هالمرة مو رواية لا مثل المسلسل كل يوم برمضان بارت قصير كوميدي كل حلقة شكل وعن موضوع واحد بس الموضوع الرئيسي الي حيربط كل الحلقات حتشوفوه بهذا البارت ..
يوميات حنونة 👩🏻
الحلقة الاولى : بداية سودة مصخمة 😣
اني بفرنسا ! 🇫🇷 .. الله يم برج ايفل واهلي خلصانة منهم جاية ويا الحب الله 👨❤️💋👨 !.. بس اكو صوت ديضوجني 😒 !.. لفيت منا ومنا ابدور ع الصوت مالقيت منين طالع !.. فجأة سمعت صوت ست الحبايب واقفة يم برج ايفل كامشة المكناسة الطويلة وتعيط : يلاااااااااااااااااااااااااااا قومي صارت الدنيا ظهر .
فتحت عيني باوعت للسقف !.. هاي غرفتي خرب حظي .. باوعت لأمي وهي تقول : يلا عيني .
قلت : ماما خربتي الحلم .
- خلصي شغل ورجعي نامي .
وطلعت من الغرفة .. رجعت اتمددت وغمضت عيوني داحاول اكمل الحلم من تأليفي 😌 بس هم رجع هذا الصوت .. فتحت عيني هذا موبايلي خرب بيه .. لا لا اسم الله عليه احجي ع نفسي ولا ع موبايلي 🙊 .. شفت المتصل بيه ( روح قلبي ) قلدت اغنية تامر حسني لا اكثرولا اقل !..
رديت : شبيك من الصبح دتتصل ؟.😡
- طاح حظج قلت تقعدين ع صوتي !.😏
- هففففف صباح الحب .😑
- صباحي حنونة .. باعي خبلة اليوم ححاجي امي عليج .😋
- ولك مستحية عود .🙀
- هاي شنو طلعتي تستحين ؟.😂
- انجب موصوجك صوج اليستحي قدامك .😠
- اسفين عيوني .😎
خلصت المكالمة ورحت اشوف امي شتريد مني ... ودائما مطلب كل ام عراقية التنظيف وشغل البيت !.. بستها وقلت : ماما انتي تحبيني مصلحة .😇
- ليش شعندج داحبج علموده ؟.😏
- علمود الشغل تعلمي حبي مثلي بدون مقابل .😎
- الحب بالافعال .💪🏻
- موهياتني احبج ابوسج وتحبينا تسويلنا اكل .😘
- طاح حظج قومي يلا شون جيل تعبان ..😤
وقامت وراح للمطبخ وهي دتشغل الاسطوانة اليومية ( ع ايامنا جنا من الصبح ننظف .. مجنا ننام ع النت .. ع ايامنا جنت من اضوج انظف .. ) مادري شوكت يفهمون ان الجيل تغير !.. هالجيل مو فلبيني !.. احنا موخدامات فلبينيات احنا بناتكم 😞 ...
وطبعا كأي بنية عراقية من تعيش جو رومانسي تشغل اغاني اليسا وتبدي تندمج 🎶 !.. بس لحظة مو تقعد وتندمج وتفكر بالحب لا ... طقوسنا غير شوية .. اولها ارفع البيجاما لركبتي .. شعري المه كله .. واجيب سطلة المسح والماسحة .. وطبعا قبل هاي اكون شغلت اغنية رومانسية لأليسا .. عن نفسي شغلت ( حالة حب ) .. وبديت افكر بالحب واني امسح .. ووية كل زاوية مسحتهة اتذكرته .. هنا الحب بابا👆🏻 ..
