يوميات حنونة

Part 16

( انتقام حنونة 😈 )

✨ الحلقة السادسة عشر : رومانسية برومانسية 💕 .

ورا العشا صعدت لغرفتي حتى اشوف المسلسل التركي مالتي ... طبعا مادري ليش العراقيات نقول المسلسل مالتي 😳 ع اساس احنا ممثليه !!.. المهم اني داتفرج اجا الافندي من برا جان دايح هي هاي شغلة الولد 😒🙌🏻🙌🏻🙌🏻 ...
وخر اللاب توب من حضني وقال : حنونتي عندي الج مفاجأة .
- شنو 😍🙊🙊 .
- حنروح اربيل ٣ ايام .
حضنته بسرعة : عااا حياتي انت فدوة الك .
كمل حجيه : ويا جروب .
وخرت من يمه : منمة 😒 .
- شاكر ومرته ... وسامر ومرته مريم بنت خالتج ... وعلي ومرته .
- هلوووو شكو ماخذيهم !.
- حبيبتي كلنا كبلات رايحين نقضي جو رومانسي .
- زين مريم بنت خالتي هي وبنتها شون !.
- لا حتعوفها يم حماتها .
- هفففف 😒 .
وتحضرنا دنسافر ... بس الفاجعة ان سامر زوج مريم هو الي حيوصلنا 😱😱😱 ...
عود لان سيارته جبيرة !!.... ركبنا كلنا وكل وحدة بصف رجلها ... لا جتي دينا زوجة علي دتركب جان تركب وتكمش ايده لزوجها جان ديصعد الجناط قالت بدلع : حبيبي لتعوفني .
خير ترا مراكبة بسيارة لداعش 😒 ...
وطبعا اشتغل كيد النسا .. رانية شافت دينا تدلع ويا زوجها قالت لا هاي مو احسن مني .. صاحت شاكر : حبيبي شكورتي تعال اقعد بصفي حتى احس بالامان .
عاط بيها : امشي ولي ماقعد يم مرية غريبة .
😂😂😂😂😂😂😂😂😂 بتحطي نفسك في مواقف بايييييخة 😇
ركبنا اخيرا ... بدى سامر يقرا دعاء الركوب ...
اندار علينا وقال : حقول دعاء السفر رددوا وياي .
مومسافرين فرنسا فضنا 😒 ..
وبدا يقول دعاء السفر ... ورا بدا يظهر علية بصيص امل انه حيشغل السيارة ونتحرك بس قال : قولوا هالدعاء وراية مندري شنشوف بالطريق!.
والله مرح نشوف شي اكثر من الي دنشوفه وياك😒😒😒😒😒😒 ...
قال : اللهم احفظنا ... اللهم بارك لنا في طريقنا .. اللهم احمنا من كل عبوة ناسفة .. وحزاماً ناسفا ..
قلنا : امين .
- اللهم قلل من السيطرات .. والعرقلة التي في الطرقات .. وازدحام السيارات ..
قلنا : امين 😒 .
- اللهم ابعد عنا داعش في الطريق ... والسلابة .. واكفنا شر انتهاء البانزين والزيت وعطلان المحرك ...
قلنا : امين 😒😡😡 .
- اللهم اجعل الشمس وحرارتها باردة على الراديتر ... اللهم قلل المطبات والطسات في الشوارع ... وابعدنا عن الشوارع المسدودة ...
وربي اما الجمعة من يدعي اقصر منه دكافي 😒😒😒😒
بعدين شغل السيارة وبدا يمشي بالحركة بالبطيئة .... وقرا عشر ايات واحنا بعدنا مطالعين من راس الشارع 😒 ...
قلت لاحمد : قوم سوق ابداله .
- عيب سيارته شقوله !.
- والله لو نروح ع جمل حنوصل اسرع .
- زين ماشي بنص الطريق حقوله .
وينص الطريق قال احمد : اني حكمل .
وفعلا ركب قدام وركبت ببدال مريم بصفه ... وبدا يدوسلها ...😍 الله من زمان محسيت بالسيارة وهي تتحرك 😍وحشني هالاحساس ...
وصلنا للسيطرة ... جان يباوع شاكر ع الضابط ويعيط : هذولة خاطفيني 😱😱😱😱😱 .
صخام الصخمك انت واخوك ومرتك وامها 🙌🏻🙌🏻🙌🏻🙌🏻🙌🏻🙌🏻🙌🏻 ...
نزلنا كلنا الضابط وبدا احمد يفهمه ... وع حظنا المصخم الضابط عود نزيه وان احنا الي دنسوي الارهاب بالعراق ...
فتدخل سامر : السلام عليكم ورحمة الله وبركاته .. اخي المسلم الي دتشوفه هذا كفاك الله شر المرض مريض فلازم ندعيله بالشفاء ...
باوع عليه وع لحيته : انت داعشي مو 😡😡 .
لابوكم لابو الجابكم شهالسفرة الطايح حظها 😒
عاد خابر احمد واحد عرف بالشرطة وخلوهم يهدونا ...
ورجعنا مرة لاخ للسيارة دنكمل الهجرة اقصد السفرة😒 ...
بنص الطريق رن جوال علي بس لغى المكالمة فدينا ضاجت وعاطت : هاي شنو منو دتخابرك اكيد وحدة مو متريد ترد جيف اني موجودة .
علي : هذا واحد صديقي .
- جذاب ... احمد وقف السيارة ماريد ابقى قاعدة بصف هذا .
