. هزيت رأسها ب اي. سامي دمعتو نزلت ضماها؛ اااخ لو تعرفي خفنا عليك قدر شنو.انتي كويسه.؛ ايوه. سامي؛ ارح بسرعه حبوبه منتظراك، قبيل قالت لي جيب نور، حست بيك.
من جانب نور؛ من قال  حبوبه وقفت، اتزكرت العملتو فيني حبوبه مناهل، قلت يستحيل ارجع ليها. سامي؛ نور في حاجه، ارح حبوبه سحر وخالتو صابرين معقوله م عايزه تسلمي عليهم. ي دأب اطمئنيت مشيت معاه وانا في قلبي احساس غريب مزيج بين الخوف والفرح والراحه والتوتر. وصلنا قدام الغرفة الفيها حبوبتي قبل ندخل رفعت راسي عاينت لي خالي ابتسم لي وفتح الباب ختيت رجلي الأولى كدا سمعت صوت ابوي  وهو بنادي سامي أتلفت شفتو. ايوا بابا بنفس الملامح م اتغير بس ضعف شويه وكان ظاهره الهالات تحت عيونو.قلت والدموع ماليه عيوني؛ بابا. احمد رمي الأدوية الفي يدو؛ نور. جاء جاري علي. بصوتنا خالتو صابرين وحبوبه سحر طلعو حبوبتي دي بقت تبكي بطول حسها. أحمد؛ نور انتي كويسه.؛ عمري م كنت كويسه وانا بعيده عنك، تاني م تمشي وتخليني. أحمد؛ ي الله ي نور اعفي لي، م كنت حاسامح نفسي لو حصلت ليك حاجه. سحر؛ نور.؛ حبوبه. اتحركت عليها سامي أشر لي بانو اقيف. حبوبه ختت يدينها في الكرسي ورجليها في الأرض وقامت. ايوه وقفت. سامي وصابرين حتى ابوي م مصدقين انها تقيف. مشيت عليها ضميتها الظاهر تعبت مسكتها وقعدتها راجعه في الكرسي . سلمت علي خالتي.؛ بابا. ولدى. كلهم اتصدمو لما قالت كدا. أحمد؛ ولد شنو ي نور.؛ بابا يوم طلعت من البيت لاقيت راجل ساقني معاهو. وعمل لي حاجه م حلوه ي بابا. م قدرت اكمل بقيت ابكي. خالي جاب كرسي قعدت. وحكيت ليهم الحصل من الاول للاخير. ابوي عصب شديد؛والله م اخليه هسي جيتي هنا كيف.؛ كان عايز يشيل مني أنس م عارفه مالو، ضربتو بالمزهريه وجرينا. وفي راجل جابني هنا وخالي. سكت. ابوي؛ وينو الراجل. سامي؛ واقع بره. ابوي؛ اتصل على الشرطه.
خلال دقائق المستشفى اتملت.
من جانب أحمد بعد سمعت كلام نور والرجال مسكو الراجل، شكيت في على. لانو هو كمان مضروب.م عارف الخطر في بالي شنو بس قلت للدكتور يعمل ليهو تحليل دم هو ونور بدون م يعرف.
أحمد؛ وين وديتو الولد.
_م بعرف.
نزلت فيهو ضرب لمن رعف؛ وين وديتو الولد.
_الريس قال نصفيه.
؛ شنو، قتلتو طفل، منو الريس دا.
_ج جنابو على.
حسيت بكهرباء ماشه في جسمي؛ على بس كيف وليه. انا وريتو صورتها حتى لو غلط معاها، كيف يمسكها السنين دي كلها.
قطع تفكيري صوت الدكتور وهو بقول لي العينة متطابقة. لا كيف يعني متطابقة. يعني على ابوها، اصلو م ممكن، طيب ليه خلي مرتو وبتو في الشارع.
راسي حبه وينفجر من التفكير. في الاخير قررت امشي واسالو. وصلت الغرفه الراقد فيها ودقيت الباب. على؛ اتفضل. دا انت ي أحمد اها طمني. سكت لما شاف معاي اثنين شرطة. دخلت وجريت الكرسي قعدت قدامو؛ ليه عملت كدا. على صنقر في نص السرير؛ عملت شنو ي أحمد بسم الله ههه. ضربت الطربيظه؛ لييه عملت كدا، جبت القسوة دي من وين اا، كيف ترمي مرتك عرضك و بتك المن لحمك ودمك في الشارع، يخ انا كنت شايفك قدوة بس ي خسارة، عملو ليك شنو عشان تعمل فيهم كدا، انت عارف أفراح حصل ليها شنو. على؛ أفراح منو. وبت شنو، أحمد انا بحترمك بس انت كدا زودتها.؛ بالله اسكت امسك شوف بعينك. انت امشي نادي لي نور. وابحث لي عن أم نور. على عرق. نور جات داخله من شافتو جاتني جاريه اتدست وراي وبقت تبكي. نور؛ بابا.؛ اشش اهدي ي نور انا هنا جنبك ما بقدر يعمل ليك حاجه تمام ي بابا.
على شاف التحليل دموعو نزلت؛ههه شكلي بعد كل السنين دي فشلت، انتي عارفه انا عملت فيك كدا ليه، نور، نور دنيتي، عيوني وحبيبتي الله يرحما اتزوجنا وانتظرنا سنين ربنا م رزقنا باطفال، لما جاء يوم وحملت بيك تعبت شديد، الدكتور قال ليها الطفل خطر عليك لو م نزلتيه حتخسري حياتك، بس هي أصرت انو تجيبو على الدنيا، انا زعلت شديد كيف تختارك انتي وتخليني بس م بينت ليها. عدت فتره الحمل وجاء اليوم المفروض تولد فيه. وللأسف ماتت أثناء الولاده