خلصت شغل الحمد الله 😪 .. وقعدت ع القنفة بالصالة بمكاني ... بطبع العائلة العراقية كل واحد يخصصله مكان ويسجله باسمه تحت شعار ( بكيفي ) .. عن نفسي مكاني ع القنفة اليم التلفزيون وطبعا المكان بدون ماتشوفوه رح تعرفون انه مكاني شوية خاسفة القنفة من ورا القعدة عليها ... ها نسيت احجيلكم ع اخواني ☺️ .. ولا اقول تعالوا وياي اني هيج هيج رايحة لغرفهم اصيحهم ... رحت لغرفة اخوية الصغير محمد 👦🏻 .. معلومة هي ان الرجال العراقي بطبعه ابو الغيرة وعصبي من هو صغير لسانه شطوله .. طبيت لغرفته جان ديسولف بالموبايل ويا صديقه .. شافني جان يخشن صوته وقال : يلا روحي اني شوية وجاي .👨🏻
- هههههههههههههههه شبيك هيج تحجي .😂
- يلا لا اكتلج .😠
للعلم ان عمره عشر سنوات وعمري عشرين بس قتلكم انه رجال عراقي 👨🏻 !.. ماعليه عتب .. انوبة شوراب بعد مطالعاتله خرب ..
طلعت من غرفته واني دامشي بممر اكو زاوية صغيرة بيها ميز جوا الميزة الفارة مالتنا 🐀!.. او اختي الصغيرة هبة 👧🏻 .. هبة تمثل الطفلة العراقية الكادحة 😊 .. من اهم مميزات اطفالنا انهم قنوعين كلش ميجبرون احد يشتريلهم العاب 😅 ... مم تسألون شلون ؟.. هسة اشوفكم👌🏻 ..
سألتها واني اباوع لحذائي الكعب الجديد : هذا شيسوي يمج !👠
- هاي سيارة اللعابة مالتي 🚗.
- موتاخذين احذية بابا وتسويها سيارة شكو جيتي ع احذيتي اطينياه .
- ما .. شبيج انتي متفتهمين البنية لازم سيارتها بنوتية وحذائج وردي .
ها شفتوا هاي اقرب مثال 😌 !.. يعني تيشيرتي تسفطه وترتبه مو علمود تحطه بكنتوري لا .. لان تسويه جرباية والشال مالتي جرجرف عود ... مستقبل امرأة عراقية مدبرة .. واااو .☺️
رجعت للصالة وقعدت بمكاني .. كلساع اباوع للفون انتظره يتصل ويقولي شصار ويا امه !... اجتي امي وشافتني صافنة وطبعا ممنوع احد يصفن ..
قالت : اشو صافنة ؟.😒
- هيجي ملانة .😁
- قومي عزلي غرفتج .😏
( التنظيف يذهب الملل 👌🏻😍 ) اهم شعارات الام العراقية .. التنظيف يعتبر ديزني لاند 🎢🎡 بالنسبة لأمي لا والمفروض ارتاح واتونس واكيف بيه 💃🏻 ..
اخيرا رن جوالي وطبيت غرفتي دأجاوب احمد .. شفتوني احاجيه بالبداية نسيت احجيلكم عنه .. حمودي يعني الكبد❤️ .. والروح .. وابو الزعاطيط 👩👩👧👦 .. هو صح خبل بس احبه 😁 ..
رديت عليه : ها شصار وياك .
قال وهو ضايج : امي مقبلت .
- شنو ؟.. ليش ؟.
- تريد ازوج بنت خالتي .
- اووي شنو لابلة !.. وانت شنو حبيب الماما !.
رفع صوته وقال : اصبري دالغي .
- الغي هففففففف .
- ححاول اقنعها .
- امك مو صديقة امي يعني تحب امي شعجب رفضت ؟.
- بعدها متدري انتي بس رفضت الموضوع كلش .
- هففففففففففف يلا باي .
سديت الفون شهالتخلف لشوكت يبقون الرياجيل تزوجهم امهاتهم !!😒.. وطبعا اول مانضوج نتصل بأكثر شخص يفهمنا .. خابرت اعز صديقاتي ميس😘 .. موبايلها مقفول اكيد لأن متكافشة ويا حبيبها .. خابرت ع التليفون الارضي ورد علية اخوها 😑 !...
