الملاك الاسود

بارت ٤١

احس بيها تباوعلي
وهيه تحضر اللحم.

فاطمه. اسألج سؤال .

رفعت عيني ..
باوعتلها ..

ملاك. تفضلي.

فاطمه. اشو شغلج مو مال دلال
مبينه متعودة تعرفين يعني.

بلعت ريكي.
اغسل بسرعه وما اوسخ ولا
اخرب واسويها هوسه ..
كلشي اعرف اطبخ ..وماكو سالفه تعبر عليه إلا ولكفتها وهيه طايرة ..
نسيت روحي اني.

ملاك. بيبيتي علمتني.

فاطمه. هاا.. عاشت ايدها .

ملاك.ابتسمت.

فاطمه. انه رايحه اغسل لجدورة
برة خوش.

ملاك. وين برة .

فاطمه. اكو مطبخ ثاني هذاك يصير بي الطبخ والغسل.. هنا بس الأشياء الخفيفه.

ملاك. اها... تمام.

راحت..
باوعت على الساعه
جانت ب ١٠:٢٢ م.

النسوان خفن
وبقه بس الاقارب كلش مع اني اشوف
الصاله متروسه ترسس..

غسلتهن..
ودا انشف بيهن ..
فجأة.. 
كلبي احس نكرص..
خليت الصحن على الميز ..
لزمت كلبي ..
احس  وي كل نفس يوجعني أكثر وأكثر .

عفت الصحن ..
مشيت كعدتت لازمه كلبي
شبيج... شبيججج جيهان ..
لا مو وكته هسه مو وكت اي شي.

...........................

انمر. احس راسي منفصل عن جسمي
من التعب ..
كمت... دخلت البيت.
واشوف الحضور.

انمر السلام عليكم.

الكل وعليكم السلام.

تقربت من امي
بست رأسها.

حضنتني.
لمياء. بصوت مبحوح. حبيبي.

ترخصت.
وطلعت من الصاله ..
توجهت للمطبخ ..

دخلت واشوفها..
جانت كاعدة على الطاولة..
لازمه وصله .. تمسح بالصحون.

تقربت..
منها وما حست عليه ..

انمر. ملاك.

وكفت فجأة
حسيتها فزت.
باوعتلي .. رفعت رأسها ببطئ.
ضحكت.

ملاك.ها.

انمر. شتسوين؟

ملاك. امسح.

انمر. ووين فاطمه.

ملاك.  تغسل لجدورة برة.

انمر .ابتسمت صفح.
جانت رافعه ردانها.. ومبين ايديها
يلمعن..
بس ... عكدتت حاجبي واني اشوف
جرح... هاذ حرك مو جرح...
مبين نص منه ونص جوه لردان .