وبدوا يتكافشون وقف احمد ع جنت بالطريق ونزلت البومة 😒🙌🏻🙌🏻🙌🏻🙌🏻 ونزل هوا وسامر يفاكك بينهم : ميصير هيج هالعركات من الشيطان خلي نصلي ركعتين بلكي تهدى النفوس .
خوب رانية كيفت عركة .. شيطان رجيم 😒 ... نزلت : هههه شنو صغار دتتعاركون اني وشكوري عمرنا متعاركنة مو حبيبي شكوري !.
باوع عليها شاكر ومرد ...
عادت السوال : ها حبيبي ؟.
دار وجهه : ماحجي ويا ناس غربة .
ينههاهالههاهاهاهاهاههاهاه يمهل ولا يهمل 😈😈😈😈😈 ....
عاد بطلعان الروح يلا تصالحوا ... ورجعنا نكمل طريقنا بس بنص الطريق وقف احمد السيارة وقال : السيارة حمت .
شون متحمى واحنا مركبين هالنماذج 😒🙌🏻 ...
نزلوا شافوها قال احمد : يرادلها مي .
علي : وين بطل المي الجان يمج دينا !.
دينا : مشفتني غسلت وجهي بيه من بجيت .
تووووووووووووووووووووووت 😡😡😡😡😡😡😡😡😡😡😡😡 ....
قال احمد : والحل !.
سامر : نصلي صلاة الاستسقاء وتنزل المطر حتى يروح الحر .
بلة شحجي ويا هذا 👆🏻😒 ...
احمد : خل ننتظر هسة اي سيارة نوقفها ع الطريق ويساعدونا .
جتي سيارة وقفناها وطلبنا مي اطونا بس قال احمد : هاهية حطيتلها بس خل اطفيها تبرد فد شوية .
قالت رانية : يا شنسوي هسة !.
قلت : نشوف شي نتسلى بيه .
سامر : خل العبكم لعبة .
الله هذا طلع يعرف يلعب 👆🏻😧 ...
الكراسي الي ورا كلها سديناها صارت كلها مستوى واحد فقعدنا ورا كلنا قال سامر : لعبة اسئلة حنلعب .
شاكر : الله احب الاسئلة 😍 .
هسة اذا سالنا شاكر ع اسمه يطلع ناسيه 😒🙌🏻
...
سامر : يلا بسم الله نبدأ حفر البطل واسال .
حط البطل وهو بدا يفره يستغفر .. فضنا دتفر بنكة 😒🙌🏻🙌🏻🙌🏻 ...
اجة الدور لاحمد ساله سامر : اذكر لي حديثاً للرسول صلى الله عليه وسلم قاله في المدينة واسم الراوي الذي روى الحديث .
😒😒😒😒😒😒😒😒زين هذا شتحجي وياه 👆🏻درس اسلامية بالمدرسة خييير !!!!!!!!...
...
قالت دينا : لا لا عندي لعبة احلى ... وهي نسال بالبداية الرياجيل كل واحد ليش يحب مرته وراها النسوان .
باع التفيك مال نسوان 😂😂😂وربي ميجوزن ...
قال دينا : حبيبي علاوي انت ابدي .
باوع عليها السخيف وقال : احب دينا لان اموت عليها هي الهوا الاتنفسه .. هي روحي وعقلي ونبضي .
الواد ده بيشتغلنا ومبين خاين 👆🏻😂😂😂 ... مادام هالحجي المدري شونه .. عاد الهبلة خجلت وقالت : اوووي اني همين اموت عليك بيبي .
اويلي ع سندس متجوز من سوالفها😒🙌🏻 ...
...
اجا دور العريفي ... اقصد سامر قال : احب مريم بالله ولانها حافظة من القران ماشاء الله .. ومن احب في الله شخصا .... الخ من الخرابيط ... وختم حجيه ... اللهم احفظ لنا ازواجنا وذرياتنا و...
عطت اني : يلا دور شاكر .
ابتسمت رانية : اي حبيبي ليش تحبني ؟.
شاكر : انتي منو ؟... اني ماحب احد ماعرفه .
😂😂😂😂😂😂😂😂😂والله انقهر عليها هلقد ما تتفشل ....
عاد اجة دور الخبل مالتي ادري حيفشلني ... صفن يباوع بخلقتي 😒 ...
احمد : والله مادري ليش احبها !.. يعني هي خبلة وعصبية وتعيط هواي .. تموت ع المكافش وياي .. ممم يمكن علمود هيج احبها ... والله مادري ليش احبها بس المهم ماقدر اتخيل حياتي بدونها .
😳😳😳😳😳😳😳لحظة دانصدم !!
هذا طلع عده قلب واحساس اووووي 😍🙊🙊🙊🙊 ...
خلصنا وجينا دنكمل طريقنا اتصلوا ع مريم قالت : هاي بنتي فطومة مرضت خل نرجع .
قال سامر : احمد اني حسوق اسرع حتى نرجع ..
ياراااجل 😒 ..
نزل احمد وركبت اني وياه ليورا كلش بحدنا ... قعد بصفي وغمز : اي شونج 😉 .
- زينة😳 .
- شكو ماكو😉 .
هاي نبذة عن الرجل العراقي عود ديغازل 😒 ... قرب مني شاورني : مادام الدنيا ظلمت والكل مطفي جيبي اي شي ع السريع .
- شجيب 😒 .
- بوسة 😘 .
سمع شاكر كلمة بوسة : اريد بوسة .. اريد بوسة .
رانية : صخام شنو !!.
شاكر : شمعنة احمد يبوس واني لا .
سامر : حرام حرام .. من رأى منكم منكر فليغيره ...... لايجوز اخ احمد البوسة بالعلن حرام حرام .. والخ ..

لابوكم لابو الجابكم عيلة زبالة 😒🙌🏻🙌🏻🙌🏻 ..

نهاية الحلقة ...