يوميات حنونة

Part 11

( يوميات حنونة 👩🏻 )

✨ الحلقة العاشرة : نفسيات 😑 .

صبحت اليوم واني متفائلة .. او احاول اسوي هيج حتى اليوم يعدي ع خير لان اكره القعدة من الصبح والجامعة 😑 ...
جيت داتريق واسمع اصوات عوي هبة ومحمد ميردون يرحون مدرسة 😒 ... خوب هبة مسوية نفسها مريضة .. وطبعا امي نازلة عياط .. نعم هذا بيتنا ساعة سبعة صباحاً ☺️ ...

دق هورن ابو الخط وطلعلتله ... ركبت وحطيت راسي ع الشباك داخذلي غفة 😴 ... بس ركبت بنية وياي بالخط جيرانة .. احد اعلام النفسية 😑 ...
ابتسمت وقلت : صباح الخير 😊 .
لان اذا قلت قدامها كلمة مو ايجابية مرح اخلص ...
قالت : ياخير .. اموت من يوم الاحد .
هزيت راسي وغلست ... جان ابو الخط مشغل فيروز انا لحبيبي ...
قالت : ياحبيبي .. محد هسة يوفي .. كلهم جذابين .. عده مليون حبيبة الواحد .. اصلا ماكو شي اسمه حب ... كله جذب .
للعلم هي حديقة 😒👆🏻 ... يعني لووحدة مكبلة عادي ع عيني وراسي ومجروحة انتي حديقة شلج بيها 🙌🏻😒 ...
قلت لابو الخط : عمو غير الاغنية ☺️ .
شغل اغنية ع بالي حبيبي .. جان المقطع ال( ليلية الالبسلك الابيض وصير ملكك والدنيا تشهد .. ) ..
قالت : وين اكو واحد هسة يزوج حبيبته ... يقعد يخليها تحبه سنين وبعدين يزوج وحدة لاخ ... اصلا ماكو حب الحب كله خرافة .
لابوج لابو الجابج شنو خرافة داقولج مصباح علاء الدين حتى تقوليلي خرافة 😒 لعد اني والحمار شنو مو نحب بعض !!!!...
المهم نعسانة ومالي خلق اناقشها .. قلت لابو الخط : دورلنا غيرها .
شغل اغنية ( روح فضا شاكر ) ... قالت : اوووف بسرعة يروح بهالسهولة ويجرح ويخذل ... وبعدها يروح ...
بنت التيييييييييييييييييييييييييييت ... هسة انتي منو يمج 😒 ...
قلت لابو الخط : بعد غيرها عمو .
شغل اغنية : والله مايسوى ...
قالت : كلهم جذابين اصلا بس تموت يروح يدور غيرها اصلا ماكو حب .
تييييييييييييييييييييييت 😡😡تيييييييييييييييييييييت ... قلت لابو الخط : عمو شغل شي وطني فدوة .
شغل اغنية ( حبنا الاكبر ) ع العراق ...
قالت : هو ياعراق بقى خرب كله ....
لزمت الكتاب مالتي وحطيته ع راسي 🙆🏻 هاي شسويلها بلة !!!...

واخيرا وصلت للجامعة 💃🏻💃🏻💃🏻 .. رحت للمحاضرة ركض .. خلصت المحاضرة وقعدت بالكافتيريا دافضي الشحنات السالبة الي اخذتها ... جتي قعدت يمي صديقة لاخ اسمها اية .. جتي بدون صباح الخير لا مدت ايدها قدامي : باعي اهئ اهئ .
باوع ع ايدها 😒 كلها اثار جروح طبعا ايديناتها عبارة عن خطوط طويلة وعرضية من ورا محاولات الانتحار 😒 قالت : اريد اموت .. تعبت .. الدنيا كلها زفت .
سألتها : شكو ؟.
- البارحة خابرت حبيبي ومرد علية 😭.
توووووووووووووووووووووووت 😡 يعني هذا سبب !.. وعساه لرد شكو شكو شكو منو يستاهل .. ناس كومة اهلها ماتوا وعافوا بيوتهم وصارلتها بلاوي وعادي ويضحكون ✌🏻️ ... بس هالحجي بطلت اقوله الها لان لعبت نفسي 😒 ...

رجعت للبيت واني اكهرب ⚡️ كلني طاقة سلبية لويحطون هالبنيتين بدال المولدة ارحملنا 😒 ...

رن جوالي وخابرت صديقتي حنان .. جاوبتها : هلا حبيبتي .
- اني ضايجة اهئ اهئ .
طبعا حنان عبارة عن سفيرة للكابة .. كل الصور الحزينة يمها والصور الي واحد شانق روحه وواحد ساحل روحه ومكتوب مجروح وواحد يعوي دموع 😒...
- لتضوجين محد يستاهل .
- لا هاهية هي االحياة كلها محلوة .
بقيت ساكتة 😒 ...

العصر بدلت ورحت ويا امي لبيت ام احمد لان قالوا بيت خالتهم ومدري قرايبهم جايين ويردون يشوفوني 😒 ...
سلمت وابتسمت بس الظاهر همة همين نفسية ميبتسمون 😒 ...
قالت خالة احمد النفسية : اي شونكم بعد .
رديت : الحمد الله خالة جامعة وتعب .
- ليش تعب شكو شبيج مو شابة مشفتوا شي بالدنيا بعد .
ابتسمت : اي داقصد ع الدراسة .
- الانسان اذا مادرس زين مرح يحقق الي يريده ماكو شي يجي بالساهل والخ ....
الي فهمته انه محاضرة عن الدراسة ☺️ .. طبعا كله جنت اهز راسي ...
المهم حاولت اسد الموضوع ... وهذا يعتبر نوع من انواع النفسية الي يحب يتفلسف هواي 😒

خلصنا من جاي العصر ورجعت للبيت واني باقيلي 2 فولت واشغل بنكة من السلبيات الي اطونياها ..
وعلمود اوخر هالكم من السلبية خابرت شلة الانس .. مرح احجي عنهم حخليكم تشوفوهن .. اجني بيتي ميس ورباب وسناء ...
بدينا برباب : شونج حياتي .
رباب : الحمد الله .. هههههه لج تذكرتج البارحة اخوية اندعم بالمستشفى رحنا ههههههه ونقلوله دم ههههههههه ..
هاي الناس الزينة 😂😂👆🏻 عبالك دتحجي ع يهودي مو اخوها ...
وبدت سناء تحجي : ولكم فاتكم الصار ههههههههههه .
قلنا : شصار .
سناء : جنت بعزة خالتي وجانت وحدة ههههههه...
وكملت السالفة وكأنه عرس خالتها والامور عادية 👆🏻😍 ...
شغلنا بحب الناس الرايقة وبدينا نرقص 💃🏻💃🏻💃🏻
وطاح حظ كل واحد نفسية ورانية وام رانية 🙌🏻😒 ها نسيت وجاسمية همين ☺️ ...

نهاية الحلقة ..