( يوميات حنونة 👩🏻 )
✨ الحلقة الرابعة : عرس !👰🏻
انعزمنا ع عرس وحدة من معارف ماما .. عادتاً ماحب اروح اعراس بس هالمرة اني الي قنعت امي حتى نروح للعرس 😌 لأن سمعت امي تحجي ويا ام احمد ع الفوت وقالت ام احمد حتروح 😍 .. وكأي بنية عراقية لازم اخبص امي ع العرس او الحفلة قبل اسبوعين .. اولا فريت السوق كله ادور ع فستان 👗 وطبعا طول الطلعة امي تعيط علية وتقول ( دلبسب الفستان مال حفلة الفاتت 😒) وكأي بنية عراقية حقول 😌 ( شافوه ميصير ) .. هالعرس كلش مهم حتى تشوفني شلون جميلة وتزوجني لحمودتي 😍 .. اشتريت فستان طويل وطبعا الفساتين الطويلة تطول القصار المثلي 😍وهسة تجي وحدة تقول اذا عاجبج قصرج شكو تطولين نفسج !.. وطبعا حغلس😌 .. وكعب .. وهم حغلس ع اي كومنت .. واكسسوارات كومة .. وطبعا امي شغلت اسطوانة البنات المعتادة الي كل مانروح السوق تشغلها 💽 ( يمة البنات بس يشترن كومة سوالف .. هياته الولد بنطرون وتيشيرت ميضوج احد .. الخ ) 😒 ..
بيوم العرس جتي ميس يمي ورتبنا نفسنا لأنها حتجي وياي .. رحنا للعرس جان بقاعة للنسوان بس وهذا احلى شي حتى نستعرض عضلاتنا 💪🏻.. اقصد جمالنا ☺️ احم احم ..
وصلنا للعرس اني وامي وهبة وميس .. راحت امي قعدت ع الطاولة الي بيها ام احمد سلما عليها امي واني همين ... شاورتني ميس : خل نروح ننزع ونترتب بالحمام حتى تطلعين فجاة مترتبة تنبهر بيج .
- ماشي .
سويت الي قالت عليه .. رتبت نفسي وطلعت من الحمام ومشيت بثقة 😉 .. انتبهت علية ام احمد وابتسمت 😃 .. اااه اخيرا ... صرت قريبة من الطاولة جان احس بوحدة تدفعني .. ردت اوقع بي لزمت بالكرسي .. باوعت ع الي دفعتني .. هلووووو 😟 .. ام رانية 😓 .. دتسألون منو ام رانية !... يرادلها حافة بحدها 😁 .. قالت : هلوووووو ام احمد حبيبتي .
قامت امي وام احمد يسلمون عليها .. طبعا نسوني😐 ... ميس قالت : اهو هاي شجابها😑.
- حظي المصخم 😞 .
قالت ام رانية لبنتها : رنوش حبيبتي تعالي سلمي ع خالتج .
جتي بنتها المايعة 😏 وسلمت ع ام احمد .. بوستها ام احمد وقعدت رانية بصفها ع كرسيي😕 .. قعدت بصف ميس قبال ام احمد .. قالت : حبيبتي حنونة تخبلين طالعة .
- تسلمين خالة😊 .
طبت ام رانية بالموضوع 😒 : شفتي رنوش شون تخبل صايرة .
ام احمد : اي تخبل ماشاء الله 😍 .
وبدت تحمى .. ميهمني ترا 😒 .. الي يهمني امي .. اااه يا امي دحجي حجاية ع بنتج البومة 😐صخام جذبي سوي اي شي !..
باوعتلي ام رانية وضحكت قايلة : حنونة شون تزوجين وانتي قصيرة 😂😂😂😂😂😂 .
الكل ضحك : 😂😂😂😂😂😂😂 .
رديت : الزواج موبالطول وهياتج خالة قصيرة كلش كلش ومزوجة وبناتج حيزوجن ☺️ .
صووووووووص 🐜🐜 .. صوت صرصور الليل نيهاههاه 😈 .. بس اني مانقهرت ع شي بس ع امي 😒 .. انوبة تضحك وياهم 😳 حجية دافعي عني رفعي معنوياتي سوي شي ترا اني مولقيطة 😣 ...
شاورتني ميس : باعي قومي خل نرقص والنسوان وهسة الكل ينتبهلج .
- ماشي .
وقمنا نرقص 💃🏻💃🏻💃🏻.. ام احمد جانت تصفق وتبتسملي 👏🏻😊 .. ااه اخيرا 😍🙊 .. شفت ام رانية تأشرلي ✋🏻 .. قربت منها وقلت : ها خالة !.
- وخري من قدام رانية دترقص .
لحظة 😳!!!!!!!... شدتحس .. لاجد شدتحس !.. فعلا شدتحس !.. زين شنو بنتها فيفي عبدو !
نسيت السالفة وبديت ارقص وياميس واسولق وياها .. طبعا ام رانية كل دقيقة قايمة تشاور بنتها ع اساس اني امها الي يريد يخطبها يحاجيني 😂🙊 .. بالنسبة لامي صوت صرصور الليل يمها 🐜🐜 .. وص وص ..
قعدنا مرة ثانية .. ام احمد قالت لأني : تخبل حتونك ورقصها يخبل .
كولولولوللولولش اخيرا ظهر الحق نيهاهاهاهاهاه😈💃🏻💃🏻💃🏻💃🏻 .. اصلا اني احب ام حمودتي من زمان واقول انها حبابة ..
كملت : ياريت لو بنت اختي نور مثلها ترقص حلو هيج .. بس هي كلش متدينة مالها بهالسوالف علمود هيج حاخذها لاحمد .
لحظة 😳!!!!! .. زين والعرض المسرحي السويته !.. والرقص الشرقي واللحم الذبيته !!..
قالت ام رانية : بنتي رانية حافظة جزئين من القران .
باوعت ع امي 🐜🐜 .. ابو الهول حجا وهي بعدها ..
جنت حموت لحد ماخلص العرس وركبنا السيارة راجعين للبيت .. انفجرت : ماما اني موبنتج مدحب بية ليش تسكتين !.. كلهم يمدحون بناتهم الا انتي شكوووو؟.
اندارت علية : طاح حظج شحجي !.. بعدين ترا الي يحجي ع نفسه يذمعا .. الناس شايفينح ماكو داعي اسوي دعاية .
علق ابوية وهو ديسوق : شفتي مرة دعاية لروزرايز !.
- شنو!.. لا.
- بس سعرها كلش غالي بملايين .. مع ان داعية نيسان وهالسيارات كلش منتشرة بس مو اغلى من روزرايز .
- مفهمت شتقصد !.
- القصد ان الشي الزين معروف وبس الغاليين يقدرون قيمته .. بس الرخيص هو الي اسويله دعاية واقعد ادلل بيه .. اني ممحبور اسوي دعاية واعرض لشي عندي لأني واثق انه زين وانه اعلى من انه اسويله دعاية .
لك فديتك عم الحج وربي اقتنعت 😍😍😍😍
من خلال حجي ابوية لازم اتقرب من ام احمد حتى تعرف اني روزرايز .. اقصد اني خوش بنية😌
نهاية الحلقة ...
