( يوميات حنونة 👩🏻 )
✨ الحلقة العاشرة : first date .
اي اي داتفيك بالانجليزي شابة ومن حقي 😌 .. اليوم اول موعد رسمي اطلعه ويا حمودتي قبل هذا جان كله تهريب 🙊 .. اقصد بالسر المهم راحت ايام الجاهلية 😇 .. واول موعد قررنا نروح للسينما بعدين نتعشا 😍🙊 .. داحس نفسي بالافلام ... تعرفون شنو احلى شي بالموضوع ؟.. ان العشا ع حسابه 😍اقصد يعني اول مرة نتعشا سوية 😁
رتبت نفسي وكشخت 😌 وجيت داطلع من غرفتي جان القى هبة اختي الصغيرة 😑 ..
- شكو ؟.
- اخذيني وياج .
- ماكو ميصير .
- شنو شمعنة لانا اخته حتجي وياكم واني ماروح ؟.
- لان اخته عاقلة مومثلج .
- حقعد عاقلة .
- ما ولي منا .
لو مدري شيصير ماخذها اختي واعرفها زبالة 😒 بس اخته عادي ممكن يدفرها اذا ضوجتنا المهم برستيجي ميروح ...
طبعا قبل ماطلع سمعت الوصايا العشرة من امي 😒 وهذا وجهي 👩🏻 اذا سويت شي من الي قالته ☺️ ... وهمين اخوية محمد 😒 ..
ثخن صوته : ها طالعة ؟.
- اي .
- ميصير وحدكم عيب ماعدنا بنات ..
- اخته ويانا يلا اطفر 😒 .
احس الطفل العراقي خصوصا الولد موضعيهم بريل هذا الي يشبه الباربيكان عود الواحد يسترجل 😒 ...
سمعت هورن السيارة طلعت ركض 🏃🏻🏃🏻 .. نزل هو من السيارة نفس الافلام .. ابتسم واني عود همين مستحية 😂🙊 .. فتح باب السيارة وركبت سمعت صوت اخته المزعجة : شكو تركبين ليقدام ؟.
انداريت : هلو حبي .
- نزلي منريدج بسيارتنا .
لوما احمد بصفي جان دفرتها 😡 .. وطبعا غلست ..
ساق وهو ديسوق لزم ايدي 😍🙊 اول لزمة بعد الاسلام .. اقصد الخطوبة 😇 .. طبعا مهما حجيتلكم شون طعمها بالحلال مرح تحسون مثلي .. لان مدحس بشي عادي 😂 يعني الله وكيلكم هي هي لا لزمة الحلال تفرق عادي هي نفس ايده ونفس ايدي وعادي اصلا احلى لمسة ايد واول لمسة ايد جانت بالجاهلية .. اقصد قبل الخطوبة فعادي 😌 ...
وصلنا للمول ورحنا جهة السينما ندور ع فيلم .. طبعا لازم اول موعد حلال بينا ... لحظة حسيتوا لزقت بكلمة حلال حلال شنو لحم .. المهم .. وين جنت ؟... اي لازم اول موعد بينا يكون فيلم رعب حتى اخاف يلزمني ويحدث منكر شرعي وكله بما يرضي الله ☝🏻 ...
قالي : تريدين فلم اكشن اكو فلم يخبل ردت اشوفه .
عيطت : خير اخوية !!.. فلم اكشن شنو !.. وانوبة جان عاجبك تشوفه !!.. يعني حتلتهي بيه .
- غير شي يونسنا .
- ماكو 😒 صار قرن اعرفك ماكو فلم اكشن ماطببتنياه .
- ههههههههههههه خلاص تريدين فلم رومانسي ؟.
- لا تجيني حموضة من الافلام الرومانسية .
- حموضة شنو جايب وياي بيبتي ترا فلم موطرشي 😒 .
- والله اني هيجي معاجبك طلقني .
- ههههههههههه طاح حظج خل نزوج بالاول .. خلص فلم رعب .
ابتسمت وقلت بدلع عود اني ماريد تحت شعار ( يتمنعن وهن راغبات 😂 ) ...
- لا اني اخاف .
ابتسم ابتسامة عراقية شبابية صايعة : اني يمج لتخافين 😉 .
سويت روحي تطمنت وقلت : اوكي ☺️ .
وطبينا فلم annabelle .. جينا دنقعد جان اخته تصيح : اني بالنص .
احمد : لا تعاي بصفي منا .
- مااااااا .
- يلا انجبي وقعدي .
موصوجها ☺️صوج الحيوان الي ديرضا بحجيها 😒 ...
وقعدت بصفنا والمشكلة بومة ماتنام 😒 واني قردة قاعدة بحدي 😑 ... وانوبة قربت من اخوها وحضنته وكامشة ايديناته حتى تمنع اي محاولة منه حتى يلزم ايدي 😒 ...
خلص الفلم وطلعنا .. عمي ايام الجاهلية احسن 😒 ... رحنا دنتعشا وطبعا الحمار اقصد احمد ساكت لان هي قاعدة عود يعني يستحي يتغزل 😒 ...
بس المهم اكلت ع حسابه ☺️ .. وطبعا طلبت وجبة غالية حتى اقهره مثل ما اخته النعال قهرتني 😈😂 ..
ورجعني الحمار لبيتنا .. احنا بالطريق قعد يفتر هواي كلساع طاب بشارع وطالع من شارع ..
سألته : شكو ؟.
قال بصوت ناصي : حتى تنام اريد اودعج لان .
الله حنبدي بقلة الادب😍 .. اقصدلا ميصير .. المهم نفس الافلام اخر الموعد 😌 ...
بس الحيوانة مهمدت عفية طفلة بومة 😒 ..
قتله : يابة رجعني تاخرت 😤 .
وصلنا لبيتنا اندار لاخته : حبيبتي هاج موبايلي لعبي بيه ادري تحبيه الالعاب مالته .
قالت : ماريد محلوات العابك .
قلت اني : هاج شوفي العاب جوالي .
اطيتها الجوال وبدت تلعب ...
جان يباوع علية👀 .. وباوعت عليه 🙈 ... وهيج نظرات والحاجات دي 😍 ..
ابتسم : جان يوم حلو .
خايب دطير ياحلو طلعته من عيني هي مال جذب😒 ..
قلت : اي شكرا .
- اني الاشكرج .
- يمعود فضنا بين مانشكر بعض تلحق مخلصة اللعبة 😡 .
جان تسمع البومة وجتي بنصنا اطتني الجوال : هاج العابج محلوة .
لابوكم لابو الجابكم 😤🙌🏻 ...
ضربتها بكوعي وهي بين كراسيني ضربة قوية ونزلت ..
حل 😈 ...
جان موعد زبالة اكيد احد حط عينه علية بالخطوبة المنيلة بستين نيلة 😒 ...
حسبي الله ونعم الوكيل باحمد واخته البومة وامه ورانية وام رانية 🙌🏻
نهاية الحلقة ...
