الملاك الاسود

بارت ١

اباوع على حذائي
واني امشي بطريقي راجعه
من المدرسه .. اباوع على ألشمس
وأشجار الورد كدام كل بيت اتمنى يكون
ببيتنه حديقه ... بيها شجره ورد وكتاكيت
٣ زغار ... مرجوحه.. احلامي هاي كل احلامي يا رب حققها الي وراح اكون
حبابه طول حياتي وراح اجمع يوميتي ربع ربع حدما يصيرون الف واروح اخليها بصندوق تبرعات الايتام..
امين يا رب.
وصلت البيت...

امي متوفيه
من عمري أيام
وابوي توفه وراها بسنه
جارتنه ام علياء جانت تحجيلي
عن حبهم.. وشكد اكو ناس
وكفت بطريقهم بس مع ذالك
تزوجو.
فتحت عيوني واني عد بيت
عمي ... الي متكون من عمي الي توفه
بحادث
وجدتي ام ابوي..
هيه الي ربتني الى ان صار عمري
٧ سنين.
ومرته الي ما اعرفها اصلا.
مرت الايام والسنين.
وجدتتي توفت همين
جانت مريضه ..
بقيت ليلتها ابجي
عليها .. صح جانت ما تحبني بس حسيت روحي وحيده.. جنت متعودة عليها وعلى طبعها.
بس من عرفت انو مرت عمي راح تجي
فرحت ..
ما راح ابقه وحدي.

رجعت من المدرسه
جنت ثالث ابتدائي.

تلكتني مره عمي.

خولة. شرفت الحلوة.

ابتسمت.
ملاك. ا...اليوم اخذنا درس عن الام.

خولة. هه.

تقربت لزمتني من جتفي.
وحجت بهمس.

خولة.اني حجيت وي عمامج
والمدرسه ممنوعه...
كلفوني مسوؤلية تربيتج
بشرط ينطوني هاذ البيت.

تحجي وتعلي صوتها.

خولة. بغضب.
واني ما حامله مسؤولية اثنين
وتجي الثالثه...

دنكت راسي
واني ما فاهمه شي من الي تكوله
دمعت عيني وصدرت مني شهكه .

باوعت عليه.
خولة. هااا يحلوة خاف زعلتي ..
لا لا مسحي هلدموع..
اربي بنات العارات انييي.

ذبت الجنطه مني
سحلتني سحل صعدتني فوك ..
شمرتني بالغرفه.

خولة. بصياح.
من اليوممممم هاذذذ مكانججج
فاهمةةةة.

طلعت
وسدتت الباب
بقوة.
رجعت بالزاويةة
لميت رجليه
واني ابجي
اريد امي..
ما جنت اعرف انو
هاي المره الاخيرة
الي اشوف بيها
ضوه الشمس.

........

حبست زوجه العم الشريرة
ملاك الطفلة بغرفه القبو
ملاك الي عاشت حياتها
صديقه اغصان الاشجار
والورد الي محد عاملها
برقه وبحب يلائم طيبتها
وصفاء نيتها. . .
جان يوم تدخل الها
الاكل وعشرة لا
يوم تدخل تضربها
ويوم تحبسها بالضلام
طول الليل.
الكره والحقد الي جان بسبب حياتها التعيسه والمنحطه، خلت هلطفله تتحمل كل المسؤولية.

.....