طبعا اغلب البنات يكرهون اخو صديقاتهم اغلب الاوقات يكون غثيث ودمه ثقيل .. لا والاحلى يستخف دمه 😐 !..
جاوبني : هلا .😄
- ميس موجودة ؟.
- اي منو اقوللها ؟. ( ودايما يحب يعيش دور السكرتيرة ابني ترا اختك مو مدير عام !! لو لطلطة ع الفاضي 😒 ! ) ..
- حنين .☺️
- هلا بحنين شلونج ؟ 😍.
( اللهم طولج ياروح 😤 ) : الحمد الله .
- اشو ماكو ؟.😔
( ششايفني يومية قاعدة وياك بالقهوة 😣! ) : دراسة ☺️.
- هسة اصيحها .
( صاحتك سليمة فضنا🙌🏻 ) .. وراح يصيحها والشي الي لحد هسة مدافهمه ليش دايما عياط ببيتهم هوسة وواحد يعيط ع الثاني .. مو عراك لا صوت عالي بيت كلهم طرشان شكو!!..
جتي وهي تنهت : اه .. اه .. هلا حبي .
- وين جنتي تركضين ؟.🏃🏻
- لا .
- المهم اني حزنانة .😔
- شكو ؟.😳
- امه البومة متقبل .😒
- ليش ؟.😑
- تريد بنت خالته .😏
- وانتي شحتسوين ؟.
- شسوي مادري .
- عوفيه هاهية وهسة تقليه يسمع كلام امه رجل شرقي حقير .
نسيت اقوللكم عن احلام مستغانمي اقصد ميس .. تكره شي اسمه رياجيل مع انها مكبلة !.. وتحجي بشعارات والرجل ومدري شنو ...
- ماقدر احبه .
واني داحجي وياها وصلتني رسالة .. قلتلها : ثواني .
فتحت الرسايل جانت رسالة منه .. كتب : احبج ومستحيل اتزوج غيرج .
- اوووووووووووي فدوة 😍🙊.
سمعت ميس تقول : منو شكو ؟.
- حمودتي دزلي رسالة 💌 .
- اي شيقول ؟.
- يحبني .. اني همين احبه المطي .
- ههههههه لعد عندي فكرة 😇 .
- شنية ؟.
- نحاول نقنع امه .
- مممممم شلون ؟.
- حجيج هسة حضريلي حبشكلات وحب وجبس وهالسوالف حتى امخمخلج .
- ماشي .
سديت الفون ورحت اصخر محمد اخوية حتى يروح للدكان .. قام الشاطر من جربايته وقال : ماشي هسة اجيبلج .
طبعا من مميزات الطفل العراقي انه يسوي اشياء لله خالصة بدون اي مقابل .. العكس صحيح طبعا .. لازم اله النص ..
جتني ميس والحلو انها جيرانة .. فرشنا الحبشكلات ع الجرباية وطبعا مدت ميس ايدها سوت حبتين او علامة النصر✌🏻 وصورت وكتبت بالفيس ( واحلى ونسة ويا حنونة😍 ) ... ياونسة !! اني بيا حال 😒؟.. بعدين البارحة بالليل جانت يمي وحايط ع حايط ؟.. ولا يمكن صدق تغيير بما اني غيرت جرجف جربايتي😐 !... المهم ..
قالت : يلا جيبي ورقة وقلم .
- شنو حنسحرلهم ؟.
- دجيبي .
جبتلها ورقة وقلم .. بدت تكتب وقالت : احنا حنروح كل مكان امه تروحه وحنبقى وراها لحد ماتوافق !.
- واذا ماوافقت .
- عود نفخخها😈 .
- ماشي اتفقنا😈 .
( نهاية الحلقة ... ) ✋🏻
